2002 Bengaluru Voter List: 2002ರ ಮತದಾರರ ಪಟ್ಟಿಯಲ್ಲಿ ಹೆಸರು ಸಿಗುತ್ತಿಲ್ಲವೇ; ಏನು ಮಾಡಬೇಕು, ಎಸ್‌ಐಆರ್ ಸಂಪೂರ್ಣ ಮಾಹಿತಿ

2002 Bengaluru Voter List: ಬೆಂಗಳೂರಿನಲ್ಲಿ ವಿಶೇಷ ಮತದಾರರ ಪಟ್ಟಿ ಸಮಗ್ರ ಪರಿಷ್ಕರಣೆ ಪ್ರಕ್ರಿಯೆಯು ನಡೆಯುತ್ತಿದ್ದು, ಇದೀಗ ಇದರಲ್ಲಿ ಭಾರೀ ತಪ್ಪುಗಳು ಆಗಿರುವುದು ಕಂಡು ಬಂದಿದೆ. ಇದರಿಂದ ಲಕ್ಷಾಂತರ ಮತದಾರರ ಮೇಲೆ ಪರಿಣಾಮ ಬೀರಿದೆ. ಬೆಂಗಳೂರು ನಗರದ ಕೆಲವು ಪ್ರದೇಶಗಳಲ್ಲಿ 2002ರ ಡಿಜಿಟಲೀಕೃತ ಮತದಾರರ ಪಟ್ಟಿಯಿಂದ ಸಂಪೂರ್ಣ ಮತಗಟ್ಟೆಗಳ ಮಾಹಿತಿಯೇ ಕಾಣೆಯಾಗಿದ್ದು, ಇದರಿಂದ ನೂರಾರು ಮತದಾರರು ತೊಂದರೆಗೆ ಸಿಲುಕಿದ್ದಾರೆ. ಈ ಸಮಸ್ಯೆ ನಡೆಯುತ್ತಿರುವ ವಿಶೇಷ ತೀವ್ರ ಪರಿಷ್ಕರಣೆ (SIR) ಪ್ರಕ್ರಿಯೆಯ ವೇಳೆ ಗೊಂದಲವನ್ನುಂಟು ಮಾಡಿದೆ. ಮತದಾರರು ತಮ್ಮ ಕುಟುಂಬ ಸದಸ್ಯರು ಅಥವಾ ಸಂಬಂಧಿಕರ ಹೆಸರಿನೊಂದಿಗೆ ಕಡ್ಡಾಯವಾಗಿ ಸಂಪರ್ಕವನ್ನು (ಲಿಂಕ್) ಸಾಬೀತುಪಡಿಸಲು ಕಷ್ಟಪಡುತ್ತಿದ್ದಾರೆ. ಭಾರತೀಯ ಚುನಾವಣಾ ಆಯೋಗದ ಮತದಾರರ ಪಟ್ಟಿ ವಿಶೇಷ ಸಮಗ್ರ ಪರಿಷ್ಕರಣೆಯಲ್ಲಿ ಭಾರೀ ಸಮಸ್ಯೆ ಆಗಿದೆ.

ಬೆಂಗಳೂರಿನ ಕೆಲವು ಪ್ರದೇಶಗಳಲ್ಲಿ 2002ರ ಡಿಜಿಟಲೀಕೃತ ಮತದಾರರ ಪಟ್ಟಿಯಿಂದ ಸಂಪೂರ್ಣ ಮತಗಟ್ಟೆಗಳ ಮಾಹಿತಿಯೇ ಸಿಗದೆ ಇರುವುದು ಇದೀಗ ಸಮಸ್ಯೆಗೆ ಕಾರಣವಾಗಿದೆ. ಅಲ್ಲದೆ ಇದರಿಂದ ನೂರಾರು ಮತದಾರರು ತೊಂದರೆಗೆ ಸಿಲುಕಿದ್ದಾರೆ. ಈ ಸಮಸ್ಯೆ ನಡೆಯುತ್ತಿರುವ ವಿಶೇಷ ತೀವ್ರ ಪರಿಷ್ಕರಣೆ (SIR) ಪ್ರಕ್ರಿಯೆಯ ವೇಳೆ ಗೊಂದಲವುಂಟಾಗುವುದಕ್ಕೂ ಕಾರಣವಾಗಿದೆ. ಮತದಾರರು ತಮ್ಮ ಕುಟುಂಬ ಸದಸ್ಯರು ಅಥವಾ ಸಂಬಂಧಿಕರ ಹೆಸರಿನೊಂದಿಗೆ ಕಡ್ಡಾಯವಾಗಿ ಸಂಪರ್ಕವನ್ನು (ಲಿಂಕ್) ಸಾಬೀತುಪಡಿಸಲು ಕಷ್ಟಪಡುತ್ತಿದ್ದಾರೆ ಎಂದು ವರದಿಯಾಗಿದೆ.

ಮುಖ್ಯವಾಗಿ ಬೆಂಗಳೂರಿನ ಮಹದೇವಪುರ ವಿಧಾನಸಭಾ ಕ್ಷೇತ್ರದಲ್ಲಿ, ಗಾಂಧಿಪುರ, ವಿಜಯನಗರ, ವಿನಾಯಕನಗರ, ಇಮ್ಮಡಿಹಳ್ಳಿ, ಅಂಬೇಡ್ಕರ್ ನಗರ, ಪ್ರಶಾಂತ್ ಲೇಔಟ್, ಪಟ್ಟಂದೂರು ಅಗ್ರಹಾರ, ವೈಟ್‌ಫೀಲ್ಡ್ ಹಾಗೂ ನಲ್ಲೂರಹಳ್ಳಿ ನಿವಾಸಿಗಳು ತಾವು ವರ್ಷಗಳಿಂದ ಮತ ಚಲಾಯಿಸಿದ ಮತಗಟ್ಟೆಗಳು SIR ಪೋರ್ಟಲ್ ಮತ್ತು ಬೂತ್ ಲೆವೆಲ್ ಆಫೀಸರ್ (BLO) ಅರ್ಜಿಯಲ್ಲಿ ಲಭ್ಯವಿರುವ 2002 ರ ಡೇಟಾಬೇಸ್‌ನಲ್ಲಿ ಇಲ್ಲ ಎಂದು ದೂರಿದ್ದಾರೆ. ಬೆಂಗಳೂರಿನ ವೈಟ್‌ಫೀಲ್ಡ್‌ ಭಾಗದಲ್ಲೂ ಇದೇ ಸಮಸ್ಯೆ ಎದುರಾಗಿದೆ ಎಂದು ಹಲವು ಮತದಾರರು ದೂರಿದ್ದಾರೆ. 2002ರ ಡಿಜಿಟಲೀಕರಣಗೊಂಡ ಪಟ್ಟಿಯಿಂದ ಮಹದೇವಪುರ ವಿಧಾನಸಭಾ ಕ್ಷೇತ್ರದ ಕನಿಷ್ಠ 50 ಮತಗಟ್ಟೆಗಳು ಕಾಣೆಯಾಗಿವೆ. ಆದಾಗ್ಯೂ, ಅಂತಹ ಎಲ್ಲಾ ಪ್ರಕರಣಗಳು ಕಾಣೆಯಾದ ದಾಖಲೆಗಳನ್ನು ಸೂಚಿಸುವುದಿಲ್ಲ ಎಂದು ಚುನಾವಣಾ ಅಧಿಕಾರಿಗಳು ಹೇಳಿದ್ದಾರೆ ಎಂದು ಹೇಳಲಾಗಿದೆ.

2008ರ ಗಡಿ ನಿರ್ಣಯದ ನಂತರ ಹಿಂದಿನ ವರ್ತೂರು ವಿಧಾನಸಭಾ ಕ್ಷೇತ್ರವನ್ನು ರದ್ದುಪಡಿಸಲಾಯಿತು ಮತ್ತು ಆ ಪ್ರದೇಶಗಳನ್ನು ಮುಖ್ಯವಾಗಿ ಮಹಾದೇವಪುರ, ಸಿವಿ ರಾಮನ್ ನಗರ ಮತ್ತು ಆನೇಕಲ್ ಕ್ಷೇತ್ರಗಳ ನಡುವೆ ಮರುಹಂಚಿಕೆ ಮಾಡಲಾಯಿತು. ಈ ಹಂತದಲ್ಲಿ ಸಮಸ್ಯೆ ಆಗಿದೆ ಎಂದು ಹೇಳಲಾಗಿದೆ. ಕಾಣೆಯಾದ ಮತಗಟ್ಟೆಗಳು ಮತ್ತು ತಾಂತ್ರಿಕ ವೈಪರೀತ್ಯಗಳ ದೂರುಗಳನ್ನು ಪರಿಶೀಲಿಸಲಾಗುವುದು ಎಂದು ಕರ್ನಾಟಕ ಮುಖ್ಯ ಚುನಾವಣಾ ಅಧಿಕಾರಿ ವಿ. ಅನ್ಬುಕುಮಾರ್ ಅವರು ಹೇಳಿದ್ದಾರೆ.

2002 Bengaluru Voter List: 2002ರ ಪಟ್ಟಿಯಲ್ಲಿ ತಮ್ಮ ಹೆಸರು ಪತ್ತೆಯಾಗದವರು ಏನು ಮಾಡಬೇಕು

ಇನ್ನು 2002 ರ ಪಟ್ಟಿಯಲ್ಲಿ ತಮ್ಮ ಹೆಸರು ಪತ್ತೆಯಾಗದವರು ಏನು ಮಾಡಬೇಕು ಎನ್ನುವುದಕ್ಕೆ ಸಂಬಂಧಿಸಿದಂತೆಯೂ ಕರ್ನಾಟಕ ಮುಖ್ಯ ಚುನಾವಣಾ ಅಧಿಕಾರಿಗಳು ಮಹತ್ವದ ಮಾಹಿತಿಯನ್ನು ನೀಡಿದ್ದಾರೆ. 2002ರ ಪಟ್ಟಿಯಲ್ಲಿ ತಮ್ಮ ಹೆಸರುಗಳನ್ನು ಮ್ಯಾಪಿಂಗ್‌ಗಾಗಿ ಪತ್ತೆಹಚ್ಚಲು ಸಾಧ್ಯವಾಗದ ಮತದಾರರು ಪ್ರಸ್ತುತ ವಿವರಗಳೊಂದಿಗೆ ಸಹಿ ಮಾಡಿದ ಎಣಿಕೆ ನಮೂನೆಯನ್ನು ಸಲ್ಲಿಸಬೇಕು. ನೋಟಿಸ್ ಸ್ವೀಕರಿಸಿದ ನಂತರ ಅವರು ಹೆಚ್ಚುವರಿ ದಾಖಲೆಗಳನ್ನು (ಚುನಾವಣಾ ಆಯೋಗದಿಂದ ಅನುಮೋದಿಸಲ್ಪಟ್ಟವು) ಸಲ್ಲಿಸಬಹುದು. ಆಗಸ್ಟ್‌ 17 ರಂದು ಕರಡು ಪಟ್ಟಿ ಪ್ರಕಟವಾದ ನಂತರ SIR ಫಾರ್ಮ್‌ಗಳನ್ನು ಸ್ವೀಕರಿಸದ ಮತದಾರರು ಫಾರ್ಮ್ -6 ಅನ್ನು ಸಲ್ಲಿಸಬೇಕು ಎಂದು ವಿ. ಅನ್ಬುಕುಮಾರ್ ಅವರು ತಿಳಿಸಿದ್ದಾರೆ.