ತೆರಿಗೆ ಸಂಗ್ರಹದಲ್ಲಿ ಪಾಲಿಕೆ ವಿಫಲ:ಆರ್ಥಿಕ ಸ್ಥಿತಿ ಸುಧಾರಣೆ ಯಾವಾಗ?

ಬೆಂಗಳೂರು, ಏಪ್ರಿಲ್ 27: ಬಿಬಿಎಂಪಿಯು ಆರ್ಥಿಕ ಸ್ಥಿತಿ ಸುಧಾರಣೆಗೆ ತೆರಿಗೆ ಹೆಚ್ಚಳ ಮಾಡಿ, ಆನ್‌ಲೈನ್ ತೆರಿಗೆ ಪಾವತಿ ವ್ಯವಸ್ಥೆ ಜಾರಿಗೆ ತಂದಿತ್ತು, ಆದರೆ ಅವರ ಆಲೋಚನೆ ಬುಡಮೇಲಾಗಿದೆ. ಆಡಳಿತಾರೂಢ ಪಕ್ಷದ ವೈಫಲ್ಯ ಇದೀಗ ಬಯಲಾಗಿದೆ.

ಕೇಂದ್ರ ಲೆಕ್ಕ ಪರಿಶೋಧನಾ ವರದಿಯಲ್ಲಿ ರಾಜ್ಯದ ಉಳಿದೆಲ್ಲ ನಗರಾಡಳಿತಕ್ಕಿಂತ ಬಿಬಿಎಂಪಿ ತೆರಿಗೆ ಸಂಗ್ರಹ ಕೆಳಮಟ್ಟದಲ್ಲಿದೆ ಎಂದು ತಿಳಿಸಲಾಗಿದೆ.

ವರದಿ ಪ್ರಕಾರ, 2012-13ರಿಂದ 2016-17ರವರೆಗೆ ಪ್ರತಿವರ್ಷ ತನ್ನ ಬಜೆಟ್ ನಲ್ಲಿ ತಿಳಿಸಲಾಗುವ ಆಸ್ತಿ ತೆರಿಗೆ ಸಂಗ್ರಹದ ಗುರಿಯನ್ನು ತಲುಪುವಲ್ಲಿ ಬಿಬಿಎಂಪಿ ವಿಫಲವಾಗಿದೆ.

ಅದರಂತೆ, 5 ವರ್ಷಗಳಲ್ಲಿ ಅತಿಹೆಚ್ಚು ಆದಾಯ ಸಂಗ್ರಹವಾಗಿದ್ದು, ಶೇ.63 ಮಾತ್ರ, ಮತ್ತೊಂದೆಡೆ, ರಾಜ್ಯದ ಉಳಿದ 10 ಮಹಾನಗರ ಪಾಲಿಕೆ, 57 ನಗರಸಭೆ, 114 ಪುರಸಭೆ, 89 ಪುರ ಪಂಚಾಯಿತಿ ಹಾಗೂ 4 ನೋಟಿಫೈ ಏರಿಯಾ ಕಮಿಟಿಗಳ ಆಸ್ತಿ ತೆರಿಗೆ ಪ್ರಮಾಣ ಶೇ.84 ದಾಟಿದೆ. ಇದು ಬಿಬಿಎಂಪಿ ಆರ್ಥಿಕ ಪರಿಸ್ಥಿತಿ ದಿನದಿಂದ ದಿನಕ್ಕೆ ಹದಗೆಡುತ್ತಿರುವುದಕ್ಕೆ ಸಾಕ್ಷಿಯಾಗಿದೆ.

ಬಿಬಿಎಂಪಿ ಆಸ್ತಿ ತೆರಿಗೆ ಮೊತ್ತಕ್ಕೆ ಶೇ.15 ಆರೋಗ್ಯ ಕರ, ಶೇ.6 ಗ್ರಂಥಾಲಯ ಕರ ಹಾಗೂ ಶೇ.3 ಭಿಕ್ಷುಕರ ಕರ ಸಂಗ್ರಹಿಸುತ್ತಿದೆ., ಅದರಂತೆ ಕಳೆದ 5 ವರ್ಷಗಳಲ್ಲಿ 857.73 ಕೋಟಿ ರೂ ಆರೋಗ್ಯ ಕರ, 343.08 ಕೋಟಿ ರರೂ. ಗ್ರಂಥಾಲಯ ಕರ ಹಾಗೂ 171.53 ಕೋಟಿ ರೂ. ಭಿಕ್ಷುಕರ ಕರ ಸಂಗ್ರಹಿಸಿದೆ.

ಆಸ್ತಿ ತೆರಿಗೆ ಸಂಗ್ರಹದ ವಿವರ(ಕೋಟಿ ರೂಗಳಲ್ಲಿ) ಬಿಬಿಎಂಪಿ

ವರ್ಷ	ಗುರಿ	ಸಂಗ್ರಹ	ಶೇ
2012-13	2,000	936.76	47
2013-14	3,200	908.6	28
2014-15	2,135	1,176	55
2015-16	1,900	1,244	66
2016-17	2,300	1,452	63

English summary

The CAG report has revealed that BBMP was failed to meet its own target on tax collection since seven consecutive years and performed below 60 percent of target. Even BBMP stands in last comparing to other urban local bodies in the state.