ಬೆಂಗಳೂರು ರಸ್ತೆಗಳನ್ನು ಸ್ವಚ್ಛಗೊಳಿಸಲು ಬರ್ತಿದ್ದಾರೆ ಮೆಕ್ಯಾನಿಕಲ್ ಸ್ವೀಪರ್ಸ್
ಬೆಂಗಳೂರು, ಡಿಸೆಂಬರ್ 11: ಬೆಂಗಳೂರಿನ ಪ್ರಮುಖ ಸಮಸ್ಯೆಗಳೆಂದರೆ ಒಂದು ತ್ಯಾಜ್ಯ ಎರಡನೆಯದ್ದು ರಸ್ತೆಗುಂಡಿಗಳು, ಇದಕ್ಕೆ ಶಾಶ್ವತ ಪರಿಹಾರ ಕಲ್ಪಿಸಲು ಬಿಬಿಎಂಪಿ ಮುಂದಾಗಿದೆ.
ಬೆಂಗಳೂರಿನ 2 ಸಾವಿರ ಕಿ.ಮೀ ರಸ್ತೆಯನ್ನು ಸ್ವಚ್ಛಗೊಳಿಸಲು ಮೆಕ್ಯಾನಿಕಲ್ ಸ್ವೀಪರ್ಸ್ಗಳು ಬರಲಿದ್ದಾರೆ. ಈ ಕುರಿತು ಒಪ್ಪಿಗೆಗೆ ಸರ್ಕಾರಕ್ಕೆ ಮನವಿ ಸಲ್ಲಿಸಲಾಗಿದೆ. ಶೀಘ್ರ ಸ್ವೀಪರ್ಗಳನ್ನು ನೇಮಿಸಲಾಗುತ್ತದೆ.
ಬೆಂಗಳೂರಲ್ಲಿ ಒಟ್ಟು 34 ಮೆಕ್ಯಾನಿಕಲ್ ಸ್ವೀಪರ್ಗಳನ್ನು ನೇಮಿಸಲಾಗುತ್ತದೆ ಅವರೊಂದಿಗೆ 17 ಮೆಕ್ಯಾನಿಕಲ್ ಮಷಿನ್ ಖರೀದಿಸಲಾಗುತ್ತದೆ. ಈ ವಾಹನದ ಜೊತೆ ಬಂದು ಎರಡು ದಿನಕ್ಕೊಮ್ಮೆಯಲ್ಲ ಪ್ರತಿನಿತ್ಯವು ತ್ಯಾಜ್ಯವನ್ನು ತೆಗೆದು ಸ್ವಚ್ಛಗೊಳಿಸಲಿದ್ದಾರೆ.
ಈ ಮೆಕ್ಯಾನಿಕಲ್ ಸ್ವೀಪರ್ಸ್ ನಿತ್ಯ 50 ಕಿ.ಮೀ ಸ್ವಚ್ಛಗೊಳಿಸಬಲ್ಲರು, ಬಿಬಿಎಂಪಿಯು ಕನಿಷ್ಠ 2 ಸಾವಿರ ಕಿ.ಮೀ ಶುಚಿಗೊಳಿಸುವ ಗುರಿ ಹೊಂದಿದ್ದು 41 ಸ್ವೀಪರ್ಗಳನ್ನು ನೇಮಕ ಮಾಡಿಕೊಳ್ಳಲು ನಿರ್ಧರಿಸಿದೆ.
ಪ್ರತಿ ಮಷಿನ್ಗೆ 70 ಲಕ್ಷ ರೂ ವೆಚ್ಚ ತಗುಲಲಿದೆ. ಕಾಂಟ್ರ್ಯಾಕ್ಟರ್ಗಳಿಗೆ 6.5 ಲಕ್ಷ ರೂ ನೀಡಬೇಕಾಗುತ್ತದೆ.ಮುಂದಿನ ವರ್ಷದೊಳಗಾಗಿ 100 ಮೆಕ್ಯಾನಿಕಲ್ ಸ್ವೀಪರ್ಗಳನ್ನು ನೇಮಿಸಿಕೊಂಡು 5 ಸಾವಿರ ಕಿ.ಮೀ ಸ್ವಚ್ಛಗೊಳಿಸುವ ಯೋಜನೆ ಹೊಂದಿದೆ. ಬೆಂಗಳೂರು 14,440 ಕಿ.ಮೀ ವಿಸ್ತೀರ್ಣವನ್ನು ಹೊಂದಿದೆ.
Click it and Unblock the Notifications
Sign in with Google