ಸುಮನಹಳ್ಳಿ-ಕೊಟ್ಟಿಗೆಪಾಳ್ಯ ರಸ್ತೆಗೆ ನಾಲ್ಕು ಪಥ ಸೇರ್ಪಡೆ
ಬೆಂಗಳೂರು, ಜೂನ್ 20 : ಸುಮನಹಳ್ಳಿ ಜಂಕ್ಷನ್ ಮತ್ತು ಕೊಟ್ಟಿಗೆಪಾಳ್ಯ ನಡುವೆ 8 ಪಥದ ರಸ್ತೆ ನಿರ್ಮಾಣವಾಗಲಿದೆ. ಬಿಬಿಎಂಪಿ ಈಗಿರುವ 4 ಪಥದ ರಸ್ತೆಗೆ ಇನ್ನೂ ನಾಲ್ಕು ಪಥವನ್ನು ಸೇರಿಸುತ್ತಿದೆ. ಸುಮಾರು 10 ಕೋಟಿ ರೂ.ಗಳ ಯೋಜನೆ ಇದಾಗಿದೆ.
ಬೃಹತ್ ಬೆಂಗಳೂರು ಮಹಾನಗರ ಪಾಲಿಕೆ ಸುಮನಹಳ್ಳಿ ಜಂಕ್ಷನ್ ಮತ್ತು ಕೊಟ್ಟಿಗೆಪಾಳ್ಯ ನಡುವಿನ ರಸ್ತೆಯನ್ನು 8 ಪಥದ ರಸ್ತೆಯಾಗಿ ಅಭಿವೃದ್ಧಿ ಪಡಿಸಲಿದೆ. ರಸ್ತೆ ನಿರ್ಮಾಣ ಕಾಮಗಾರಿ ಪೂರ್ಣಗೊಂಡ ಬಳಿಕ ಇದು ಸಿಗ್ನಲ್ ಫ್ರೀ ರಸ್ತೆಯಾಗಲಿದೆ.
8 ಪಥದ ರಸ್ತೆ ನಿರ್ಮಾಣದಿಂದಾಗಿ ತುಮಕೂರು ರಸ್ತೆ, ನಾಗರಬಾವಿ, ಮಾಗಡಿ ಮುಂತಾದ ಕಡೆ ಸಾಗುವ ವಾಹನ ಸವಾರರಿಗೆ ಅನುಕೂಲವಾಗಲಿದೆ. ಈಗಿರುವ 80 ಪಥದ ರಸ್ತೆಗೆ ಇನ್ನೂ ನಾಲ್ಕು ಪಥವನ್ನು ಸೇರಿಸುವ ಕಾಮಗಾರಿಯನ್ನು ಬಿಬಿಎಂಪಿ ಕೈಗೊಳ್ಳಲಿದೆ.
ಸುಮಾರು 10 ಕೋಟಿ ರೂ.ಗಳ ಯೋಜನೆ ಇದಾಗಿದೆ. ಈಗಾಗಲೇ ಈ ಯೋಜನೆಯ ಟೆಂಡರ್ ಪ್ರಕ್ರಿಯೆಯನ್ನು ಪೂರ್ಣಗೊಳಿಸಿ, ಅನುಮತಿಗಾಗಿ ಸರ್ಕಾರಕ್ಕೆ ಕಳುಹಿಸಲಾಗಿದೆ. ಎರಡು ತಿಂಗಳಿನಲ್ಲಿ ಕಾಮಗಾರಿ ಆರಂಭವಾಗುವ ನಿರೀಕ್ಷೆ ಇದ್ದು, ಆರು ತಿಂಗಳಿನಲ್ಲಿ ಕಾಮಗಾರಿ ಪೂರ್ಣಗೊಳ್ಳಲಿದೆ.
Click it and Unblock the Notifications
Sign in with Google