ನವೆಂಬರ್ 3ರಿಂದ ಹಂಪಿ ಉತ್ಸವ : ಸಚಿವ ಸಂತೋಷ್ ಲಾಡ್

ಹೊಸಪೇಟೆ, ಅಕ್ಟೋಬರ್ 14: ನವೆಂಬರ್ 3 ರಿಂದ ಮೂರು ದಿನಗಳ ಕಾಲ ನಡೆಯಲಿರುವ ಹಂಪಿ ಉತ್ಸವಕ್ಕೆ ಈ ಬಾರಿ ಆರು ವೇದಿಕೆಗಳನ್ನು ಮಾಡಲಾಗಿದೆ. ಉತ್ಸವಕ್ಕೆ ಎಲ್ಲಾ ರೀತಿಗಳಿಂದ ಸಿದ್ಧತೆ ನಡೆದಿದೆ ಎಂದು ಜಿಲ್ಲಾ ಉಸ್ತುವಾರಿ ಸಚಿವ ಸಂತೋಷ್ ಲಾಡ್ ಹೇಳಿದ್ದಾರೆ.

ಅಕ್ಟೋಬರ್ 18 ರಿಂದ 22 ರವರೆಗೆ ವಿಜಯ ವಿಠ್ಠಲ ದೇವಸ್ಥಾನದ ಬಳಿ ಶಿಲ್ಪ ಮತ್ತು ಕಾಷ್ಟ ಶಿಬಿರ, ಅ 23 ರಂದು ಮ್ಯಾರಥಾನ್. 26 ರಿಂದ 28 ರ ವರೆಗೆ ಚಿತ್ರಕಲಾ ಶಿಬಿರ . ಅ 30 ರಿಂದ 5 ರ ವರೆಗೆ ಬೆಳಿಗ್ಗೆ ಮತ್ತು ಸಂಜೆ ಹೆರಿಟೇಜ್ ವಾಕ್ ಹಮ್ಮಿಕೊಳ್ಳಲಾಗಿದೆ. ಇದಕ್ಕಾಗಿ, 100 ರೂ ಶುಲ್ಕವಿದ್ದು, ಊಟದ ವ್ಯವಸ್ಥೆ ಇರುತ್ತದೆ ಎಂದು ಸಚಿವ ಸಂತೋಷ್ ಲಾಡ್ ತಿಳಿಸಿದ್ದಾರೆ.

ನವೆಂಬರ್ 1 ರಿಂದ ಹಂಪಿ ಬೈ ಸ್ಕೈ (ಹೆಲಿಕಾಪ್ಟರ್ ರೈಡ್) 7 ನಿಮಿಷಕ್ಕೆ 1900 ರು ಹಾಗೂ 10 ನಿಮಿಷಕ್ಕೆ‌ 2600 ರು ಶುಲ್ಕವಿದ್ದು, 5 ವರ್ಷದ ಕೆಳಗಿನವರಿಗೆ ಉಚಿತವಿರುತ್ತದೆ ಎಂದು ಸಚಿವರು ತಿಳಿಸಿದರು.

ನವಂಬರ್ 3 ರಂದು 2500 ರೈತರ ಸಮಾವೇಶವಿದ್ದು, ನ 3 ರಿಂದ 9 ವರೆಗೆ ಕೇಂದ್ರ ಸರಕಾರದ ಸಂಗೀತ ಮತ್ತು ನಾಟಕ ವಿಭಾಗದಿಂದ ವಿಜಯನಗರ ವೈಭವ ಎಂಬ ಧ್ವನಿ ಬೆಳಕಿನ ಪ್ರದರ್ಶನ ಗಜಶಾಲೆ ಆವರಣದಲ್ಲಿ ನಡೆಯಲಿದೆ ಎಂದು ಸಚಿವ ಸಂತೋಷ್ ಲಾಡ್ ತಿಳಿಸಿದರು.

ಇದಲ್ಲದೆ ನವಂಬರ್ 3 ರಿಂದ 5 ರವರಗೆ ಕೆಸರುಗದ್ದೆ ಓಟ ಸೇರಿದಂತೆ ಗ್ರಾಮೀಣ ಕ್ರೀಡೆಗಳು ನಡೆಯಲಿವೆ ಎಂದು ಸಚಿವ ಸಂತೋಷ್ ಲಾಡ್ ಕಮಲಾಪುರದಲ್ಲಿ ಹೇಳಿದರು.(ಒನ್ಇಂಡಿಯಾ ಸುದ್ದಿ)

English summary

Sincere efforts are on to make this year’s Hampi Utsav, a three-day(November 3-6) cultural extravaganza from November 3, a truly people’s utsav with stress on promoting cultural arts of various forms,” Santosh Lad, Minister for Labour and district in-charge, said.