• search

ಜನಾ ರೆಡ್ಡಿ ಜೈಲುವಾಸ ಇನ್ನೂ ದೀರ್ಘ ದೀರ್ಘ

By Srinath
Subscribe to Oneindia Kannada
For Quick Alerts
ALLOW NOTIFICATIONS
For Daily Alerts
    illegal-mining-reddy-stay-in-chanchalaguda-jail-longer
    ಹೈದರಾಬಾದ್, ಫೆ.16: ಓಬಳಾಪುರಂ ಅಕ್ರಮ ಗಣಿಗಾರಿಕೆ ಸಂಬಂಧ ಕರ್ನಾಟಕದ ಮಾಜಿ ಮಂತ್ರಿ ಜನಾರ್ದನ ರೆಡ್ಡಿ ಅವರಿಗೆ ಸದ್ಯಕ್ಕೆ ಜೈಲಿನಿಂದ ಮುಕ್ತಿ ಸಿಗುವ ಯಾವುದೇ ಲಕ್ಷಣಗಳು ಕಾಣ್ತಿಲ್ಲ. ಹಠಕ್ಕೆ ಬಿದ್ದಿರುವಂತೆ ಸಿಬಿಐ ಒಂದಿಲ್ಲೊಂದು ಕೊಂಕು ತೆಗೆದು ಅವರ ಜಾಮೀನಿಗೆ ಮುಳುವಾಗುತ್ತಿದೆ. ಅಸಲಿಗೆ ಸ್ವತಃ ರೆಡ್ಡಿಗೇ ಜಾಮೀನು ಬಗ್ಗೆ ಮರೆತು ಹೋಗುವಷ್ಟು ಬಾರಿ ಅರ್ಜಿ ಹಾಕಿದ್ದರೂ ರೆಡ್ಡಿಗಿಲ್ಲ ಮುಕ್ತಿ ಅನ್ನುವಂತಾಗಿದೆ.

    ಆದರೆ ಸಿಬಿಐ... 'ಆರ್ಥಿಕ ಭಯೋತ್ಪಾದಕ' ಜನಾರ್ದನ ರೆಡ್ಡಿಗೆ ಯಾವುದೇ ಕಾರಣಕ್ಕೂ ಜೈಲಿನಿಂದ ಹೊರಬಾರದಂತೆ 'ನೋಡಿಕೊಳ್ಳುತ್ತಿದೆ'. ರೆಡ್ಡಿಯನ್ನು ಹಾಗಿರಲಿ ಅವರ ಐಷಾರಾಮಿ ವಸ್ತುಗಳನ್ನೂ ವಾಪಸ್ ಕೊಡಲು ಸಿಬಿಐಗೆ ಮನಸ್ಸಿಲ್ಲ. ನನ್ನ ರುಕ್ಮಿಣಿಯನ್ನು (ಹೆಲಿಕಾಪ್ಟರ್) ವಾಪಸ್ ಕೊಡಿ ಎಂದು ರೆಡ್ಡಿ ಕೇಳಿದರೆ 'ರುಕ್ಮಿಣಿಯನ್ನು ನಾವು ಚೆನ್ನಾಗಿಯೇ ನೋಡಿಕೊಳ್ಳುತ್ತಿದ್ದೇವೆ. ರೆಡ್ಡಿಗೆ ಅದರ ಚಿಂತೆ ಬೇಡ' ಎಂದು ಖಡಕ್ಕಾಗಿ ಹೇಳಿದೆ.

    ಈ ಮಧ್ಯೆ, ಎಮ್ಮಾರ್ ಟೌನ್ ಷಿಪ್ ಪ್ರಕರಣದಲ್ಲಿ ಆರೋಪಿಯಾಗಿರುವ ಆಂಧ್ರಪ್ರದೇಶ ಗೃಹ ಕಾರ್ಯದರ್ಶಿ ಬಿಪಿ ಆಚಾರ್ಯ ಅವರ ಚಂಚಲಗೂಡ ಜೈಲುವಾಸ ಅವಧಿಯನ್ನು ವಿಸ್ತರಿಸಲಾಗಿದೆ.

    ಇದಕ್ಕೆಲ್ಲಕ್ಕಿಂತ ಗಹನವಾದ ವಿಚಾರವೆಂದರೆ ಸಿಬಿಐ ಅಧಿಪತಿ ವಿವಿ ಲಕ್ಷ್ಮಿನಾರಾಯಣ ಅವರ ಕೈಮೇಲಾಗಿರುವುದು. ಅವರೀಗ ನರೇಂದ್ರ ಮೋದಿ ಸಾಹೇಬರ ಕೊರಳಿಗೇ ಗಂಟುಬಿದ್ದಿದ್ದಾರೆ. ಮೋದಿಗೆ ಉರುಳಾಗಬಹುದಾದ ಷೊಹ್ರಾಬುದ್ದೀನ್ ಶೇಕ್ ನಕಲಿ ಎನಕೌಂಟರ್ ಪ್ರಕರಣದ ತನಿಖೆ ನಡೆಸುವಂತೆ ಆಂಧ್ರದ ಸಿಬಿಐ ಜಂಟಿ ನಿರ್ದೇಶಕರಾಗಿರುವ ಲಕ್ಷ್ಮಿನಾರಾಯಣಗೆ ದೆಹಲಿ ಸಿಬಿಐ ಆದೇಶಿಸಿದೆ. ಸುಪ್ರೀಂಕೋರ್ಟ್ ಸುಪರ್ದಿಯಲ್ಲಿ ಈ ಪ್ರಕರಣದ ತನಿಖೆ ನಡೆಯುತ್ತಿರುವುದರಿಂದ ಸಿಬಿಐ ತನಿಖೆಗೆ ಹೆಚ್ಚಿನ ಮಹತ್ವ ನೀಡಬೇಕಾಗಿದೆ.

    ಈಗಾಗಲೇ ಜಗನ್ ಮೋಹನ್ ರೆಡ್ಡಿ ಅಕ್ರಮ ಆಸ್ತಿ, ಎಮ್ಮಾರ್ ಟೌನ್ ಷಿಪ್ ಹಗರಣಗಳ ಬೆನ್ನುಹತ್ತಿರುವ ಲಕ್ಷ್ಮಿನಾರಾಯಣ ಸಾಹೇಬರೇ ಖುದ್ದು ಎಲ್ಲ ಪ್ರಕರಣಗಳನ್ನೂ ನಿಭಾಯಿಸಬೇಕಾಗಿದೆ. ಅಲ್ಲಿಗೆ ಒಂದೇ ಪ್ರಕರಣವನ್ನು ಒಂದೇ ಸಮನೆ ತನಿಖೆ ನಡೆಸುವುದು ಅವರಿಗೆ ಕಷ್ಟಸಾಧ್ಯವಾಗಲಿದೆ. ಆದ್ದರಿಂದ ಓಬಳಾಪುರಂ ರೆಡ್ಡಿ ಪ್ರಕರಣ ವಿಚಾರಣೆ ನಿಧಾನಗತಿಯಲ್ಲಿ ಸಾಗಲಿದೆ. ಅಂದರೆ ರೆಡ್ಡಿ ಜೈಲುವಾಸ .............

    ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

    English summary
    With Lakshminarayana’s attention being turned to the Sohrab case, sources say that the other high profile cases he is investigating - the illegal assets case of Kadapa MP Jagan Mohan Reddy, Emaar-APIIC properties scam and the Obulapuram mining scam - may take a back seat for some time. That means Reddy stay in hanchalaguda jail will be a longer one.

    Oneindia ಬ್ರೇಕಿಂಗ್ ನ್ಯೂಸ್,
    ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more