ಶನಿವಾರ ಚಂದ್ರಗ್ರಹಣ, ನಿಮ್ಮ ರಾಶಿ ಯಾವುದು?

ಮಾರ್ಗಶಿರ ಮಾಸ ಶುಕ್ಲ ಹುಣ್ಣಿಮೆಯ ದಿನವಾದ ಶನಿವಾರ (ಡಿಸೆಂಬರ್ 10) ದಂದು ವೃಷಭ ರಾಶಿಯಲ್ಲಿ ಚಂದ್ರನಿಗೆ ಕೇತು ಗ್ರಹಣವಾಗಲಿದೆ. ಈ ಗ್ರಹಣವು ಏಷ್ಯಾ,ಆಸ್ಟ್ರೇಲಿಯಾ,ನ್ಯೂಜಿಲ್ಯಾಂಡ್,ಯುರೋಪ್,ಉತ್ತರ ಅಮೇರಿಕಾ ಮತ್ತು ಕೆನಡಾ ಖಂಡದಲ್ಲಿ ಗೋಚರಿಸಲಿದ್ದು, ರಾಜ್ಯದಲ್ಲಿ ಕೂಡಾ ಸಂಪೂರ್ಣ ಗ್ರಹಣ ವೀಕ್ಷಿಸ ಬಹುದಾಗಿದೆ. ಇದು ಖಗ್ರಾಸ ಸಂಪೂರ್ಣ ಚಂದ್ರಗ್ರಹಣ.

ರೋಹಿಣಿ ನಕ್ಷತ್ರದಲ್ಲಿ ಗ್ರಹಣ ಆರಂಭವಾಗಿ ಮೃಗಶಿರ ನಕ್ಷತ್ರದಲ್ಲಿ ಮೋಕ್ಷವಾಗಲಿದೆ. ಪಂಚಾಂಗದ ಪ್ರಕಾರ ಈ ಗ್ರಹಣವು ಕೃತ್ತಿಕಾ, ರೋಹಿಣಿ, ಮೃಗಶಿರಾ, ಹಸ್ತಾ, ಚಿತ್ರಾ, ಶ್ರವಣ, ಧನಿಷ್ಠಾ ನಕ್ಷತ್ರದವರಿಗೂ ಮೇಷ, ವೃಷಭ, ಮಿಥುನ, ಕನ್ಯಾ, ಮಕರ ರಾಶಿಯವರಿಗೆ ಅನಿಷ್ಟಕರ.

ಕಟಕ, ಮೀನಾ, ಸಿಂಹ, ಧನು ರಾಶಿಯವರಿಗೆ ಮಂಗಳಕರವಾಗಲಿದೆ. ಕನ್ಯಾ, ವೃಶ್ಚಿಕ ರಾಶಿಯವರಿಗೆ ಮಿಶ್ರಫಲ ಒದಗಲಿದೆ. ಈ ದಿನ ಹಗಲು ಭೋಜನ ನಿಷಿದ್ದ ಹಾಗೂ ಸಾಂವ್ಸರಿಕ ಶ್ರಾದ್ದ ಮರುದಿನ. ಒಟ್ಟಾರೆ ಗ್ರಹಣದ ಅವಧಿಯಲ್ಲಿ ಭೋಜನ ಕಡ್ಡಾಯವಾಗಿ ನಿಷೇಧಿಸಿ.

ಸ್ಪರ್ಷಕಾಲ: ಸಂಜೆ 06.15
ಮಧ್ಯಕಾಲ: ರಾತ್ರಿ 08.04
ಮೋಕ್ಷಕಾಲ: ರಾತ್ರಿ 09.53
ಗ್ರಹಣದ ಅವಧಿ: 3 ಗಂಟೆ 32 ನಿಮಿಷ

ರೋಹಿಣಿ ಮತ್ತು ಮೃಗಶಿರ ನಕ್ಷತ್ರದವರು ಗ್ರಹಣಶಾಂತಿ ನಡೆಸುವುದು ಸೂಕ್ತ. ವಿಷ್ಣು ಸಹಸ್ರನಾಮ, ನರಸಿಂಹ ಕವಚಂ, ಖುಣ ವಿಮೋಚನಾ ಸ್ತೋತ್ರ, ಆಂಜನೇಯ ಸ್ತೋತ್ರ, ರುದ್ರ ಮುಂತಾದ ಶ್ಲೋಕ ಪಠಿಣದ ಮೂಲಕ ಗ್ರಹಣ ದೋಷ ಪರಿಹಾರ ನಡೆಸಬಹದು. ಮುಖ್ಯವಾಗಿ ಈ ಕೆಳಗಿನ ಮಂತ್ರ ಪಠಿಸಿ ಬಿಂಬದಾನ ಮಾಡಿದರೆ ಶ್ರೇಷ್ಠ.

ಚಂದ್ರಾಂತರ್ಯಾಮಿ ಶ್ರೀ ಲಕ್ಷ್ಮೀನಾರಸಿಂಹ ಪ್ರೇರಣಾಯ |
ಶ್ರೀ ಲಕ್ಷ್ಮೀನಾರಸಿಂಹ ಪ್ರೀತ್ಯರ್ಥಂ ||
ಚಂದ್ರೋಪರಾಗ ಪೀಡಾ ಪರಿಹಾರಾರ್ಥಂ |
ಸನಾಗ ಚಂದ್ರ ಬಿಂಬದಾನಮಹಂ ಕರಿಷ್ಯೇ ||

English summary

Last eclipse of the year 2011 is going to be witnessed on 10.12.11, the full moon day. It is going to be a total Lunar eclipse occurring at the Moon's descending node. Kethugrastha Chandra Grahana. This eclipse will be visible all over Asia, Australia, Newzealand, Europe, North America and Canada. In India it will be visible throughout the country.