ರೆಡ್ಡಿ ಆಪ್ತನ ಲ್ಯಾಪ್‌ಟಾಪ್ : ಸುಷ್ಮಾ ಚುನಾವಣೆಗೆ ಗಣಿ ಹಣ ಸಂದಾಯ ಸಾಬೀತು

ಹೈದರಾಬಾದ್, ನ. 10: ಬಿಜೆಪಿಯ ಹಿರಿಯ ನಾಯಕಿ ಸುಷ್ಮಾ ಸ್ವರಾಜ್ ಬಳ್ಳಾರಿಯಲ್ಲಿ ಲೋಕಸಭೆ ಚುನಾವಣೆಗೆ ಸ್ಪರ್ಧಿಸಿದಾಗ ಗಣಿ ದೊರೆಗಳು ನೀರಿನಂತೆ ಹಣ ಖರ್ಚು ಮಾಡಿರುವುದು ಕೊನೆಗೂ ಬಹಿರಂಗವಾಗಿದೆ. ರೆಡ್ಡಿ ಆಪ್ತ ಅಲಿ ಖಾನ್ ಬಳಿಯಿದ್ದ ಲ್ಯಾಪ್‌ಟಾಪ್ ಮೂಲಕ ಸಿಬಿಐ ಇದನ್ನು ಪತ್ತೆ ಹಚ್ಚಿದೆ. ಅಷ್ಟೇ ಅಲ್ಲ, ಕೇಂದ್ರ ಬಿಜೆಪಿಯ ಯಾವೆಲ್ಲ ನಾಯಕರಿಗೆ ಗಣಿ ರೆಡ್ಡಿಗಳು ದುಡ್ಡು ನೀಡಿದ್ದಾರೆ ಎಂಬ ಅಂಶವೂ ಬಯಲಾಗಿದೆ.

ಕುತೂಹಲಕರ ಸಂಗತಿಯೆಂದರೆ ಸಿಬಿಐ ಈ ಯಾವುದೇ ಅಂಶಗಳನ್ನು ರೆಡ್ಡಿ ವಿರುದ್ಧದ ಚಾರ್ಜ್ ಷೀಟಿನಲ್ಲಿ ದಾಖಲಿಸದೆ ನೇರವಾಗಿ ಕೇಂದ್ರ ಗೃಹ ಸಚಿವಾಲಯಕ್ಕೆ ರಹಸ್ಯ ವರದಿ ಸಲ್ಲಿಸಲಿದೆ ಎಂದು ಮೂಲಗಳು ತಿಳಿಸಿವೆ.

ವೃತ್ತಿಯಿಂದ ಇಂಜಿನಿಯರ್ ಆಗಿರುವ ಅಲಿ ಖಾನ್, ದೇವಿ ಎಂಟರಪ್ರೈಸಸ್ ಮತ್ತು ಆರ್ ಕೆ ಮೈನಿಂಗ್ ಎಂಬ ಬೇನಾಮಿ ಕಂಪನಿಗಳ ಮಾಲೀಕತ್ವವನ್ನೂ ಹೊಂದಿದ್ದು, ಅದರ ಮೂಲಕ ಅಕ್ರಮವಾಗಿ ಅದಿರು ರಫ್ತು ಮಾಡಿರುವುದೂ ಲ್ಯಾಪ್‌ಟಾಪ್ ನಲ್ಲಿ ದಾಖಲಾಗಿದೆ. ಇದರಿಂದ ಮೈನಿಂಗ್ ಮಾಫಿಯಾದಲ್ಲಿ ಅಲಿ ಖಾನ್ ಮಹತ್ವದ ಲಿಂಕ್ ಹೊಂದಿರುವುದು ಸಾಬೀತಾಗಿದೆ ಎನ್ನಲಾಗಿದೆ.

ಅಲಿ ಖಾನ್ ಲ್ಯಾಪ್‌ಟಾಪ್ ಕಾರವಾರ ಮತ್ತು ಹೊಸಪೇಟೆ ಸಮೀಪದ ಕಾಳಹಳ್ಳಿ ಮೈನಿಂಗ್ ಬಗ್ಗೆಯೂ ಸಿಬಿಐ ಮಹತ್ವದ ಮಾಹಿತಿ ನೀಡಿದೆ.

English summary

The CBI now claims to have unearthed solid evidence from the laptop computer of Janardhana Reddy’s personal assistant K Mehfuz Ali Khan (28). The laptop contains details on how money was handled and election arrangements made during the Bellary bye-poll contested by senior BJP leader Sushma Swaraj. There are files in the laptop which indicate that large sums of money was given to senior leaders in the central BJP for fighting the 2009 Lok Sabha elections.