ಯಾದಗಿರಿಯ ಎಲ್ಲಾ ಬ್ಯಾಂಕ್ ಎಟಿಎಂ ಜೇಬಿಗೆ ತೂತು

ಯಾದಗಿರಿ, ಜೂ. 11 : ಯಾದಗಿರಿ ಜಿಲ್ಲೆಯಲ್ಲಿ ಎಲ್ಲಾ ಬ್ಯಾಂಕ್ ಗಳ ಎಟಿಎಂ ಖಾಲಿಖಾಲಿ. ಹಣ ಪಡೆಯಲು ಎಟಿಎಂ ಕೇಂದ್ರಗಳೂ ಸಾಕಷ್ಟಿವೆ. ಹಾಗಂತ ಯಾರಾದರೂ ಜೇಬಿನಲ್ಲಿ ಹಣ ಇಟ್ಟುಕೊಳ್ಳದೆ ಈ ಎಟಿಎಂಗಳನ್ನು ನಂಬಿ ಯಾದಗಿರಿಗೆ ಬಂದರೆ ಕೆಟ್ಟೀರಿ ಜೋಕೆ!

ಯಾದಗಿರಿ ಜಿಲ್ಲೆಯ ಜನರಿಗೆ ಇದು ಒಂದೆ ದಿನದ ಸಮಸ್ಯೆ ಅಲ್ಲ. ವಾರದಲ್ಲಿ ಎರಡರಿಂದ ಮೂರು ದಿನಗಳ ಕಾಲ ಎಟಿಎಂಗಳು ಖಾಲಿಯಾಗುತ್ತವೆ. ಕಳೆದ ವಾರದಿಂದ ಯಾವ ಎಟಿಎಂಗಳ ಜೇಬುಗಳು ಖಾಲಿಯಾಗಿರುವುದು ಜನರು ಪರದಾಡುವಂತೆ ಮಾಡಿದೆ.

ಜಿಲ್ಲಾ ಕೇಂದ್ರದಲ್ಲಿ 8 ಎಟಿಎಂಗಳಿದ್ದರೂ ಯಾವುದೇ ಎಟಿಎಂನಿಂದ ಹಣ ಪಡೆಯಲು ಸಾಧ್ಯವಾಗುತ್ತಿಲ್ಲ. ಹೀಗಾಗಿ ಎಲ್ಲ ಎಟಿಎಂಗಳನ್ನು ಅಲೆದಾಡಿದ ಗ್ರಾಹಕರು ಬ್ಯಾಂಕುಗಳಿಗೆ ಹಿಡಿಶಾಪ ಹಾಕುತ್ತಿದ್ದಾರೆ. ಸಂಬಂಧ ಪಟ್ಟವರಿಗೆ ದೂರು ನೀಡಿದರೂ ಬರಕತ್ತಾಗಿಲ್ಲ.

ಯಾವುದೇ ಬ್ಯಾಂಕ್ ಒಮ್ಮೆ ಎಟಿಎಂ ತೆರೆದರೆ 24 ಗಂಟೆ ತೆರೆದಿರಬೇಕು ಎಂಬ ನಿಯಮವಿದೆ. ಹಣ ಖಾಲಿಯಾದರೆ ಮತ್ತೆ ತುಂಬಬೇಕು. ಗ್ರಾಹಕರಿಗೆ ಯಾವುದೇ ಸಮಸ್ಯೆಯಾಗದಂತೆ ನೋಡಿಕೊಳ್ಳಬೇಕು ಎಂದು ಆರ್‌ಬಿಐ ಸೂಚನೆಯಿದೆ. ಆದರೂ ಯಾದಗಿರಿಯಲ್ಲಿ ಎಟಿಎಂ ಖಾಲಿಖಾಲಿ.

ಯಾದಗಿರಿಯಲ್ಲಿ ಇರುವ ಬ್ಯಾಂಕುಗಳು : ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ, ಎಕ್ಸಿಸ್, ಸಿಂಡಿಕೇಟ್, ಐಸಿಐಸಿಐ, ಸ್ಟೇಟ್ ಬ್ಯಾಂಕ್ ಆಫ್ ಹೈದರಾಬಾದ್.

English summary

All bank ATMs in Yadagiri district have become empty. SBI, ICICI, Syndicate, Axis, SB of Hyderabad have ATMs, but none have money in them. People have complained to the concerned authoriries, but no action has been taken yet.