ಬಿಜಾಪುರ : ಆಸ್ತಿಗಾಗಿ ದಾಯಾದಿಗಳ ಕಲಹ, ಇಬ್ಬರ ಹತ್ಯೆ

ಬಿಜಾಪುರ : ದಾಯಾದಿಗಳ ನಡುವಿನ ಆಸ್ತಿ ವಿವಾದ, ಎರಡು ಬಲಿ ತೆಗೆದುಕೊಂಡ ಘಟನೆ ಜಿಲ್ಲೆಯ ಬೈಕಾಡ್‌ ಗ್ರಾಮದಲ್ಲಿ ನಡೆದಿದೆ.

ಮೃತರನ್ನು ಶಂಕರಪ್ಪ ಕಾಟ್ಗರ್‌ ಮತ್ತು ಕಸ್ತೂರಿಬಾಯಿ ಕಾಟ್ಗರ್‌ ದಂಪತಿಗಳು ಎಂದು ಗುರ್ತಿಸಲಾಗಿದೆ. ಶಂಕರಪ್ಪ ಕಾಟ್ಗರ್‌ ಸಹೋದರನ ಪುತ್ರ ಈ ಕೃತ್ಯವೆಸಗಿರಬಹುದು ಎಂದು ಶಂಕಿಸಲಾಗಿದೆ ಎಂದು ಜಿಲ್ಲಾ ಪೊಲೀಸ್‌ ವರಿಷ್ಠಾಧಿಕಾರಿ ಸೀಮಂತ್‌ ಕುಮಾರ್‌ ಸಿಂಗ್‌ ಮಂಗಳವಾರ ಸುದ್ದಿಗಾರರಿಗೆ ತಿಳಿಸಿದ್ದಾರೆ.

ಹತ್ಯೆಗೊಳಗಾದ ದಂಪತಿಗಳ ಪುತ್ರಿ ಸಕ್ಕುಬಾಯಿ ಬಾಗೇವಾಡಿ ಪೊಲೀಸ್‌ ಠಾಣೆಯಲ್ಲಿ ದೂರು ದಾಖಲಿಸಿದ್ದು, ಪೊಲೀಸರು ತನಿಖೆ ಮುಂದುವರೆಸಿದ್ದಾರೆ.

(ಯುಎನ್‌ಐ)