ರಾಜಕುವರಿ ಡಯಾನ ಸ್ಮರಣಾರ್ಥ ಬೃಹತ್‌ ಭವ್ಯ ಗುಲಾಬಿ ವನ

ಲಂಡನ್‌ : ರಾಜಕುಮಾರಿ ಡಯಾನ ಅಕಾಲ ಮೃತ್ಯುವಿಗೀಡಾಗಿ ವರ್ಷಗಳೇ ಉರುಳಿದರೂ ಅವರ ನೆನಪು ಬ್ರಿಟಿಷರಿಂದ ಮರೆಯಾಗಿಲ್ಲ. ಈಗ ರಾಷ್ಟ್ರೀಯ ರಾಯಲ್‌ ರೋಸ್‌ ಸೊಸೈಟಿಯು ಡಯಾನ ಸ್ಮರಣಾರ್ಥ ಉತ್ತರ ಲಂಡನ್‌ನಲ್ಲಿ ವಿಶಾಲವಾದ ಗುಲಾಬಿ ವನವೊಂದನ್ನು ನಿರ್ಮಿಸಲು ನಿರ್ಧರಿಸಿದೆ.

ಹಾರ್ಟ್‌ಫೋರ್ಡ್‌ಫೀರ್‌ದ ಸೇಂಟ್‌ ಅಲ್ಬನ್ಸ್‌ನ ಸುಮಾರು 50 ಎಕರೆ ಪ್ರದೇಶದಲ್ಲಿ ಗುಲಾಬಿ ವನವನ್ನು ನಿರ್ಮಿಸಲು ಸಂಸ್ಥೆ ಸಿದ್ಧತೆ ನಡೆಸಿದೆ. ವಿಶ್ವದ ಅತಿ ದೊಡ್ಡ ಗುಲಾಬಿ ಉದ್ಯಾನವನವನ್ನು ಡಯಾನ ಹೆಸರಿನಲ್ಲಿ ನಿರ್ಮಿಸುವುದು ಸಂಸ್ಥೆಯ ಉದ್ದೇಶ.

ಸರಿ ಸುಮಾರು 28 ದಶಲಕ್ಷ ಡಾಲರ್‌ ವೆಚ್ಚದಲ್ಲಿ 50 ಎಕರೆ ಜಮೀನಿನಲ್ಲಿ ನಿರ್ಮಾಣವಾಗಲಿರುವ ಈ ಗುಲಾಬಿ ತೋಟ 2003ರಹೊತ್ತಿಗೆ ಸಿದ್ಧವಾಗಿ ಸಾರ್ವಜನಿಕ ವೀಕ್ಷಣೆಗೆ ತೆರೆಯಲಿದೆ ಎಂದು ಸಂಸ್ಥೆಯ ಮಹಾನಿರ್ದೇಶಕ ಕೆನ್‌ ಗ್ರಾಪ್ಸ್‌ ತಿಳಿಸಿದ್ದಾರೆ.