ನಿತ್ಯ ಭವಿಷ್ಯ

*ಜಾನುಕೊಂಡ ಶಾಮಾ ಶಾಸ್ತ್ರೀ

ಈ ದಿನ ನಿಮ್ಮದು. ಅಂದಮಾತ್ರಕ್ಕೆ ಎಲ್ಲಾ ಮೂಗಿನ ನೇರಕ್ಕೇ ಸಾಗುತ್ತದೆ ಎಂದೇನಲ್ಲ . ಆರೋಗ್ಯ ಯಥಾಸ್ಥಿತಿಯೇ. ಆದರೆ, ಆಫೀಸಿನಲ್ಲಿ ಸಾಕಷ್ಟು ಉಲ್ಲಾಸದ ವಾತಾವರಣ ಕಾಣುತ್ತೀರಿ.

ವೃಷಭ : ನಾಳೆ ಮಾಡಬೇಕಾದ ಕೆಲಸವನ್ನು ಇಂದೇ ಮುಗಿಸುವ ಉತ್ಸಾಹ ನಿಮ್ಮದು. ಇದರಿಂದಾಗಿಯೇ ಹೊಸ ಅವಕಾಶ ಹೊಸಿತಿಲಲ್ಲಿ ನಿಂತಿದೆ. ಈ ನಿಟ್ಟಿನಲ್ಲಿ ಹಿತಚಿಂತಕರ ಸಲಹೆ ಅತ್ಯಗತ್ಯ.

ಮಿಥುನ : ಉದರಬಾಧೆಗೆ ವಿಶೇಷವಾದ ಮದ್ದೇನೂ ಬೇಕಿಲ್ಲ . ವಯಸ್ಸಾಯಿತು ಅನ್ನುವ ಆಲೋಚನೆಯಿಂದ ಹೊರ ಬನ್ನಿ . ಅಧ್ಯಯನಶೀಲತೆ ನಿಮಗೆ ಸಂಗಾತಿಯಾಗಲು ಹವಣಿಸುತ್ತಿದೆ, ತೊಡಗಿಸಿಕೊಳ್ಳಿ.

ಕಟಕ : ಕೋರ್ಟ್‌ ವ್ಯವಹಾರಗಳಲ್ಲಿ ಅನುಕೂಲದ ದಿನ. ವಾಣಿಜ್ಯ ಒಪ್ಪಂದಗಳೂ ಹಿತಕರವಾಗಿಯೇ ಇರುತ್ತವೆ. ಅದರಿಂದಾಗಿ ಈ ದಿನ ನಿಮಗೆ ಯಶಸ್ಸಿನ ದಿನ ಅನ್ನಲಿಕ್ಕೆ ಅಡ್ಡಿಯಿಲ್ಲ.

ಸಿಂಹ : ಆರೋಗ್ಯದಲ್ಲಿ ಏರುಪೇರು ಸಹಜವಾದ್ದರಿಂದ ಅನಾರೋಗ್ಯದ ಬಗ್ಗೆ ತಲೆ ಕೆಡಿಸಿಕೊಳ್ಳಬೇಕಾದ ಅಗತ್ಯವಿಲ್ಲ . ಕುಲದೇವರನ್ನು ಅರ್ಚಿಸಿ. ವೃಥಾ ನೆಮ್ಮದಿ ಕೆಡಿಸಿಕೊಳ್ಳಬೇಡಿ.

ಕನ್ಯಾ : ನೀವು ಮಾಡುತ್ತಿರುವ ಕೆಲಸದ ಫಲಶ್ರುತಿ ಏನೆಂಬುದರ ಬಗ್ಗೆ ಮತ್ತೊಮ್ಮೆ ಚಿಂತಿಸುವುದು ಒಳ್ಳಿತು. ಹೊಸ ಅವಕಾಶಗಳಿಗೆ ಅಡಿಯಿಡುವಾಗಲೂ ಈ ಅವಲೋಕನ ಒಳ್ಳೆಯದೇ.

ತುಲಾ : ಅತಿಥಿಗಳ ಕಾರಣವಾಗಿ ಸಾಕಷ್ಟು ಹಣ ಕೈ ಬಿಡಲಿದೆ. ಇದರಿಂದ ತಪ್ಪಿಸಿಕೊಳ್ಳುವ ಯಾವ ಮಾರ್ಗವೂ ಇಲ್ಲವಾದುದರಿಂದ ಬೇಜಾರಿಲ್ಲದೆ ಅನುಭವಿಸಿಬಿಡಿ. ನೀವು ಅತಿಥಿಯಾದಾಗ ಸೇಡು ತೀರಿಸಿಕೊಂಡರಾಯಿತು.

ವೃಶ್ಚಿಕ : ಇತರರ ಕ್ಷುಲ್ಲಕತನವನ್ನು ಎತ್ತಿ ತೋರುವ ನಿಮ್ಮ ನಡವಳಿಕೆ ಅದಕ್ಕಿಂತ ಭಿನ್ನವೇನಲ್ಲ . ಮಿತಿಗಳನ್ನು ಮೀರಿದ್ದೇ ಆದಲ್ಲಿ ಇಷ್ಟ ಪಾತ್ರರ ಪ್ರೀತಿ, ವಿಶ್ವಾಸಕ್ಕೆ ಎರವಾಗುತ್ತೀರಿ.

ಧನಸ್ಸು : ಕುಟುಂಬದೊಂದಿಗಿನ ಹರ್ಷದ ಲಹರಿ ಮುಂದುವರಿಯುತ್ತದೆ. ನಮ್ಮ ಮನೆ, ಅಕ್ಕರೆ ತುಂಬಿದ ಚಂದದ ಅರಮನೆ ಎಂದು ನೀವು ಹಾಡಿ ಕುಪ್ಪಳಿಸಿದರೂ ಅಚ್ಚರಿಯಿಲ್ಲ.

ಮಕರ : ಪರೀಕ್ಷೆಗಳು ಹೊಸಿತಿಲಲ್ಲೇ ಇರುವುದರಿಂದ ನೀವು ಸರಸ್ವತಿಯಾಗುವ ಕಾಲ ಹತ್ತಿರವಾಯಿತು. ಈವರೆಗಿನ ಚಟುವಟಿಕೆಗಳಿಗೆ ನಮಸ್ಕಾರ ಹೇಳಿ ದೀಕ್ಷೆ ವಹಿಸಿ. ಯಶಸ್ಸಿನ ಬಗ್ಗೆ ಅಂಜುವ ಕಾರಣವೇನೂ ಇಲ್ಲ.

ಕುಂಭ : ಅಕ್ಕಿಯೂ ಸವೆಯಬಾರದು, ನಂಟೂ ಉಳಿಯಬೇಕು ಅನ್ನುವ ವ್ಯವಹಾರತನಕ್ಕಿದು ಕಾಲವಲ್ಲ . ಇಷ್ಟಕ್ಕೂ ಬಲವಂತದ ಸಂಬಂಧಗಳು ಗಾಢವಾದ ನೆನಪನ್ನಾಗಲೀ ವಿಷಾದವನ್ನಾಗಲೀ ಉಳಿಸುವುದಿಲ್ಲ.

ಮೀನ : ದೊಡ್ಡತನ ಅನ್ನುವುದನ್ನು ಗೊಮ್ಮಟನ ನೋಡಿ ಕಲಿಯಬೇಕು ಎಂದು ಯಾರಾದರೂ ಹೇಳಿದರೆ ಅಪಾರ್ಥ ಮಾಡಿಕೊಳ್ಳುವುದು ಬೇಡ. ನಿಮ್ಮ ಬಲಹೀನತೆಗಳು ನಿಮಗೆ ಗೊತ್ತಿಲ್ಲದ್ದೇನೂ ಅಲ್ಲ.