Get Updates
Get notified of breaking news, exclusive insights, and must-see stories!

ಕವನ:ಪ್ರೆಸ್ಸಿನಲಿ ಮೊಳೆ ಜೋಡಿಸುವ ಹುಡುಗಿ

*ನಾಗರಾಜ್ ಅಪಗಾಲ್, ಹೊನ್ನಾವರ

ಈ ಬೆಡಗಿ
ಪ್ರೆಸ್ಸಿನಲಿ ಮೊಳೆ ಜೋಡಿಸುವ
ಹುಡುಗಿ

ಹೆಕ್ಕಿ ಹೆಕ್ಕಿ ನಾಲ್ಕಕ್ಷರವ ಕಲಿತು
ಈಗ ನಿತ್ಯವೂ ನೂರಾರು ಅಕ್ಷರಗಳ
ಹೆಕ್ಕಿ ಹೆಕ್ಕಿ ಜೋಡಿಸುವೀಕೆ
ಥೇಟ್ ಗೂಡು ಹೆಣೆಯುವ
ಗುಬ್ಬಚ್ಚಿ

ಕೈಯೊಳಗೋ
ಸದಾ ಯಾರ್ಯಾರದೋ ಹಸ್ತಪ್ರತಿ;
ತೆಗೆಯುತ್ತಾಳೆ ನಿತ್ಯ
ಯಥಾಪ್ರತಿ

ಮೂಲದಲಿ
ತಿರುವು-ಮುರುವಾಗಿ
ಅರ್ಥ ಆಕಾರವೊಂದು ಇರದ
ಈ ಮೊಳೆಗಳು ಅಕ್ಷರದ ಅಚ್ಚುಗಳಾಗಿ
ಒಂದಕೊಂದು ಸುಸಂಭದ್ದವಾಗಿ ಸೇರಿ ಶಬ್ಧವಾಗಿ
ಸಾವಿರ(ದ) ಸದ್ದಾಗಿ, ಸಾಲು ಸಾಲಾಗಿ
ಗಿಡ್ಡ ಸಾಲಿನ ಕವಿತೆಯಾಗಿ
ದೊಡ್ಡ ಸಾಲಿನ ಕತೆಯೋ ಕಾದಂಬರಿಯೋ ಆಗಿ
ನಾ-ನಾ ಆಕೃತಿಯಾಗಿ
ನವಿರಾದ ಕೃತಿಯಾಗಿ
"ನಾದದ ನವನೀತ"ವಾಗಿ
ಪ್ರಶಸ್ತಿ-ಪುರಸ್ಕಾರ; ಹಾರ-ತುರಾಯಿ...
ಎಂದೆಲ್ಲ ಹಾರಾಡಿ
ಮನೆ ಮನೆಯ ಮಾತಾಗಿ ಹೋಗುವ ಪರಿಗೆ
ಈಕೆಗೆ ಎಲ್ಲಿಲ್ಲದ ಬೆರಗು

ಇದ್ದಿಲು ವಜ್ರವಾಗುವಂತೆ...
ಥಟ್ಟನೆ ಎನೋ ಹೊಳೆದಂತೆ...
ಅಂದುಕೊಳ್ಳುತ್ತಾಳೆ:

ಓಹ್, ಈ ಜಗದ ಅಣು ಅಣುವಿನ
ಸುಸಂಗತ ಜೋಡಣೆ, ಬರೀ ಜೋಡಣೆಯಲ್ಲ;
ಅದು ಹೊಸ-ಹೊಸ ಹುಟ್ಟಿನ
"ಜೀವಧಾರಣೆ" ಎಂದು.

(ನಾಗರಾಜ್ ಅಪಗಾಲ್ ಹೊನ್ನಾವರದ ಎಸ್.ಡಿ.ಎಂ ಕಾಲೇಜಿನಲ್ಲಿ ಕನ್ನಡ ಉಪನ್ಯಾಸಕರು)

More From
Prev
Next
Notifications
Settings
Clear Notifications
Notifications
Use the toggle to switch on notifications
  • Block for 8 hours
  • Block for 12 hours
  • Block for 24 hours
  • Don't block
Gender
Select your Gender
  • Male
  • Female
  • Others
Age
Select your Age Range
  • Under 18
  • 18 to 25
  • 26 to 35
  • 36 to 45
  • 45 to 55
  • 55+