ತುಂಟಿ

• ಚಂದ್ರಗೌಡ ಕುಲಕರ್ಣಿ, ಕಡದಳ್ಳಿ.
  [email protected]

ಪುಟ್ಟಿ ಬಾಯಿಂದ ಜೊಲ್ಲ ಸುರಿತಿದ್ರೆ

ಸಿಹಿಸಿಹಿ ಜೇನ್‌ ತುಪ್ಪ !

ಬುಳು ಬುಳು ಅತ್ರೆ ಉದರ್ರಲ್ವೇನೋ

ಮುತ್ತು ರತ್ನ, ಬೆಪ್ಪ !

ಒಂದೋ ಎರಡು ಹಲ್ಲಿದ್ರೂನು
ಥಳ ಥಳ ಹೊಳೆಯಾ ಹವಳ !
ತುಟಿಗಳೆರಡು ತೊಂಡೆಹಣ್ಣು
ಮೆಲ್ಲದೆ ಇದ್ರು ಕವಳ !

ಕಪ್ಪಂದ್ರ ಕಪ್ಪು ಗುಂಗಿ ಹುಳ
ಜೋಡಿ ಎರಡು ಕಣ್ಣು !
ಕಾಮನ ಬಿಲ್ಲಿನಂಗ ಬಾಗಿದ ಹುಬ್ಬು
ನೋಡಿ ಸೈ ಸೈ ಅನ್ನು !

ಆ್ಞ ಉ್ಞ ಅಂತ ರಾಗಾ ತಗದ್ರೆ
ಕೋಗಿಲೆ ಕಂಠದ ಇಂಪು !
ಬೆಬೆ ಬೆಬೆ ಅಂತ ತೊದಲಿದ್ರೂನು
ಗಿಳಿಗಳ ಮಾತಿನ ಕಂಪು !

ಹಾಲು ಗಲ್ಲದ ಮ್ಯಾಲ ನೋಡು
ಇಷ್ಟೆ ಇಷ್ಟು ಬೊಟ್ಟು !
ಹುಣ್ವಿ ಚಂದ್ರ ವಸತಿ ಹೂಡ್ಯಾನ
ತಾರಾಲೋಕಾ ಬಿಟ್ಟು !

ಹಂಗಿಂಗಂತ ಎಷ್ಟಂತ ಮಾಡಲಿ
ಪುಟ್ಟ ವರ್ಣಾ !
ಒಮ್ಮೆ ಎತಗೊಂಡ ನೋಡ್ರಿ
ಹೊಡಿತಾಳ ನಿಮಗ ಕಣ್ಣಾ !

ಮುಖಪುಟ / ಸಾಹಿತ್ಯ-ಸಂಸ್ಕೃತಿ