ಹಾರುವುದಷ್ಟೆ...!

• ವೀಣಾ ಶಿವಣ್ಣ, ಬೆಂಗಳೂರು

ಹಾಗೊಂದು ತರಗತಿ ಐದು

ಭೂಪಟ, ಗ್ಲೋಬುಗಳು ಹೊಸತು

ಪ್ರಶ್ನೆಯಾಂದು ಸದಾ ಕಾಡುತಿದೆನ್ನ,

ಗುಂಡಗಿನ ಭೂಮಿ, ಜನ ನಿಲ್ಲುವುದೆಂದರೆ?

ವರ್ಷಗಳು ಹದಿನೈದು,
ಬಾ ಎನುತಿದೆ ದೂರದ ಊರಿಂದ
ಗೂಡಿನಿಂದ ಹೊರಗೆ, ಸಮುದ್ರದಾಚೆಗೆ
ಎನಿತು ಹಾರುವೆ ನಾ, ಆ ಹಕ್ಕಿಯಂತೆ?

ಎರಡಲ್ಲ, ಮೂರಲ್ಲ... ಆಸೆ ಹದಿನಾರು
ರಿಕ್ಷಾದ ಲಕ್ಷುರಿ, ಗಾಳಿಯ ತಂಪಿಲ್ಲಿ
ವಾರಂತ್ಯ, ನೇಪಥ್ಯ ಇಹುದು ಇನಿತಿಲ್ಲಿ
ಕಡೆಯಿಲ್ಲ, ಮೊದಲಿಲ್ಲ ಆಸೆಗಳ ನಲ್ಲಿ?

ಈ ದೂರದೂರಿನಲಿ, ಕುಳಿತ ಕೊಠಡಿಯಲಿ
ಈಗಷ್ಟೆ ಕಾದಿರಿಸೆ ವಿಮಾನದಲಿ ಸ್ಥಳ
ಮುಂದಿನೂರಿನ ಒಂದಿನದ ಭೇಟಿಗೆ
ಭೂಪಟದಲ್ಲಿ ನಿಲ್ಲುವುದೆನಿತು?

ಈಗ ಹಾರುವುದಷ್ಟೆ!
ಹಾರುವುದಷ್ಟೆ!!

(ಲಾಸ್‌ ಏಂಜಲೀಸ್‌ ಪ್ರಯಣದ ಮುನ್ನ ಬರೆದ ಕವನ)

ಮುಖಪುಟ / ಸಾಹಿತ್ಯ-ಸಂಸ್ಕೃತಿ