ಮಾಯೆ : ಪ್ರೀತಿಗೊಂದು ವ್ಯಾಖ್ಯಾನ

• ರಘುನಾಥ್‌.ಪಿ.ಜಿ, ಬೆಂಗಳೂರು
  [email protected]

ಪ್ರೀತೀ ನೀ ಮಾಯೆಯಾ

ಮಾಯೆಯೇ ಪ್ರೀತಿಯಾ

ಪ್ರೀತೀ ನೀ ಮಾಯೆಯೇ ಆದರೂ

ಮಾಯೆಯೇ ಪ್ರೀತಿಯಾದರೂ

ಬದುಕಿಗೆ ಈ ಪ್ರೀತಿಯ

ಮಾಯೆಯೇ ಚಿದಂಬರ ರಹಸ್ಯ !

ಪ್ರೀತೀ ನಿನಗಿಲ್ಲ ಯಾವುದೂ
ಅಡೆತಡೆಗಳ ಅಸಾಧ್ಯ
ಪ್ರೀತೀ ನೀನೊಲಿದರೆ ಜೀವನದ
ಒಂದೊಂದು ಕ್ಷಣವೂ ಅಮೃತಘಳಿಗೆ,
ನೀ ಮುನಿದರೆ ಆಗದಿರದೇ ಬದುಕಿನ
ಒಂದೊಂದು ಕ್ಷಣವೂ ವಿಷಘಳಿಗೆ !

ಪ್ರೀತೀ ನೀ ಬದಲಿಸಬಲ್ಲೆ
ಕ್ಷಣದಲ್ಲಿ ಎಲ್ಲರ ಹಣೆಬರಹ,
ಮಾಡಬಲ್ಲೆ ಬದುಕ ಬಲು ಮಧುರ,
ಪ್ರೀತೀ ನೀ ಹೋಗಬಲ್ಲೆ
ಕ್ಷಣದಲ್ಲಿ ದೂರ ದೂರ ದೂರ
ಮಾಡಬಲ್ಲೆ ಬದುಕ ಬಲು ಘೋರ !

ಪ್ರೀತೀ ನೀ ಸ್ವಾರ್ಥಿಯಲ್ಲ,
ಅದಕ್ಕೆ ನೀನಿರೋ ಒಂದೊಂದು
ಹೃದಯಾನೂ ಚುಕ್ಕಿಯಂತೆ ಬೆಳಗಬಲ್ಲದು
ನಿನ್ನಲಿಹುದು ಎಲ್ಲರ ಎಲ್ಲ ಪ್ರಶ್ನೆಗಳಿಗೂ
ಉತ್ತರ, ನಿನ್ನ ಭಾಷೆಯಾಂದೇ ಈ
ಜಗದ ಪ್ರತೀ ಹೃದಯಾನ ಅರಿಯಬಲ್ಲದು !

ಪ್ರೀತೀ ನಿನ್ನ ಬೆಲೆಕಟ್ಟಿ ಕೊಳ್ಳಲಾದೀತೇ
ಹಣಕೊಟ್ಟು ಉಳಿಸಿ, ಬಳಸಲಾದೀತೇ,
ಕೊಟ್ಟರೂ ನಿನಗೆ ಮುತ್ತು ರತ್ನ
ನೀಬರಲಾರೆ, ನಿನಗೇ ನೀನೇ ಬೆಲೆ,
ನೀನೆ ನೆಲೆ, ನೀನೇ ಸೆಲೆ, ಅದಕೆ
ನಾ ಹೊರಟಿರುವೇ ನಿನ್ನಯ ಜೊತೆ

ಮುಖಪುಟ / ಸಾಹಿತ್ಯ-ಸಂಸ್ಕೃತಿ