ಮನದ ಹೊಯ್ದಾಟ

• ಆನಘ ಠಮನ್ಕರ್‌, ಬೆಂಗಳೂರು
  [email protected]

ಏನೊಂದು ಆಸೆಗಳು ಮನಕೆ,

ಹಲವಾರು ಕನಸುಗಳು ಅಸೆಗಳಿಗೆ

ಮನದಲಿ ಹೇಗೆ ಉದ್ಭವಿಸುವವು ಆಸೆಗಳು

ಆಸೆಗಳಿಗೆ ಹೇಗೆ ಬೆಸೆವವು ಕನಸುಗಳು?

ಆಸೆಗಳಿಂದ ದು:ಖ
ಕನಸುಗಳಿಂದ ಕ್ಷಣಿಕ ಸುಖ
ಸುಖದು:ಖಗಳ ಮರೀಚಿಕೆಯ ಹಿಂದೆ
ಮನವು ಓಡುತಿರಲು ಎಂಥ ವಿಪರ್ಯಾಸವು

ಈಡೆರದ ಆಸೆಯ ದಾಹಕೆ
ನೀರುಣಿಸುವವೆ ಕನಸುಗಳು?
ಬಳಲಿ ಬೆಂಡಾದ ಮನವ
ತಣಿಸುವವೆ ಕನಸುಗಳು?

ಮನದ ನೂರಾರು ಅಪೂರ್ಣ ಆಸೆಗಳು
ಪೂರ್ಣತೆಯ ತುಂಬುವ ಅಪೂರ್ವ ಕನಸುಗಳು
ಪೂರ್ಣತಾಪೂರ್ಣತೆಯ ಮಧ್ಯೆ ಸಿಲುಕಲು ಮನವು
ತೃಪ್ತಿಕರ ಭಾವನೆಯಿಂದ ಬಹುದೂರ ಸರಿಯಲು

ಮುಖಪುಟ / ಸಾಹಿತ್ಯ-ಸಂಸ್ಕೃತಿ