ನಮನ

• ಬಿ.ಎಚ್‌. ಚಂದ್ರಶೇಖರ, ಬೆಂಗಳೂರು .
  [email protected]

ಇಂಗಿ ಹೋಗುತಿದೆ ಇಂಗ್ಲೀಷಿನ ಮರುಭೂಮಿಯಲಿ

ನಿನ್ನ ಮಕ್ಕಳ ಪ್ರತಿಭಾ

ಬಿಡಿ ನೀವ್‌ ಆಂಗ್ಲ ವ್ಯಾಮೋಹ ಪೂರ್ಣ
ಎಂದೇನಿಲ್ಲ, ಇರಲಿ ಪ್ರೀತಿ ಅದಕೂ, ಆದರೂ
ಬಿಡದಿರಲಿ ಕನ್ನಡ ತಾಯ್‌ ಮೇಲಿನ ಪ್ರೀತಿ, ಭಕುತಿ
ಎಂದರು ಕುವೆಂಪು, ಬೀರಿದರು ಕನ್ನಡದಾ ಕಂಪು

ಏನು ಬಿಡು ಎಂದರೂ ಬಿಡಲೊಲ್ಲೆನಯ್ಯ
ಕನ್ನಡದ ಮಮತೆಯ ಬಿಡಲೊಲ್ಲೆನಯ್ಯ -ಕುವೆಂಪು.

ಕನ್ನಡವೇ ಸತ್ಯ, ಕನ್ನಡವೇ ನಿತ್ಯ ಎಂದು
ಉಸಿರಲಿ ಬೆರೆತ ಕನ್ನಡವನು ನಾನು
ಬಿಡಲೊಲ್ಲೆನಯ್ಯ, ಎಂದೇ ಹೇಳಿದರು
ತಾವ್‌ ಕುವೆಂಪು, ಬೀರಿದರು ಕನ್ನಡದಾ ಕಂಪು

ಪಾರು ಮಾಡಮ್ಮ ನೀ ಇಂಗ್ಲೀಷಿನಿಂದ
ಪೂತನಿಯ ಅಸುವೀಂಟಿ ಕೊಂದ ಗೋವಿಂದ -ಕುವೆಂಪು.

ಮಗುವೇ ಹೋರಾಡು ನೀನ್‌ ಕನ್ನಡಕೆ
ಕನ್ನಡತಾಯಿಗೆ ನೀನ್‌ ಬೇಕು, ಕನ್ನಡಾಂಬೆಯ
ನೀವ್‌ ರಕ್ಷಿಪ ಬೇಕು, ಅದುವೇ ಬೆಳಕು
ಮರೆಯಬೇದೆಂದರು ಕುವೆಂಪು, ಬೀರಿದರು ಕನ್ನಡದಾ ಕಂಪು

ಕನ್ನಡ ಎನೆ ಕುಣಿದಾಡುವುದೆನ್ನೆದೆ
ಕನ್ನಡ ಎನೆ ಕಿವಿ ನಿಮಿರುವುದು । -ಕುವೆಂಪು.

ನಲಿದಾಡಲಿ ನುಡಿ-ಕನ್ನಡ ನಾಲಿಗೆಯಲಿ,
ಕೇಳಿಬರಲಿ ಕನ್ನಡ ದಿಕ್ಕುದಿಕಿನಲಿ
ಕುಣಿದಾಡುವ ನಾವ್‌, ನಲಿದಾಡುವ ನೀವ್‌,
ನುಡಿದರು ಕುವೆಂಪು, ಬೀರಿದರು ಕನ್ನಡದಾ ಕಂಪು

ನೀ ಮುಟ್ಟುವ ಮರ - ಶ್ರೀಗಂಧದ ಮರ
ನೀ ಕುಡಿಯುವ ನೀರ್‌, ಕಾವೇರಿ -ಕುವೆಂಪು.

ದೇಶ, ವೇಶ ಯಾವುದಾದರೇನ್‌? ನಿನ್ನ ಕಸುಬು,
ನೌಕರಿ ಯಾವುದಾದರೇನ್‌? ಎಲ್ಲಿದ್ದರೇನ್‌? ತಿಳಿ
ಅದನೆ, ಕರ್ನಾಟಕ, ಕನ್ನಡ-ಕಸ್ತೂರಿ, ಚಿತ್ತವೆಲ್ಲ
ಪಸರಿಸಿರೆಂದರು ಕುವೆಂಪು, ಬೀರಿದರು ಕನ್ನಡದಾ ಕಂಪು

ದೀಕ್ಷೆಯ ತೊಡು ಇಂದೇ।
ಕಂಕಣ ಕಟ್ಟಿಂದೇ, ಕನ್ನಡ ನಾಡೊಂದೇ -ಕುವೆಂಪು.

ಭಾಷೆಯ ಕೊಡು, ದಿಟ್ಟಿ ಇಡು, ಅದು
ಕನ್ನಡವೊಂದೇ, ಕರ್ನಾಟಕವೊಂದೇ,
ಧಮನಿ-ಧಮನಿಯಲಿ ಕನ್ನಡ ಮಾತೊಂದೇ
ತುಂಬಿರಲೆಂದರು ಕುವೆಂಪು, ಬೀರಿದರು ಕನ್ನಡದಾ ಕಂಪು

ಜೈ ಭಾರತ ಜನನಿಯ ತನುಜಾತೆ।
ಜಯ ಹೇ ಕರ್ನಾಟಕ ಮಾತೇ । -ಕುವೆಂಪು.

ತಾಯೆ ಭಾರತಿ, ಕನ್ನಡ ಮಾತೇ,
ನೀ-ಎನ್ನ ಮಾತೇ, ನೀ ನಮ್ಮ ಮಾತೇ,
ಕರ್ನಾತಕ ಮಾತೇ, ಜೈ ಜೈ ಮಾತೇ
ನಮಿಸುವೆನೆಂದರು ಕುವೆಂಪು, ಬೀರಿದರು ಕನ್ನಡದಾ ಕಂಪು

(ಕುವೆಂಪು ಶತಮಾನೋತ್ಸವದ ನೆನಪಿಗಾಗಿ. ಡಿಸೆಂಬರ್‌ 2004)

ಮುಖಪುಟ / ಸಾಹಿತ್ಯ-ಸಂಸ್ಕೃತಿ