ತಂಬೂರಿಯಾಗುತ್ತಾರೆ...

• ಚಂದ್ರಗೌಡ ಕುಲಕರ್ಣಿ
  [email protected]

ಕೆಲವರು ಮರೆತುಹೋಗುತ್ತಾರೆ

ಹತ್ತರಲಿ ಹನ್ನೊಂದಾಗುವರು ;

ಭವದ ಕೋಟಲೆಗೆ ಸಿಕ್ಕಿ

ನರಳಿ ನುಗ್ಗಾಗುವರು ;

ಮಕ್ಕಳು ಮರಿ ಆಸ್ತಿ ಪಾಸ್ತಿಗಾಗಿ

ಹಪಹಪಿಸಿ ದುಡಿದವರು ;

ಅಲ್ಲಿಗೂ ಸಲ್ಲದೆ ಇಲ್ಲಿಗೂ

ಸಲ್ಲದೆ ಅಂತರ- ಬೆಂತರಗಳಾಗುವರು !

ಮರೆತು ಹೋಗುತ್ತಾರೆ
ಮರೆಯಾದ ಕೆಲ ಗಳಿಗೆಯಲ್ಲಿಯೆ
ಮರೆತೇ ಹೋಗುತ್ತಾರೆ.

ಕೆಲವರು ಮರೆತು
ಹೋಗುತ್ತಾರೆ!
ನಮ್ಮ ನಿಮ್ಮನ್ನೆಲ್ಲ
ಆಸ್ತಿ ಅಂತಸ್ತನೆಲ್ಲ
ಮರೆತು
ಹೋಗುತ್ತಾರೆ !
ಕರುಳಬಳ್ಳಿ ರಾಗ ಅನುರಾಗಗಳನೆಲ್ಲ
ಕಿತ್ತೊಗೆದು
ಏನೇನೂ ಗೊತ್ತಿಲ್ಲದವರಂತೆ
ಅಚ್ಚರಿ ಮೂಡಿಸಿ
ಮರೆತು ಹೋಗುತ್ತಾರೆ.

ಮರೆತೆನೆಂದರೂ
ಮರೆಯದ ಕೆಲವರಿರುತ್ತಾರೆ
ನಮ್ಮ ನಡೆ-ನುಡಿಯಲ್ಲಿ
ಬೇರೂರುತ್ತಾರೆ ;
ಆಳಕಿಳಿಯುತ್ತಾರೆ ;
ರಾಗ-ಭೈರವಿಯಲ್ಲಿ
ಲೀನವಾಗುತ್ತಾರೆ ;
ಭೈರವಿ-ಮಂಗಲವೋ ?
ಓಂ ನಮವೋ ?-ಎಂದು
ಗೊಂದಲಗೊಳಿಸಿ
ಆದಿಯಿಂದ ಅನಾದಿವರೆಗೆ
ವ್ಯಾಪಿಸಿಬಿಡುತ್ತಾರೆ ;
ಇಲ್ಲಿ ಸಂದು
ಅಲ್ಲಿಯೂ ಸಲ್ಲುವ
ಮಾದರಿಗಳಾಗುತ್ತಾರೆ ;
ತಮಂಧದ ಕೇಡಡಗಿಸಲು
ಜ್ಯೋತಿಯಾಗುತ್ತಾರೆ ;
ಅವಲೋಹವನಪ್ಪಿ
ಚಿನ್ನವಾಗಿಸುತ್ತಾರೆ ;
ಮಧುರ ಆಲಾಪನೆಗೆ
lt;br/>
(ಪಂ. ಪಿ. ಎ. ಸಾಲಿಮಠ ಅವರಿಗೆ ಸಲ್ಲಿಸಿದ ನುಡಿ ವಂದನೆ)

ಮುಖಪುಟ / ಸಾಹಿತ್ಯ-ಸಂಸ್ಕೃತಿ