ಹೇಳಬಾರದೆ ಗೆಳೆಯ ನಿನ್ನ ಉತ್ತರವ?

;?

• ರಶ್ಮಿ ಮಜುಮ್‌ದಾರ್‌, ದಾವಣಗೆರೆ
  [email protected]

ನೀನು ಮುಂಜಾನೆಯ ಮೊದಲ ಹೊಂಗಿರಣ

ನೀನು ಬೆಳಗಿನ ಸಿಹಿನಿದ್ದೆಯ ಸವಿಗನಸು

ನೀನು ನನ್ನ ಭವಿತವ್ಯದ ಹೊನ್ನ ತೋರಣ

ನೀನು ನನ್ನ ಮನದ ನಭದಿ ಹೊಳೆವ ಮಿಂಚು

ಆ ಕಿರಣದಲ್ಲೊಂದಾಗಿ ಸಿಹಿಗನಸ ಕಂಡು
ತೋರಣದ ಹೂವಾಗಿ ಮಿಂಚಾಗಿ ಹೊಳೆದು
ನಿನ್ನ ಬಾಳ ಬೆಳಕಾಗಿ ಬರಲೇನು
ಸ್ವರ್ಣ ಸಿಂಹಾಸನವನೇರಲೇನು

ನಿನ್ನ ಮೌನ ನನ್ನ ಸಮ್ಮತಿ
ನಿನ್ನ ಮುಗುಳ್ನಗೆ ನನ್ನ ವಿಶ್ವಾಸ
ನಿನ್ನ ಮಾತು ನಾ ನಡೆವ ದಾರಿ
ನಿನ್ನ ಹೃದಯ ನಾ ತಲುಪುವ ಗುರಿ

ಬದುಕ ಕಲಿಸುವವನು ನೀನು
ಗೆಳೆಯ ಗುರು ಮಾರ್ಗದರ್ಶಿ ನೀನು
ಮಾಡಿಹೆನು ಅನವರತ ಕಾಯುತಿಹ ತಪವ
;

ಮುಖಪುಟ / ಸಾಹಿತ್ಯ-ಸಂಸ್ಕೃತಿ