ಹನಿ ಹನಿ ಹನಿ

• ಪ್ರವೀಣ್‌ ಬಿ.ಎಸ್‌.
  [email protected]

ನನ್ನ ಹೆಂಡತಿ ಬಹಳಾ SERIOUS
ಸೀರೆ ಬೇಕಾ ಚಿನ್ನ !
ಕೇಳಿದಾಗ ಹೇಳುತ್ತಾಳೆ YES YES

*

ಸಾರಿ ಚಿನ್ನ

ನಾನೊಬ್ಬ ಬಡ ಸಂ+ಸಾರಿ
ಸೀರೆ ಕೊಡಿಸಿರಿ
ಅಂತ ಕೇಳಿದಾಗೆಲ್ಲ ಹೇಳುತ್ತೇನೆ-
ಚಿನ್ನ SORRY SORRY

*

ವಾಹನ ಪುರಾಣ

ಬೆಂಗಳೂರಿನ ರಸ್ತೆ ದಟ್ಟಣೆಯ ಚಕ್ರವ್ಯೂಹದಲ್ಲಿ
ಮುನ್ನುಗ್ಗುತ್ತಾ ಹಿಂದಿರುಗದವನೇ ಅಭಿಮನ್ಯು,
ಬೇರೆಯವರು ಹೋಗಲೆಂದು ದಾರಿ ಬಿಡುತ್ತ ಕಾಯುವನೇ ಕರ್ಣ,
ತಾನು ಹೋಗದೆ ಬೇರೆಯವರಿಗೂ ಹೋಗಲು ಬಿಡದವನೇ ಶಕುನಿ,
ಕಾಯುತ್ತ ರಸ್ತೆ ಸಂಚಾರ ನಿಯಮಗಳನ್ನು ಹೇಳುವವನೇ ಧರ್ಮರಾಯ,
ಹಿಂದಿನಿಂದ ನಿಂತ ವಾಹನಕ್ಕೆ PUNCH ಮಾಡುವವಳೇ ಪಾಂಚಲಿ

*

ಕಣ್ಣೀರು

ಅವಳಿಗಾಗಿ ಕಣ್ಣೀರ ಕೋಡಿ ಹರಿಸಿದೆ
ಅವಳು ಬರಲೆಂದು, ಕಂಬನಿ ಕಾಲುವೆ ಹರಿಸಿದೆ;
ಆಗ ಅವಳು ಬಂದು, ನೀರು ಉಪ್ಪು ಉಪ್ಪು ಅಂದು
ಹೊರಟೇ ಹೋದಳು.

*

ವಧು ಪರೀಕ್ಷೆ

ಕನ್ಯಾ ಮನೆಗಳಿಗೆಲ್ಲಾ ಅಲೆದ ಅಲೆದ,
ಅವಳನ್ನು ನೋಡಿದ, ಇವಳನ್ನು ನೋಡಿದ,
ಉಪ್ಪಿಟ್ಟು, ಕೇಸರಿಬಾತು ಅಲ್ಲಿ ತಿಂದ, ಇಲ್ಲಿ ತಿಂದ;
ಕಟ್ಟಕಡೆಗೆ ಬೇಸರ ಬಂದು ಆಗೇಬಿಟ್ಟ ಮದುವೆ !

*

ರಕ್ತ ಸಂಬಂಧಿ

ನೀರವ ರಾತ್ರಿಯಲ್ಲಿ ನನ್ನ ರಕ್ತ ಹೀರಿ ಹೋದ ಸೊಳ್ಳೆಯೇ,
ಎಲ್ಲಿದ್ದರು ಬೇಗ ಬರುವೆಯಾ ನಮ್ಮ ಮನೆಗೆ
ಕಾಯುತ್ತಿರುವೆ ನಿನಗಾಗಿ ನಾ ನಿನ್ನ ರಕ್ತ ಸಂಬಂಧಿ.

ಮುಖಪುಟ / ಸಾಹಿತ್ಯ-ಸಂಸ್ಕೃತಿ