ತಂದೆಯ ಮರೆತಿಲ್ಲ ನಾನು

• ಸ್ಮಿತಾ; ಬೆಂಗಳೂರು
  [email protected]

ಎಲ್ಲರೂ ಬರೆವರು ಅಮ್ಮನ ಬಗ್ಗೆ ಕವನ

ತಂದೆಯನ್ನೇಕೆ ಮರೆತಿಹರು ಈ ಜನ ?

ಆದರೆ ನಾನು ಹಾಗಲ್ಲ , ಓ ತಂದೆ....

ದುಡಿಯುವೆ ನೀನು ಹಗಲಿರುಳು ನಮಗಾಗಿ
ಪಡುತಿಹೆ ಶ್ರಮ ನಮ್ಮ ಭವಿಷ್ಯಕ್ಕಾಗಿ

ನನಗೇನು ಬೇಕೆಂದು ಹೇಳಲಿಲ್ಲ ನಾನು
ಕೇಳದೆಯೆ ಅದನೆಲ್ಲ ತಂದಿಟ್ಟೆ ನೀನು

ಅದಕೇ ‘ತಂದೆ’ ನೀನು!

ನೀಡಿರುವೆ ನೀನು ಬಾಳನೆದುರಿಸುವ ಬಲವನ್ನು
ಗುರಿಯ ಸಾಧಿಸುವೆ ಬಿಡುವುದಿಲ್ಲ ಛಲವನ್ನು

ವರುಷಗಳು ಬದಲಾದರು ಬದಲಾಗಲಿಲ್ಲ ನೀನು
ಹರುಷ ದುಃಖಗಳಲಿ ನಿನ್ನ ಮರೆಯುವೆನೆ ನಾನು

ನಿನ್ನಿಂದ ದೂರದಲಿ ಇದ್ದರೂ ನಾನು
ಮನಸಿನಲಿ ಅನವರತ ತುಂಬಿರುವೆ ನೀನು

ಮುಖಪುಟ / ಸಾಹಿತ್ಯ-ಸಂಸ್ಕೃತಿ