ಅಮ್ಮ ನೀನೇಕೆ ಈ ರೀತಿ?

;?
(ನನ್ನ ಮುದ್ದಿನ ಅಮ್ಮನಿಗೂ ಮತ್ತು ವಿಶ್ವ-ದ ಎಲ್ಲಾ ಅಮ್ಮಂದಿರಿಗೂ ಈ ಕವನ ಅರ್ಪಿತ)

• ಲೀನಾ
  [email protected]

ಬೆಳಗಾಯಿತು ಏಳು ಕಂದಾ

ಎಂದೆಬ್ಬಿಸಿದಳು ಅಮ್ಮ ಅಕ್ಕರೆಯಿಂದ

ಕುಡೀ ಕಾಫಿ ಬಿಸಿ ಬಿಸಿ
ಅಣಿ ಮಾಡಿಹೆ ಸ್ನಾನಕೆ ನೀರು ಕಾಯಿಸಿ

ಸ್ನಾನ ಮುಗಿಸಿ ಇಗೋ ಬಂದೆ
ತಗೋ ಮಗುವೆ ತಿಂಡಿ ತಂದೆ

ತಿಂಡಿ ಮುಗಿಸಿ ಹೊರಟು ನಿಂತೆ
ಮನದುಂಬಿ ಹರಸಿದಳು ಮಾತೆ

ಎಲ್ಲರೂ ಜಾರಿದ್ದರು ಗಾಢ ನಿದ್ದೆಯಲ್ಲಿ
ಕೆಲಸ ಮುಗಿಸಿ ನಾ ಬಂದೆ ಇಂತಹ ಸಮಯದಲ್ಲಿ
ಅಮ್ಮ ಮಾತ್ರ ಕಾಯುತ್ತಿದ್ದಳು ಅಲ್ಲಿ

ನಾ ತಟ್ಟಲಿಲ್ಲ ಬಾಗಿಲು
ಅಮ್ಮ ಓಡಿ ಬಂದು ಕದ ತೆಗೆದಳು

ಏಕೆ ಕಂದ ಇಷ್ಟು ತಡ
ಎನುತ ಊಟ ಬಡಿಸಿದಳು ದಡಬಡ

ಊಟ ಮಾಡಿ ಮಲಗಿದೆ ನಾನು
ತಟ್ಟೆ ಎತ್ತಿ ತೊಳೆದಿಟ್ಟೆ ನೀನು

ಮರುದಿನ ಬೆಳಗಾಯಿತು
ನಿನ್ನ ಬಿಡುವಿಲ್ಲದ ಸೇವೆ ಶುರುವಾಯಿತು

ಓ ;
ನನ್ನ ಮೇಲೇಕೆ ನಿನಗಿಷ್ಟು ಪ್ರೀತಿ

ಏನೆಲ್ಲಾ ಮಾಡುವೆ ತಾಯಿ ನನಗಾಗಿ
ನೀಡದಾದೆ ನಾ ಒಂದು ಕ್ಷಣ ನಿನಾಗಾಗಿ

ತಪ್ಪು ನನ್ನದಲ್ಲ ಅಮ್ಮ!
ಇದು ಕಾಂಕ್ರೀಟ್‌ ಕಾಡು
ಇಲ್ಲಿ ಎಲ್ಲ ಜನರದೂ ಇದೇ ಪಾಡು
ತಮ್ಮ ಕಾಯಕವೊಂದೇ ಇಲ್ಲಿ ಎಲ್ಲರ ಹಾಡು

ಇಂತಹ ಜಗತ್ತಿನಲ್ಲಿ ನಿಂತರೆ ನಾ ಸೋತೆ
ನಿನ್ನ ಕಂದ ಸೋಲುವುದನ್ನು ನೀ ಸಹಿಸುವೆಯಾ ಅಮ್ಮ?
ನಿನಗಾಗಿ ನಾ ಓಡುತ್ತಲಿರುವೆ ಸದಾ ಸದಾ...

ಮುಖಪುಟ / ಸಾಹಿತ್ಯ-ಸಂಸ್ಕೃತಿ