ಮೊಬೈಲು

• ಚಂದ್ರಗೌಡ ಕುಲಕರ್ಣಿ
  (ಕಡದಳ್ಳಿ) ತಾಳಿಕೋಟಿ
  [email protected]

ಕಿಸೆಯಲಿ ಅವಿತು

ಕೊರಳಿಗೆ ಜೋತು

ಬಿದ್ದಿಹುದೇನಿದು !

ನಡದಾ ಬೆಲ್ಟಿಗೆ

ವ್ಯಾನ್‌ಟಿ ಬ್ಯಾಗಿಗೆ

ಭೂಷಣವೇ ಇದು ಸ್ಪೆಶಲ್ಲು !

ಸಿನಿಮಾ ಥೇಟರ್‌
ಕಾರ್ಯಾಲಯದಲು
ತಲೆ ಚಿಟ್ಟ ಹಿಡಿಸಿವೆ !
ಕ್ಲಾಸ್‌ರೂಮ್‌ಗಳಿಗು
ಕಾಲಿಟ್‌ಬಿಟ್ಟು
ಕಾಡ್ತಿವೆ ನಮ್ಮನ್ನ್‌ ಯಾವಾಗ್ಲು !

ಬಸ್ಸು ರೈಲು
ಪ್ರಯಾಣದಲ್ಲು
ರಿಂಗಣಿಸುವುದು !
ಸ್ಕೂಟರ್‌ ಸವಾರ
ಕಾರ್‌ ಡ್ರೆೃವರ
ಹಿಡಿದಿರತಾರೆ ಕೈಯಲ್ಲು !

ಚಾಲನೆ ಮಾಡ್ತ
ಮಾತಾಡತಾರೆ
ಎಚ್ಚರವಿರದೆ ಮೈಮೇಲು !
ಡಿಕ್ಕಿ ಹೊಡೆದು
ತಲೆಗಿಲೆ ಒಡೆದು
ಮುರಿದ್‌ಬಿಟ್ರೇಗೆ ಕೈಕಾಲು !

ಹೆಂಗ್‌ ಬೇಕ್‌ ಹಂಗ
ಬಳಸುವ ಇವರಿಗೆ
ಹೇಳಲು ಬಾರದೆ ಬಲ್ಲವರು !
ಎಷ್ಟು ಬೇಕಷ್ಟು
ಎಲ್ಲಿ ಬೇಕಲ್ಲಿ
ಬಳಸಿದರ್‌ ಏನಿದೆ ತಕರಾರು !

ಮುಖಪುಟ / ಸಾಹಿತ್ಯ-ಸಂಸ್ಕೃತಿ