ಸಂಕ್ರಾಂತಿ ಸಡಗರ

• ಎಸ್‌.ಎಲ್‌. ಸುರೇಂದ್ರ ಕುಮಾರ್‌, ತುಮಕೂರು
  [email protected]

ಹಬ್ಬ ಬಂತು ಇದು ಸಂಕ್ರಾಂತಿ ನೋಡ

ಸೂರ್ಯ ಪಥ ಚಲನೆಯ ಪರ್ವದಿನ

ಸಂಕ್ರಾತಿ ಇದುವೆ ಸೂರ್ಯನ ಸಂಕ್ರಮಣ

ಸಂಕ್ರಾಂತಿ ಪುರುಷನ ಆಗಮನ ಜಗಕೆಲ್ಲ ಅಭಿಮಾನ.

ಹಬ್ಬ ಬಂತು ಇದು ಸಂಕ್ರಾಂತಿ ಜಗಕೆ
ಮುಂಜಾನೆದ್ದು ತಳಿರು ತೋರಣ ಕಟ್ಟಿ ಮುಂಬಾಗಿಲಿಗೆ
ಎಳ್ಳೆಣ್ಣೆಯಲಿ ತೋಯ್ದು ಬಿಸಿನೀರಲಿ ಮಿಂದು
ಎಳ್ಳು, ಕಡಲೆ, ಕೊಬ್ಬರಿ ಬೆಲ್ಲ, ಹುರಿಗಡಲೆ ಸೇರಿಸಿರಲು.

ಹಬ್ಬ ಬಂತು ಇದು ಸಂಕ್ರಾಂತಿ ನಮಗೆ
ರಾಶಿರಾಶಿ ದವಸ ಧಾನ್ಯ ಕಣದೊಳಗೆ
ಭಕ್ತಿ ಭಾವ ತುಂಬಿ ನಮ್ಮೊಳಗೆ
ಮಾಡಿಹೆವು ದಾನ ಪೂಜೆ ವರುಣನಿಗೆ.

ಹಬ್ಬ ಬಂತು ಇದು ಸಂಕ್ರಾಂತಿ ನೋಡು
ಊರೂರೆ ಎಲ್ಲ ನಾವ್‌ ಕೂಡಿ ಮಾಡು
ಸಡಗರದಿ ಎಳ್ಳು ಬೆಲ್ಲ ಬಿತ್ತಿ ಎಲ್ಲ
ಹಬ್ಬದ ನೆಪದಲ್ಲಿ ಬಿರಿದಾವೆ ಮನಸೆಲ್ಲ

ಹಬ್ಬ ಬಂತು ಇದು ಸಂಕ್ರಾಂತಿ
ಎಲ್ಲರೊಳಗು ಸಡಗರ ಸಂಭ್ರಮದ ಕಾಂತಿ
ಇಣುಕುತಿದೆ ಕಾಣುತಿದೆ ಹಂಚಿಕೊಳ್ಳುತಿದೆ
ಅಪರಿಮಿತ ಆನಂದದ ಅನುಭವ ಕಾಣುತಿದೆ.

ಮುಖಪುಟ / ಸಾಹಿತ್ಯ-ಸಂಸ್ಕೃತಿ