ವಿಮಾನ ಯಾತನೆ

• ಕ್ಷಿತಿ ಎಸ್‌; ಬೆಂಗಳೂರು
  [email protected]

ಇನಿಯನ ಮೊದಲ ಸ್ಪರ್ಶ
ಎಲ್ಲೆಲ್ಲೂ ಪಸರಿಸಿದ ಪ್ರೀತಿಯ ಕಂಪು
ಉಕ್ಕಿ ಹರಿದ ಪ್ರೇಮ ಜಲಗಂಗೆ
ಭೋರ್ಗರೆದ ಉತ್ಸಾಹ
ಇನಿತು ದಿನವಿದ್ದ ವಿರಹದ ಕಾವಿಗೆ
ಆಲಿಂಗನದ ತಂಪು

ಮನದ ತುಂಬೆಲ್ಲ ಹಚ್ಚಹಸುರಿನ ಸಂತಸ
ಅಧರಗಳಲ್ಲಿ ಹೂನಗೆ
ಕೆದರಿದ ಕುರುಳುಗಳು
ಸೃಷ್ಟಿಯ ಸೊಬಗು
ಪ್ರೇಮ ಫಲದ ಸಾಫಲ್ಯ
ಜೀವಜಲಧಾರೆ

ಸುಸ್ವಾಗತ ನಿನಗೆ ಜೀವಜಲ ಧಾರೆಯೇ
ಬಂದಿರುವೆ ನೀ ಮತ್ತೆ ಕಾಯುತಿಹ ಧರೆಗೆ

ಧುಮ್ಮಿಕ್ಕಿ ಚಿಟಿಪಿಟಿಸಿ ಆವರ್ತಗಳಲಿ
ವಿವಿಧ ರೂಪಿ ನೀ ಸುರಿಯುತಿರೆ
ಮೈಮನದಲಿ ಉತ್ಸಾಹದ ನರ್ತನ

ಒಮ್ಮೆ ಜಲಪಾತದ ಭೋರ್ಗರೆತ
ಒಮ್ಮೆ ಸರೋವರದ ಶಾಂತತೆ
ರೈತನ ಆಸೆಯ ಪ್ರತೀಕವೂ ನೀನೇ
ಸಂತ್ರಸ್ತರ ನಿರಾಸೆಯ ಸಂಕೇತವೂ ನೀನೇ

ಒಮ್ಮೆ ತಾಯ ಮಮತೆಯ ಸ್ಪಂದನ
ಒಮ್ಮೆ ಪ್ರೇಮಿಯ ಒಲವಿನ ಸಿಂಚನ
ಒಮ್ಮೆ ಮಗುವಿನ ಮುಗ್ಧ ನವೋಲ್ಲಾಸ
ಮತ್ತೊಮ್ಮೆ ಪ್ರಳಯದ ಕರಾಳ ಮುನ್ನುಡಿ

ಪ್ರಥಮ ಮಿಲನದ ರೋಮಾಂಚನವೂ ನೀನೇ
ಅಗಲುವಿಕೆಯ ಪರಿತಾಪ ನೋವೂ ನೀನೇ

ನಮನ ನಿನಗೆ ಓ ರಸವಾಹಿನಿಯೇ
ಜೀವಸೆಲೆಯ ಮೂಲ ಇಳಿದು ಬಾ ಧರೆಗೆ

ಮುಖಪುಟ / ಸಾಹಿತ್ಯ-ಸಂಸ್ಕೃತಿ