ಬದಲಾವಣೆಯತ್ತ........

• ಶಿವಮೂರ್ತಿ, ನವದೆಹಲಿ
  [email protected]

ನಿನ್ನೊಳಗೆ ನೀನು ಹೊಕ್ಕು

ನಿನ್ನ ನೋಡಿ ನೀನೆ ನಕ್ಕು

ಸುಕ್ಕು ಸುಕ್ಕಾದ ಜೀವನವನ್ನ

ತುಕ್ಕು ಹಿಡಿಯುವ ಮುನ್ನ

ಸರಿಸಿ ಒರೆಸಿ ಬಿಡು ಗೆಳೆಯ..

ದಿನವು ಜಗಕೆ ಹೊಸತು ಬರುತಲಿಹುದು
ಹೊಸ ಪುಟಗಳನು ತೆರೆದು ತೋರಿಸುತಿಹುದು
ಸದಾ ಹೊಸತು ಕಾಣುವ ತವಕ ಈ ಜಗಕ್ಕೆ
‘ಈ’ ಮಯವಾಗಿರುವ ಈ ಮಾಯಾಲೋಕಕ್ಕೆ

ಹಳತು ನಂಬಿಕೆಗಳನ್ನು ಮುಚ್ಚಿಟ್ಟು
ಹೊಸ ದಾರಿಯಲ್ಲಿ ದಾಪುಗಾಲು ಇಟ್ಟು
ಎದುರಾಗುವ ದಾರಿಯ ಮೇಲೊಂದು ಕಣ್ಣಿಟ್ಟು
ಸಾಗಬೇಕು ಹೊಸತಿನೊಡನೆ ಕೈ ಬೆಸೆದು

ಅಲ್ಲಿಂದ ಬರುವಾಗ, ಇಲ್ಲಿರುವ ಹಂಬಲ
ಹುಟ್ಟದಿರಲಿ ಮನದಲಿ ಗೊಂದಲ
ಜೊತೆಯಲ್ಲಿ ಬಂದ ಕನಸುಗಳೆಷ್ಟು ?
ನನಸಾಗದೆ ಹಾಗೆ ಉಳಿದವು ಎಷ್ಟು ?

ಮುಂದಾಗಲಿರುವುದನ್ನು ಇಂದೇ ಮೂಸಿಸು
ಆಗಬಹುದನ್ನೆದುರಿಸಲು ಯೋಚಿಸು, ಯೋಜಿಸು
ಬದಲಾವಣೆಯನ್ನು ತೆರೆದೆದೆಯಲಿ ಸ್ವಾಗತಿಸು
ಧೈರ್ಯಗೆಡದೆ ಮುನ್ನುಗ್ಗಿ ಸಾಗಿ ಸಾಧಿಸಿ ತೋರಿಸು

ಎಲ್ಲಿರಲಿ ಎಂತಿರಲಿ ಸದಾ ಚಿಮ್ಮುತ್ತಿರಲಿ ಚಿಲುಮೆ
ಎಂದೆಂದಿಗೂ ಆರದಿರಲಿ ಉತ್ಸಾಹದ ಕುಲುಮೆ

(ಸ್ಫೂರ್ತಿ : Who Moved My Cheese)

ಮುಖಪುಟ / ಸಾಹಿತ್ಯ-ಸಂಸ್ಕೃತಿ