ಹ್ಯಾಂಗ ಹೇಳಲಿ ಗೆಳತಿ......

• ರೇಣುಕಾ ಶ್ಯಾಮ್‌, ನವದೆಹಲಿ
  [email protected]

#3240;ನ್ನೊಡಲ ದಾವಾಗ್ನಿ,

ಯಾರ ಶಾಪದ ಫಲವೋ, ಪೂರ್ವಜನ್ಮದ ಕರ್ಮವೋ..

ಬದುಕ ಬಯಸಿದ ಚಿಗುರೆಳಸಿನಲಿ ಚಿವುಟಿ ಹೊಸಕಿ ಹಾಕಿಹುದು..

ಇರದ ಮಕ್ಕಳಭಾಗ್ಯ ಹಲಿಬಿಹರು ತಾಯ್ತಂದೆ,
ಕಂಡ ದೇವರಿಗೆ ಹರಕೆ ಹೊತ್ತಿ, ಮುಡಿಪುಕಟ್ಟಿ,
ಪಡೆದಿಹರಂದದಾ ಚೆಂದನದ ಬೊಂಬೆಯಂತಾ ಕುವರಿಗೆ,
t;br/>
ಬಾಳೆಗೊನೆಯಂದಕ್ಕೆ ಬೆಳೆದು ನಿಂತಿಹ ಬಾಲೆ,
ಅಕ್ಕರೆಯರಗಿಳಿಯಾಗಿ, ಮುದ್ದು ಕಣ್ಮಣಿಯಾಗಿ,
ಕಣ್ತುಂಬ ಕನಸು ಎದೆತುಂಬ ಆಸೆಗಳ ಹೆಣೆದಿಹಳಾ ಮುಗುದೆ.
r/>
ಬಯಸಿ ಹೊಸಲಿಗೆ ಬಂದ ವರಗಳನಾಚೆಗೆ ನೂಕಿ,
ಕೊಟ್ಟಾಗಿದೆಯವಳ ಎನ್ನ ತವರಿಗೇ ಕಿರಿತಮ್ಮನಿಗೆ,
ಯಾರೂ ಬಾರದ ರೀತಿ ಬೇಲಿಕಟ್ಟಿಹಳಾ ಹಡೆದವ್ವ,
r/>
ಕೇಳಿ ಭುಗಿಲೆದ್ದ ಹುಡುಗಿ ನಾನೊಲ್ಲೆ ಹಡೆದವ್ವ,
ನಿನ್ನ ತಮ್ಮನ ಮದುವೆಯಾಗಲೊಲ್ಲೆ ನನ್ನಾಣೆ ಕೇಳು,
ಹಲುಬಿ ಕಣ್ಣೀರ್ಗೆರೆದು ಕೈ ಮುಗಿದು ಬೇಡಿಹಳು.
r/>
ಅವಳಲಳ ಕೇಳದ ತಾಯ್ತಂದೆ ಹುಡುಗಾಟವೆಂದೇ ಅರಿತು
ಎಳೆದು ಕಟ್ಟೇ ತೀರಿದರು ಬಾಸಿಂಗವಾ ಆಡುತಾಡುತಲಿ,
ಯಾವ ಜನ್ಮದ ಋಣಕ್ಕೊ ಮಗಳ ಬಲಿಮಾಡಿಹರು.
r/>
ಮದುವೆ ಕಂಡವರೆಲ್ಲ, ಮರ-ಮರನೆ ಮರುಗಿದರು,
ಅರಗಿಳಿಯಂತ ಹುಡುಗಿ, ಗಿಡುಗನ ಪಾಲಾಯ್ತು ಎಂದು-
ತಮಗೆ ತೋಚಿದ ರೀತಿ ಹಳಹಳಿಸಿದರು ಹರಸಿ ಬಾಯ್ತುಂಬ.
r/>
ಮಗಳ ಬಾಳ್ವೆಯ ಕಂಡು ಇಳಿದ ಭಾರಕೆ ತೃಪ್ತಿಯಲಿ,
ಹಿರಿ-ಹಿರಿ ಹಿಗ್ಗಿದ ತಾಯ್ತಂದೆ ಕಾಣದ ದೈವವನು ಕೊಂಡಾಡಿದರು,
ಹಡೆದ ಹೊಟ್ಟೆಗೆ ಮಗಳ ನೋವಿನ ದನಿಯು ತಟ್ಟಲೇ ಇಲ್ಲ.
r/>
ಯಾವ ನೇಹ-ನೆಣವೂ ಕಾಣೆ, ಸ್ನೇಹಬಂಧವೂ ಕಾಣೆ,
ಪ್ರೇಮವೆಂಬುದು ಬರೀ ಕಥೆ-ಕವನ ಪುಟಗಳಲೆ ಏನೋ,
ಮನವೆಂಬ ಮಾಯಾಮೃಗ-ಮರೀಚಿಕೆಯಾಗಿ ಕೈಗೆಟುಕಲಿಲ್ಲ ಬಾಳು!
r/>
ದಾಂಪತ್ಯವೆಂದರೆ ಏನೋ ! ಸುಖವೆಂದರೆ ಬರೀ ಹಾಸಿಗೆಯೇನೋ,
ಅರಿವಿಗೆ ಎಟುಕದ ಮೂಕಭಾಷೆ, ಬರೀ ಗೋಳಿನಾ ಕಥೆಯೇನೋ,
ಈ ಭಾಷೆ-ಪರಿಭಾಷೆಯಲೆ ಗೊತ್ತಾಗದ ರೀತಿ ಜೀವ ರೋಸಿತು,
r/>
ನಿಂತರೂ ತಪ್ಪು, ಕುಂತರೂ ತಪ್ಪು ಮಾಡಿದ್ದೆಲ್ಲ ಬರೀ ಮಣ್ಣು,
ರೂಪವೇ ಶತ್ರುವಾಗಿ, ಮುಳ್ಳಾಗಿ ಇರಿಯುತ್ತದೆಂಬುದು ದಿಟವಾಯ್ತು ಗೆಳತಿ,
ನಲ್ಮೆಯ ಮಾತುಗಳಿಲ್ಲ , ಅತ್ತರೂ ಸಂತೈಸುವ ಜನ್ಮಜಾತರೂ ಇಲ್ಲಾ ,
r/>
ಎಲ್ಲಿ ಹೋಗಲಿ? ಯಾರಿಗರುಹಲಿ ? ಏನು ಮಾಡಲಿ ಗೆಳತಿ?
ಹಾಳಾದ ಮನ ದೇವರಿಲ್ಲದ ಗುಡಿ ಒಂದೆಯೇ ..
ಚೂರಾದದ್ದೆಲ್ಲಾ ಹೆಕ್ಕಿ ಒಂದುಮಾಡಲು ಸಾಧ್ಯವೇ ಗೆಳತಿ..
;#3240;ನ್ನೊಡಲದಾವಾಗ್ನಿ...

ಆದರೂ ಬಾಳಲೇ ಬೇಕು, ಬದುಕೊಡ್ಡಿದ ಬಿರುಗಾಳಿಗೆದುರಾಗಿ,
ಎಲೆಮೇಲಣ ಬಿಂದುವಾಗಿ, ನಿಯಾಮಕನಲ್ಲೊಂದೇ ಬಿನ್ನಹ,
ಏನಾದರೂ ನೀಡು ಈ ಹೆಣ್ಣುಜನ್ಮ ಮಾತ್ರ ನೀಡಬೇಡವೆಂದೆಂದೂ!!!!!
r/>

ಮುಖಪುಟ / ಸಾಹಿತ್ಯ-ಸಂಸ್ಕೃತಿ