ಅವನ ಅವಳ ಕಥೆ

• ಬಾ.ಶಂ.ಪ್ರವೀಣ್‌, ಬೆಂಗಳೂರು
  [email protected]

ಅವನ ಬಾಳಿನಲ್ಲಿ ಬಂದು ಹೋದಳು ಅವಳು

ಕತ್ತಲಿನ ರಾತ್ರಿಗೆ ತಂಪೆರದ ಹಾಗೆ ಬೆಳದಿಂಗಳು ।।1।।

ಒಂಟಿ ರಾತ್ರಿಯ ಮೌನದಲ್ಲಿ ಕೇಳುತ್ತಿತ್ತು ಮತ್ತೆ ಅವಳ ದನಿ
ಹೋದವಳ ನೆನಪಲ್ಲಿ ಸುರಿಸುತ್ತಿದ್ದ ಹನಿ ಕಂಬನಿ ।।2।।

ಕನಸಲ್ಲೂ ಕದಲುತಿತ್ತು ಅವಳ ಕನವರಿಕೆ
ಭಾರವಾದ ಬಯಕೆಗಳಿಂದ ಹೊಮ್ಮುತ್ತಿತ್ತು ಬಿಕ್ಕಳಿಕೆ ।।3।।

ಮತ್ತೆ ಎದುರಾಗುತ್ತಿತ್ತು ಅವರು ಕೂಡಿ ನಡೆದ ದಾರಿ
ಕಳೆದುಕೊಂಡ ನೆನಪುಗಳಿಂದ ಎಡುವುತ್ತಿದ್ದ ಪ್ರತಿ ಬಾರಿ ।।4।।

ಹಳೇ ನೆನಪುಗಳು ಕೊಡುತ್ತಿತ್ತು ಬರಿ ನೋವ
ಮರೆಯಲು ಆಗದೆ ಕನಲುತಿತ್ತು ಜೀವ।।5।।

ದೇವದಾಸ-ಪಾರ್ವತಿ ತರ ಇವರು ಚರಿತ್ರೆ ಬರೆಯಲು ಇಲ್ಲ
ನೀವು ಅಂದುಕೊಂಡ ಹಾಗೆ ಇವನು ಬೈರಾಗಿ, ಸನ್ಯಾಸಿಯು ಅಲ್ಲ ।।6।।

ಅರಿತರು ಬಾಳಲ್ಲಿ ಸುಖವು ಬರೀ ಕ್ಷಣಿಕ
ನಿರುಮ್ಮಳವಾಗಿ ಬಾಳಿದರು ಕೊನೆ ತನಕ।।7।।

ಹಗಲಿರುಳು ಸಾಕ್ಷಿಯಾಗಿದ್ದೆ ನಾ ಇವರ ಜೊತೆ
ಇದೇ ಅವನ ಅವಳ ಪ್ರೇಮ ಕಥೆ.

ಮುಖಪುಟ / ಸಾಹಿತ್ಯ-ಸಂಸ್ಕೃತಿ