ಪಾಂಚ್‌ ‘ಪಂಚ್‌’

• ಎಚ್‌.ದುಂಡಿರಾಜ್‌

ಛೀ ನಿಮಗೆ
ಬುದ್ಧಿ ಇಲ್ಲ
ಸ್ವಲ್ಪಾನೂ
ಟಾಯ್‌ಲೆಟ್ಟಿಗೂ
ಒಯ್ತೀರಲ್ಲ
ಸೆಲ್‌ ಫೋನು.

*

ನೆಂಟು

ಅವಳಿಗೆ ಹದಿನೆಂಟು
ಅವನಿಗೆ ಅರವತ್ತೆಂಟು
ಇದೆಂಥ ನೆಂಟು ?
ಆದರೂ ಆಕೆ
ಪ್ರೆಗ್ನೆಂಟು!

*

ಕುಡಿದರೆ

ಕುಡಿದರೆ ವಾಸನೆ ಬಾರದಂತಿರಬೇಕು
ಕುಡಿದದ್ದು ತಲೆಗೆ ಏರದಂತಿರಬೇಕು
ಏರಿದರೂ ಏರಿದ್ದು ತೋರದಂತಿರಬೇಕು
ಕುಡಿದರೆ ನಾಲಿಗೆ ತೊದಲದಂತಿರಬೇಕು
ಕೈಕಾಲು ಅತ್ತಿತ್ತ ಕದಲದಂತಿರಬೇಕು

ಕುಡಿದದ್ದೆ ಮರೆತುಹೋಗದಂತಿರಬೇಕು
ಸ್ವತಂತ್ರವಾಗಿ ಮನೆಗೆ ಹೋಗುವಂತಿರಬೇಕು
ಕುಡಿದರೂ ಕುಡಿಯಲಿಲ್ಲವೆಂದೊಡೆ
ಮಡದಿ ಮೆಚ್ಚಿ ಅಹುದಹುದೆನಬೇಕು !

(ಬಸವಣ್ಣನವರ ಕ್ಷಮೆ ಕೋರಿ)

*

ಈಗ

ಹಿಂದೆಲ್ಲ ಇರುತ್ತಿತ್ತು
ಹೆಮ್ಮಕ್ಕಳ ಕಿವಿಯಲ್ಲಿ
ಬೆಂಡೋಲೆ, ಜುಮ್ಕಿ
ಚಿನ್ನದ ರಿಂಗು
ಈಗ ಕೇವಲ ಮೊಬೈಲ್‌ ರಿಂಗು

*

ಪಾರದರ್ಶಕತೆ

ಪಾರದರ್ಶಕತೆ ಬೇಕು
ಒಪ್ಪಿದೆ. ಆದರೆ
ಎಲ್ಲದರಲ್ಲೂ ಅಂದರೆ ಹೇಗೆ ?
ಉದಾಹರಣೆಗೆ
ಒಳ ಉಡುಗೆ !

(ಸ್ನೇಹ ಸ್ಫೂರ್ತಿ : ವಿಜಯ ಕರ್ನಾಟಕ)

ಮುಖಪುಟ / ಸಾಹಿತ್ಯ-ಸಂಸ್ಕೃತಿ