ಹೊಸವರುಷವೆಂದರೆ

• ಎಸ್‌.ಎಲ್‌. ಸುರೇಂದ್ರಕುಮಾರ್‌, ತುಮಕೂರು
  [email protected]

ವರುಷ ವರುಷ ಬಂದಿದೆ

ಹೊಸ ವರುಷ ಬಂದಿದೆ

ಹರುಷ ಹರುಷ ತಂದಿದೆ

ಹೊಸತು ಹೊಸತು ಎಂದಿದೆ...

ಹೊಸ ವರುಷವಿದು ಬಂದಿರಲು
ಎಲ್ಲರೊಳಗೆ ಹೊಸ ಆಸೆಗಳು
ಹೊಸ ತನವನು ತಂದಿರಲು
ಜನರೊಳಗೆ ಹೊಸ ಬಯಕೆಗಳು...

ಯಾರಿಗಿದು ಹೊಸದು ಎಂದಾಗ
ಭೂಮಿಗಾದರು ಆ ಸೂರ್ಯನೆ ದಿನವು
ಇರುಳಿಗಾದರು ಆ ಚಂದಿರನೆ ಕತ್ತಲು
ಬದಲಾವಣೆಗಳಿರದು ನಮಗಾದರೇವುದರಲು

ನಾವಾದರು ಕುಳಿತು ಯೋಚಿಸಿದಾಗ
ಯಾವುದು ಹೊಸ ವರುಷ ಹರುಷ
ನಮ್ಮ ಭ್ರಮೆಯಾಳ ಹೊಕ್ಕ ಗಾಳ
ಸಿಲುಕಿ ಒದ್ದಾಡುತಿಹವು ಲೌಕಿಕದೊಳಗೆ

ಈ ಹೊಸ ವರುಷ ಹೊಸ ಹರುಷ
ಉನ್ಮಾದದ ಉಮೇದಿಗೊಳಗಾದವರ ಪೌರುಷ
ನಿಜ ಬದುಕಿನ ನೈಜತೆಯಾಳವ ಅರಿತವರಿಗೆ
ಸತ್ಯದರಿವು ಮೌಲ್ಯವಾದ ಸಮಯ ಕರಗುತಿಹುದೆಂಬುದಾಗಿದೆ.

ಮುಖಪುಟ / ಸಾಹಿತ್ಯ-ಸಂಸ್ಕೃತಿ