Indian Railways job: 1832 ಅಪ್ರೆಂಟಿಸ್ ಹುದ್ದೆಗಳಿಗೆ ಅರ್ಜಿ ಆಹ್ವಾನ, ಸಂಬಳದ ವಿವರ ಹೀಗಿದೆ

ಭಾರತೀಯ ರೈಲ್ವೆಯು ಪ್ರಯಾಣಿಕರ ಅನುಕೂಲಕ್ಕೆ ತಕ್ಕಂತೆ ಆಗಾಗ ಹೊಸ ಹೊಸ ಸುದ್ದಿಗಳನ್ನು ಕೊಡುತ್ತಲೇ ಇದೆ. ಇದೀಗ ಭಾರತೀಯ ರೈಲ್ವೆಯ ಪೂರ್ವ ಕೇಂದ್ರೀಯ ರೈಲ್ವೆ ವಲಯದಿಂದ ಹುದ್ದೆಗಳ ಭರ್ತಿಗೆ ಅರ್ಜಿ ಆಹ್ವಾನಿಲಸಲಾಗಿದೆ. ಹಾಗಾದರೆ ಆ ಹುದ್ದೆಗೆ ಅರ್ಜಿ ಸಲ್ಲಿಸುವ ವಿಧಾನ, ಸಂಬಳ ಸೇರಿದಂತೆ ಇನ್ನಿತರ ಮಾಹಿತಿಯನ್ನು ಇಲ್ಲಿ ತಿಳಿಯಿರಿ.

ಭಾರತೀಯ ರೈಲ್ವೆಯ ಪೂರ್ವ ಕೇಂದ್ರೀಯ ರೈಲ್ವೆ ವಲಯದಲ್ಲಿ 1832 ಅಪ್ರೆಂಟಿಸ್ ಹುದ್ದೆಗಳು ಖಾಲಿ ಇದ್ದು, ಆ ಹುದ್ದೆಗಳ ಭರ್ತಿಗಾಗಿ ಅರ್ಜಿ ಆಹ್ವಾನ ಮಾಡಲಾಗಗಿದೆ. ಆನ್‌ಲೈನ್‌ ಮೂಲಕ ಅರ್ಜಿ ಸಲ್ಲಿಸಬೇಕಾಗಿದ್ದು, ನವೆಂಬರ್ 10ರಿಂದ ಅರ್ಜಿ ಸಲ್ಲಿಸಲು ಆರಂಭವಾಗಿದೆ. ಕೊನೆಯ ದಿನಂದ ಡಿಸೆಂಬರ್ 9 ಆಗಿದೆ.

8 ವಿಭಾಗಗಳಲ್ಲಿ ಈ ಹುದ್ದೆಗಳು ಖಾಲಿ

1. ದಾನಾಪುರ ಡಿವಿಷನ್ - 675 ಹುದ್ದೆಗಳು

2. ಧನ್‌ಬಾದ್ ಡಿವಿಷನ್ - 156 ಹುದ್ದೆಗಳು

3. ಪಂಡಿತ್ ದೀನ ದಯಾಳ್ ಉಪಾಧ್ಯಾಯ್ ಡಿವಿಷನ್ - 518 ಹುದ್ದೆಗಳು

4. ಸೋನ್‌ಪುರ ಡಿವಿಷನ್- 47 ಹುದ್ದೆಗಳು

5. ಸಮಷ್ಟಿಪುರ ಡಿವಿಷನ್ - 81 ಹುದ್ದೆಗಳು

6. ಪ್ಲಾಂಟ್ ಡಿಪೋಟ್ / ಪಂಡಿತ್ ದೀನ ದಯಾಳ್ ಉಪಾಧ್ಯಾಯ್ - 135 ಹುದ್ದೆಗಳು

7. ಕ್ಯಾರೀಜ್‌ ರಿಪೇರ್ ವರ್ಕ್‌ಶಾಪ್/ ಹರ್ನೌತ್ - 110 ಹುದ್ದೆಗಳು

8. ಮೆಕಾನಿಕಲ್ ವರ್ಕ್‌ಶಾಪ್ / ಸಮಷ್ಟಿಪುರ - 110 ಹುದ್ದೆಗಳು

ಅಪ್ರೆಂಟಿಸ್‌ಶಿಪ್ ತರಬೇತಿಗೆ ಆಯ್ಕೆಯು ನಿರ್ದಿಷ್ಟ ವಿಭಾಗಕ್ಕೆ ಅಧಿಸೂಚನೆಯ ಪ್ರಕಾರ, ಅರ್ಜಿ ಸಲ್ಲಿಸುವ ಎಲ್ಲಾ ಅಭ್ಯರ್ಥಿಗಳಿಗೆ ಸಂಬಂಧಿಸಿ ತಯಾರಿಸಲಾದ ಅರ್ಹತಾ ಪಟ್ಟಿಯ ಆಧಾರದ ಮೇಲೆ ಇರುತ್ತದೆ. ಮೆಟ್ರಿಕ್ಯುಲೇಷನ್‌ನಲ್ಲಿ ಅಭ್ಯರ್ಥಿಗಳು ಪಡೆದ ಶೇಕಡಾವಾರು ಅಂಕಗಳ ಸರಾಸರಿಯನ್ನು ಕನಿಷ್ಠ 50 ಶೇಕಡಾ ಮತ್ತು ಐಟಿಐ ಪರೀಕ್ಷೆಯಲ್ಲಿ ಎರಡಕ್ಕೂ ಸಮಾನವಾದ ತೂಕವನ್ನು ನೀಡುವ ಮೂಲಕ ಮೆರಿಟ್ ಪಟ್ಟಿಯನ್ನು ಸಿದ್ಧಪಡಿಸಲಾಗುತ್ತದೆ.

ಆನ್‌ಲೈನ್ ಅರ್ಜಿಯನ್ನು ಸಲ್ಲಿಸುವಾಗ ಪ್ರತಿ ಅರ್ಜಿದಾರರಿಗೆ ನೋಂದಣಿ ಸಂಖ್ಯೆಯನ್ನು ನೀಡಲಾಗುತ್ತದೆ. ನೇಮಕಾತಿ ಪ್ರಕ್ರಿಯೆಯ ಮುಂದಿನ ಹಂತಗಳಿಗೆ/ಆರ್‌ಆರ್‌ಸಿಯೊಂದಿಗೆ ಪತ್ರವ್ಯವಹಾರಕ್ಕಾಗಿ ಅಭ್ಯರ್ಥಿಗಳು ತಮ್ಮ ನೋಂದಣಿ ಸಂಖ್ಯೆಯನ್ನು ಸಂರಕ್ಷಿಸಲು ಸೂಚಿಸಲಾಗಿದೆ.

ಅಭ್ಯರ್ಥಿಗಳು 15 ವರ್ಷಗಳನ್ನು ಪೂರ್ಣಗೊಳಿಸಿರಬೇಕು. ಮತ್ತು 01.01.2023ಕ್ಕೆ 24 ವರ್ಷ ಪೂರ್ಣಗೊಳಿಸಿರಬಾರದು. ಆದಾಗ್ಯೂ, ಕೆಳಗಿನ ನಿರ್ದಿಷ್ಟ ವರ್ಗಗಳಿಗೆ ಮೇಲಿನ ವಯಸ್ಸಿನ ಮಿತಿಯನ್ನು ಕೆಳಗೆ ಸೂಚಿಸಿದ ಮಟ್ಟಿಗೆ ಸಡಿಲಗೊಳಿಸಲಾಗಿದೆ.

1. SC/ST ಸಮುದಾಯಗಳಿಗೆ ಸೇರಿದ ಅಭ್ಯರ್ಥಿಗಳಿಗೆ 5 ವರ್ಷ.

2. OBC ಸಮುದಾಯಗಳಿಗೆ ಸೇರಿದ ಅಭ್ಯರ್ಥಿಗಳಿಗೆ 3 ವರ್ಷ.

3. ಬೆಂಚ್‌ಮಾರ್ಕ್ ಅಸಾಮರ್ಥ್ಯ ಹೊಂದಿರುವ ವ್ಯಕ್ತಿಗಳಿಗೆ - ಅನ್‌ರಿಸರ್ವರ್ಡ್ ಕೆಟಗರಿಯವರಿಗೆ 10 ವರ್ಷಗಳು, ಒಬಿಸಿಗೆ 13 ವರ್ಷಗಳು ಮತ್ತು SC/ST ಅಭ್ಯರ್ಥಿಗಳಿಗೆ 15 ವರ್ಷ ವಯೋಮಿತಿ ಸಡಿಲಿಕೆಯಿದೆ.

4. ವಯೋಮಿತಿಯಲ್ಲಿ ಮಾಜಿ ಸೈನಿಕರಿಗೆ ಸಡಿಲಿಕೆಯು ಒಟ್ಟು ಮಿಲಿಟರಿ ಸೇವೆಯ ಜೊತೆಗೆ 3 ವರ್ಷಗಳು ಕನಿಷ್ಠ 6 ತಿಂಗಳ ನಿಯಮಿತ ದೃಢೀಕೃತ ಸೇವೆಯನ್ನು ಪೂರ್ಣಗೊಳಿಸಿರುವುದು ಅವಶ್ಯ

ಎಸ್‌ಸಿ/ಎಸ್‌ಟಿ/ಒಬಿಸಿ-ಎನ್‌ಸಿಎಲ್‌ಗೆ ಮೀಸಲಾತಿ ಯೋಜನೆಯಲ್ಲಿ ಇರಬಾರದು. ಅದೇ ರೀತಿ ಈ ಅಭ್ಯರ್ಥಿಗಳು ಮತ್ತು ಅವರ ಕುಟುಂಬವು 8 ಲಕ್ಷ ರೂಪಾಯಿಗಿಂತ ಕಡಿಮೆ ವಾರ್ಷಿಕ ಆದಾಯವನ್ನು ಹೊಂದಿರಬೇಕು. ಅಭ್ಯರ್ಥಿಯು ಮಾನ್ಯತೆ ಪಡೆದ ಮಂಡಳಿಯಿಂದ ಕನಿಷ್ಠ 50 ಪ್ರತಿಶತ ಅಂಕಗಳೊಂದಿಗೆ ಮೆಟ್ರಿಕ್/10 ನೇ ತರಗತಿ ಪರೀಕ್ಷೆ ಅಥವಾ ಅದಕ್ಕೆ ಸಮಾನವಾದ 2nd pu ಉತ್ತೀರ್ಣರಾಗಿರಬೇಕು.

ಅಭ್ಯರ್ಥಿಗೆ ಸಂಬಂಧಿತ ಕ್ಷೇತ್ರದಲ್ಲಿ ITI (ಅಂದರೆ ನ್ಯಾಶನಲ್ ಕೌನ್ಸಿಲ್ ಫಾರ್ ವೊಕೇಶನಲ್ ಟ್ರೇನಿಂಗ್ ಅಥವಾ ನ್ಯಾಷನಲ್ ಕೌನ್ಸಿಲ್ ಫಾರ್ ವೊಕೇಶನಲ್ ಟ್ರೈನಿಂಗ್/ರಾಜ್ಯ ಕೌನ್ಸಿಲ್ ಫಾರ್ ವೊಕೇಶನಲ್ ಟ್ರೈನಿಂಗ್‌ನಿಂದ ನೀಡಲಾದ ಅಧಿಸೂಚಿತ ವ್ಯಾಪಾರದಲ್ಲಿ ರಾಷ್ಟ್ರೀಯ ಟ್ರೇಡ್ ಸರ್ಟಿಫಿಕೇಟ್) ಆಗಿರಬೇಕು.

ಅರ್ಜಿ ಸಲ್ಲಿಸುವುದು ಹೇಗೆ?

ಆರ್‌ಆರ್‌ಆರ್, ಇಸಿಆರ್‌ ಅಪ್ರೆಂಟಿಸ್‌ಶಿಪ್ ಭಾರತೀಯ ರೈಲ್ವೆ ನೇಮಕಾತಿಗೆ ಅರ್ಜಿ ಸಲ್ಲಿಸಲು ಈ ಹಂತಗಳನ್ನು ಪಾಲಿಸಿ.

ಹಂತ 1 - RRC (ECR)ನ ಅಧಿಕೃತ ವೆಬ್‌ಸೈಟ್‌ಗೆ ಭೇಟಿ ನೀಡಿ.

ಹಂತ 2 - ಮುಖಪುಟದಲ್ಲಿ ಸಂಬಂಧಿತ ಲಿಂಕ್ ಅನ್ನು ಕ್ಲಿಕ್ ಮಾಡುವ ಮೂಲಕ ಲಾಗಿನ್ ಮಾಡಿ. ಅಥವಾ ನೇರವಾಗಿ ಈ ಲಿಂಕ್‌ ಕ್ಲಿಕ್ ಮಾಡಿ.

ಹಂತ 3 - ನಿಮ್ಮ ವೈಯಕ್ತಿಕ ವಿವರಗಳು/ಬಯೋ-ಡೇಟಾ ಇತ್ಯಾದಿಗಳನ್ನು ಎಚ್ಚರಿಕೆಯಿಂದ ಭರ್ತಿ ಮಾಡಿ.

ಹಂತ 4 - ನೋಂದಾಯಿಸುವಾಗ, ಅಭ್ಯರ್ಥಿಗಳು ತಮ್ಮ 12-ಅಂಕಿಯ ಆಧಾರ್ ಕಾರ್ಡ್ ಸಂಖ್ಯೆಯನ್ನು ಭರ್ತಿ ಮಾಡಬೇಕು. ಆಧಾರ್ ಕಾರ್ಡ್ ಹೊಂದಿಲ್ಲದಿರುವ ಮತ್ತು ಅದಕ್ಕೆ ದಾಖಲಾದ ಆದರೆ ಆಧಾರ್ ಕಾರ್ಡ್ ಅನ್ನು ಸ್ವೀಕರಿಸದ ಅಭ್ಯರ್ಥಿಗಳು ಆಧಾರ್ ನೋಂದಣಿ ಸ್ಲಿಪ್‌ನಲ್ಲಿ ಮುದ್ರಿಸಲಾದ 28-ಅಂಕಿಯ ಆಧಾರ್ ನೋಂದಣಿ ಐಡಿಯನ್ನು ನಮೂದಿಸಬಹುದು.

ಹಂತ 5 - ಅಗತ್ಯವಿರುವ ಡಾಕ್ಯುಮೆಂಟ್‌ಗಳ ಸ್ಕ್ಯಾನ್ ಮಾಡಿದ ಪ್ರತಿಗಳನ್ನು ಅಪ್‌ಲೋಡ್ ಮಾಡಿ.

ಹಂತ 6 - ನಕಲನ್ನು ಡೌನ್‌ಲೋಡ್ ಮಾಡಿ ಮತ್ತು ಉಳಿಸಿ ಅಥವಾ ಭವಿಷ್ಯದ ಉಲ್ಲೇಖಕ್ಕಾಗಿ ಅರ್ಜಿ ನಮೂನೆಯ ಪ್ರಿಂಟ್‌ಔಟ್ ತೆಗೆದುಕೊಳ್ಳಿ. ನಂತರ ಅರ್ಜಿ ಶುಲ್ಕವಾಗಿ 100 ರೂಪಾಯಿ ಪಾವತಿಸಬೇಕು. ಅದನ್ನು ಮರುಪಾವತಿ ಆಗುವಂತಹದ್ದಲ್ಲ.

English summary

Indian Railways job.