ಚಿಕ್ಕಮಗಳೂರು: ಶೃಂಗೇರಿಯಲ್ಲಿ ರಾಜ್ಯದಲ್ಲೇ ಕನಿಷ್ಠ ಮತದಾರರು

ಚಿಕ್ಕಮಗಳೂರು, ಮೇ 5: ಕರ್ನಾಟಕ ವಿಧಾನಸಭೆ ಚುನಾವಣೆಗೆ ಸಂಬಂಧಿಸಿದಂತೆ ಚುನಾವಣಾ ಆಯೋಗವು ಮತದಾರರ ಅಂತಿಮ ಪಟ್ಟಿಯನ್ನು ಸಿದ್ದಪಡಿಸಿದೆ. ಆಯೋಗ ನೀಡಿರುವ ಮಾಹಿತಿಗಳ ಪ್ರಕಾರ ಚಿಕ್ಕಮಗಳೂರಿನ ಶೃಂಗೇರಿಯಲ್ಲಿ ರಾಜ್ಯದಲ್ಲೇ ಕನಿಷ್ಠ ಮತದಾರರಿದ್ದಾರೆ.

ಶೃಂಗೇರಿಯಲ್ಲಿ ಕೇವಲ 1,66,026 ಮತದಾರರಿದ್ದಾರೆ. ಪಕ್ಕದ ಮೂಡಿಗೆರೆಯಲ್ಲೂ ಕೇವಲ 1,70,250 ಮತದಾರರಿದ್ದಾರೆ. ಇರುವುದರಲ್ಲೇ ಚಿಕ್ಕಮಗಳೂರಿನಲ್ಲಿ ಗರಿಷ್ಠ ಮತದಾರರಿದ್ದು 2,16,230 ಜನರು ಮತ ಚಲಾವಣೆಯ ಹಕ್ಕು ಹೊಂದಿದ್ದಾರೆ.

ಒಟ್ಟಾರೆ ಚಿಕ್ಕಮಗಳೂರಿನಲ್ಲಿ 9,37,199 ಮತದಾರರಿದ್ದಾರೆ. ಇವರಲ್ಲಿ 4,67,851 ಪುರುಷ ಮತದಾರರು, 4,69,290 ಮಹಿಳಾ ಮತದಾರರು ಮತ್ತು 58 ತೃತೀಯ ಲಿಂಗಿ ಮತದಾರರಿದ್ದಾರೆ.

ಚಿಕ್ಕಮಗಳೂರು, ಮೂಡಿಗೆರೆ ಮತ್ತು ಶೃಂಗೇರಿಯಲ್ಲಿ ಮಹಿಳಾ ಮತದಾರರು ಪುರುಷ ಮತದಾರರ ಸಂಖ್ಯೆಗಿಂತ ಹೆಚ್ಚಿಗೆ ಇದ್ದಾರೆ. ಚಿಕ್ಕಮಗಳೂರಿನಲ್ಲಿ ಗರಿಷ್ಠ 24 ತೃತೀಯ ಲಿಂಗಿ ಮತದಾರರನ್ನು ಕಾಣಬಹುದಾಗಿದೆ.

English summary

Karnataka Assembly Elections 2018: Here is the list of constituencies along with final numbers of voters in Chikkamagaluru district.