ಹಬ್ಬಕ್ಕೆ ಸ್ಪೆಷಲ್ ಆಲೂ ಮಸಾಲಾ ಪಲ್ಯ

ದೀಪಾವಳಿಗೆ ಕೇವಲ ಸಿಹಿ ತಿಂಡಿಗಳಷ್ಟೇ ಸಾಕಾಗುವುದಿಲ್ಲ, ಖಾರದ ಗಮ್ಮತ್ತೂ ಇರಬೇಕು. ಖಾರದ ಮಸಾಲೆ ಪಲ್ಯ ಜೊತೆಗಿದ್ದರೆ ರುಚಿ ಇನ್ನೂ ದುಪ್ಪಟ್ಟು. ಕಡಲೆ ಕಾಳಿನ ಕೂಟು ತಯಾರಿಸುವುದು ಎಲ್ಲ ಹಬ್ಬಗಳಲ್ಲಿಯೂ ಇದ್ದದ್ದೆ. ಆದರೆ ಈ ಬಾರಿ ಆಲೂಗಡ್ಡೆ ಮಸಾಲಾ ಮಾಡಿದರೆ ಹೇಗೆ? ತುಂಬಾ ರುಚಿ ಎನಿಸುವ ಈ ಆಲೂಗಡ್ಡೆ ಮಸಾಲಾ ನಿಮ್ಮ ದೀಪಾವಳಿ ಮೆನುವಿನಲ್ಲಿರಲಿ.

ಆಲೂಗಡ್ಡೆ ಮಸಾಲಾಗೆ ಬೇಕಾಗುವ ಸಾಮಗ್ರಿ : 4-6 ಚಿಕ್ಕ ಗಾತ್ರದ ಬೇಯಿಸಿ ಸಿಪ್ಪೆ ತೆಗೆದ ಆಲೂಗಡ್ಡೆ, ಜೀರಿಗೆ, ಸಾಸಿವೆ, ಹಸಿ ಮೆಣಸಿನಕಾಯಿ, ಕರಿಬೇವು, ಉಪ್ಪು, ಅರಿಶಿಣ, ಧನಿಯಾ ಪುಡಿ, ಮೆಣಸಿನ ಪುಡಿ, ಎಣ್ಣೆ, ಕೊತ್ತಂಬರಿ ಸೊಪ್ಪು.

ಮಾಡುವ ವಿಧಾನ : ಬಾಣಲೆಗೆ ಎಣ್ಣೆ ಹಾಕಿ ಕಾಯಿಸಿ ಅದಕ್ಕೆ ಬೇಯಿಸಿ ಸ್ವಲ್ಪ ಹಿಸುಕಿದ ಆಲೂಗೆಡ್ಡೆ ಹಾಕಿ ಕಂದು ಬಣ್ಣಕ್ಕೆ ಬರುವವರೆಗೆ ತಾಳಿಸಬೇಕು. ಸಣ್ಣ ಪಾತ್ರೆಗೆ ಅರಿಶಿಣ, ಉಪ್ಪು, ಧನಿಯಾ ಪುಡಿ, ಮೆಣಸಿನ ಪುಡಿ ಹಾಕಿ ಸ್ವಲ್ಪ ನೀರು ಹಾಕಿ ದ್ರವ ರೂಪದ ಮಿಶ್ರಣ ತಯಾರಿಸಿಕೊಳ್ಳಿ.

ಈಗ ಇನ್ನೊಂದು ಬಾಣಲೆಗೆ ಎಣ್ಣೆ ಹಾಕಿ ಅದು ಬಿಸಿಯಾದಾಗ ಕರಿಬೇವು, ಜೀರಿಗೆ, ಸಾಸಿವೆ ಹಾಕಿ ಮೆಣಸಿನ ಪುಡಿ ಮತ್ತು ಕತ್ತರಿಸಿದ ಹಸಿಮೆಣಸಿನ ಕಾಯಿಯನ್ನು ಹಾಕಿ ಒಗ್ಗರಣೆಯಂತೆ ಮಾಡಿಕೊಳ್ಳಬೇಕು. ತಾಳಿಸಿಕೊಂಡಿದ್ದ ಆಲೂಗೆಡ್ಡೆಯನ್ನು ಇದಕ್ಕೆ ಹಾಕಿ ಒಂದೈದು ನಿಮಿಷ ಬೇಯಿಸಬೇಕು. ಕೊನೆಗೆ ಸಣ್ಣದಾಗಿ ಕತ್ತರಿಸಿದ ಕೊತ್ತಂಬರಿ ಸೊಪ್ಪನ್ನು ಉದುರಿಸಿದರೆ ಹಬ್ಬಕ್ಕೆ ಆಲೂ ಮಸಾಲಾ ರೆಡಿಯಾಗಿರುತ್ತೆ.

English summary

Festival recipes is not only about making sweets, there should be some masala side dishes also. Aloo Sabji is a special masala side dish best suited for Deepavali festival. Let's check out this masala recipe for the festival of lights.