ಬಿಹಾರ ಅಸೆಂಬ್ಲಿ ಚುನಾವಣೆ: ಕಳೆದ Exit ಪೋಲ್ ಹೇಳಿದ್ದೇನು, ಫಲಿತಾಂಶ ಬಂದಿದ್ದೇನು

Updated: Saturday, November 7, 2020, 23:00 [IST]

ಪಾಟ್ನಾ, ನ 7: ಬಿಹಾರದ ಅಸೆಂಬ್ಲಿ ಚುನಾವಣೆಯ ಮೇಲೆ ಉತ್ಸುಕರಾಗಿರುವವರನ್ನು ತುದಿಗಾಲಿನಲ್ಲಿ ನಿಲ್ಲಿಸಿದ್ದ ಮತಗಟ್ಟೆ ಸಮೀಕ್ಷೆ ಹೊರಬಿದ್ದಿದೆ. ಹೆಚ್ಚಿನ ಸಮೀಕ್ಷೆಯ ಪ್ರಕಾರ, ನಿತೀಶ್ ಕುಮಾರ್ ಅವರ ಪಾರುಪಂತ್ಯಕ್ಕೆ ಮತದಾರ ತೆರೆ ಎಳೆಯಲಿದ್ದಾನೆ.

Recommended Video

Bihar Election 2020 : ಚುನಾವಣೋತ್ತರ ಸಮೀಕ್ಷೆ ಏನು ಹೇಳುತ್ತಿದೆ | Oneindia kannada

ಇದುವರೆಗೆ ಬಂದಿರುವ ಎಕ್ಸಿಟ್ ಪೋಲ್ ಸಮೀಕ್ಷೆಯ ಪ್ರಕಾರ ಯುಪಿಎ ಮೈತ್ರಿಕೂಟಕ್ಕೆ ಅಧಿಕಾರ ದಕ್ಕಲಿದೆ ಅಥವಾ ಅತಂತ್ರ ಫಲಿತಾಂಶ ಬರಲಿದೆ. ಒಂದು ವೇಳೆ, ಹಾಗಾದಲ್ಲಿ ಕುರ್ಚಿಗೆ ಅಂಟಿಕೊಳ್ಳುವ ಜಾಯಮಾನದ ನಿತೀಶ್ ಕುಮಾರ್, ಬೇರೆ ಏನಾದರೂ ರಾಜಕೀಯ ಆಟವಾಡಲಿದ್ದಾರಾ ಎನ್ನುವುದು ಕುತೂಹಲಕ್ಕೆ ಎಡೆಮಾಡಿ ಕೊಟ್ಟಿದೆ.

ಕಳೆದ ಅಂದರೆ 2015ರ ಅಸೆಂಬ್ಲಿ ಚುನಾವಣೆಯ ವೇಳೆ, ಕಾಂಗ್ರೆಸ್ ಮತ್ತು ತಮ್ಮ ಕಟ್ಟಾ ವಿರೋಧಿಯಾಗಿದ್ದ ಲಾಲೂ ಪ್ರಸಾದ್ ಯಾದವ್ ನೇತೃತ್ವದ ಆರ್ಜೆಡಿ ಜೊತೆ ಮೈತ್ರಿ ಮಾಡಿಕೊಂಡಿದ್ದ ಸಿಎಂ ನಿತೀಶ್ ಕುಮಾರ್, ಬದಲಾದ ರಾಜಕೀಯದಲ್ಲಿ ಬಿಜೆಪಿ ಜೊತೆ ನಂಟು ಬೆಳೆಸಿಕೊಂಡಿದ್ದರು.

ನೈಜ ಫಲಿತಾಂಶದಷ್ಟೇ ಕುತೂಹಲ ಹುಟ್ಟಿಸುವ ಮತಗಟ್ಟೆ ಸಮೀಕ್ಷೆಯನ್ನು ಕಳೆದ ಅಸೆಂಬ್ಲಿ ಚುನಾವಣೆಯಲ್ಲೂ ವಿವಿಧ ವಾಹಿನಿಗಳು ಮಾಡಿದ್ದವು. ಆ ಫಲಿತಾಂಶಗಳು ಎಷ್ಟು ಕರಾರುವಕ್ಕಾಗಿ ಮೂಡಿಬಂದವು ಎನ್ನುವುದಕ್ಕೆ ಇಲ್ಲಿದೆ ರಿಸಲ್ಟ್ ವರದಿಗಳು.