Mahakumbh Mela 2025: ಮಹಾಕುಂಭ ಮೇಳಕ್ಕೆ ವಿಶೇಷ ರೈಲುಗಳು ಎಲ್ಲಿಂದ ಯಾವಾಗ ಹೊರಡುತ್ತೆ?

ಉತ್ತರಪ್ರದೇಶದ ಪ್ರಯಾಗ್‌ರಾಜ್‌ನಲ್ಲಿ ಸೋಮವಾರದಿಂದ ಮಹಾಕುಂಭ ಮೇಳ ಶುರುವಾಗಿದೆ. 40 ಕೋಟಿಗೂ ಹೆಚ್ಚು ಜನರು ಭಾಗವಹಿಸುವ ನಿರೀಕ್ಷೆಯೊಂದಿಗೆ ಈ ವಿಶ್ವದ ಅತಿದೊಡ್ಡ ಕಾರ್ಯಕ್ರಮಕ್ಕೆ ದೇಶದ ವಿವಿಧೆಡೆಯಿಂದ ವಿಶೇಷ ರೈಲುಗಳನ್ನು ವ್ಯವಸ್ಥೆ ಮಾಡಲಾಗಿದೆ. ಉತ್ತರ ಪ್ರದೇಶಕ್ಕೆ ರೈಲುಗಳಲ್ಲಿ ಪ್ರಯಾಣಿಸುವವರಿಗೆ ಸ್ಥಳಾವಕಾಶ ಕಲ್ಪಿಸಲು ರೈಲ್ವೆಗೆ 5,000 ಕೋಟಿ ರೂಪಾಯಿಗಳನ್ನು ಸರ್ಕಾರ ನೀಡಿದೆ.

ಭಾರತೀಯ ರೈಲೆಯು 10,000 ಸಾಮಾನ್ಯ ಮತ್ತು 3,000 ವಿಶೇಷ ರೈಲುಗಳು ಸೇರಿದಂತೆ ಒಟ್ಟು 13,000 ರೈಲುಗಳನ್ನು ಮಹಾಕುಂಭ ಮೇಳ ನಡೆಯುವ 50 ದಿನಗಳವರೆಗೆ ನಿರ್ವಹಿಸಲಿದೆ. ಪ್ರಯಾಣಿಕರಿಗೆ ಸುಗಮ ಮತ್ತು ಸುರಕ್ಷಿತ ಪ್ರಯಾಣವನ್ನು ನೀಡಲು ಪಶ್ಚಿಮ ರೈಲ್ವೆ ವಿಶೇಷ ರೈಲುಗಳನ್ನು ಪ್ರಾರಂಭಿಸಿದೆ. ಅಹಮದಾಬಾದ್ ಡಿವಿಷನ್ ರೈಲ್ವೆ 98 ವಿಶೇಷ ರೈಲುಗಳನ್ನು ಬಿಟ್ಟಿದೆ. ಪ್ರಯಾಣಿಕರ ಅನುಕೂಲಕ್ಕಾಗಿ, ನೈರ್ಮಲ್ಯ ಮತ್ತು ವಿದ್ಯುತ್ ಉಪಕರಣಗಳ ಸರಿಯಾದ ಕಾರ್ಯನಿರ್ವಹಣೆ ಸೇರಿದಂತೆ ಮಾರ್ಗದರ್ಶನ ಮತ್ತು ಭದ್ರತೆಗಾಗಿ ಆರ್‌ಪಿಎಫ್ ತಂಡಗಳನ್ನು ನಿಲ್ದಾಣಗಳಲ್ಲಿ ನಿಯೋಜಿಸಲಾಗಿದೆ.

ಉತ್ತರ ರೈಲ್ವೆಯು ಮಹಾ ಕುಂಭಕ್ಕೆ ಪ್ರಯಾಗ್‌ರಾಜ್‌ ಯಾತ್ರಿಕರಿಗಾಗಿ 80 ವಿಶೇಷ ಸೇವೆಗಳು ಸೇರಿದಂತೆ 300ಕ್ಕೂ ಹೆಚ್ಚು ರೈಲುಗಳನ್ನು ನಿರ್ವಹಿಸುತ್ತಿದೆ. ಉತ್ತರ ಮಧ್ಯ ರೈಲ್ವೆಯು ಸುಮಾರು 700 ವಿಶೇಷ ರೈಲುಗಳು ಮತ್ತು ಸುಮಾರು 1800 ಕಡಿಮೆ ದೂರದ ರೈಲುಗಳನ್ನು ನಿರ್ವಹಿಸುತ್ತಿದೆ.

ಜನವರಿ 17ರಿಂದ ಫೆಬ್ರವರಿ 23ರವರೆಗೆ ವಿಶೇಷ ರೈಲುಗಳನ್ನು ಓಡಿಸಲಿದ್ದು, ನಂಗಲ್ ಅಣೆಕಟ್ಟು, ಆನಂದ್‌ಪುರ ಸಾಹಿಬ್, ರೂಪ್ ನಗರ, ಮೊರಿಂಡಾ, ಚಂಡೀಗಢ, ಅಂಬಾಲಾ ಕ್ಯಾಂಟ್, ಯಮುನಾನಗರ ಜಗದ್ರಿ, ಸಹರಾನ್‌ಪುರ, ರೂರ್ಕಿ, ನಜಿಬಾಬಾದ್, ಮೊರಾದಾಬಾದ್, ಬರೇಲಿ, ಶಹಜಹಾನ್‌ಪುರ, ಲಕ್ನೋ ಮತ್ತು ರಾಯ್ ಬರೇಲಿಗಳಿಂದ ಹೊರಡಲಿವೆ.

ಮಹಾಕುಂಭದಲ್ಲಿ ಪಾಲ್ಗೊಳ್ಳುವವರ ಅನುಕೂಲಕ್ಕಾಗಿ ಕತ್ರಾ-ಪ್ರಯಾಗರಾಜ್‌ಗೆ 3 ವಿಶೇಷ ರೈಲುಗಳನ್ನು ಯೋಜಿಸಿದ್ದಾರೆ. ಒಡಿಶಾದಿಂದ ತುಂಡ್ಲಾ ವಿಶೇಷ ರೈಲು ಕಟಕ್, ಜಖಾಪುರ (ಜಜ್ಪುರ್), ಕಿಯೋಂಜರ್, ಬೊಕಾರೊ ಮತ್ತು ಗಯಾ ಮೂಲಕ ಚಲಿಸುತ್ತದೆ. ಇದು ಫೆಬ್ರವರಿ 26 ರವರೆಗೆ ಬುಧವಾರದಂದು ಮಧ್ಯಾಹ್ನ 12.30ಕ್ಕೆ ಭುವನೇಶ್ವರದಿಂದ ಹೊರಡಲಿದೆ.

ಈಶಾನ್ಯ ರೈಲ್ವೆಯ ವಿಶೇಷ ರೈಲು ಜನವರಿ 10, 24, 31, ಫೆಬ್ರವರಿ 1 ಮತ್ತು ಮಾರ್ಚ್ 1ರಂದು ಜಯನಗರದಿಂದ ನಾಲ್ಕು ಟ್ರಿಪ್‌ಗಳನ್ನು ಮಾಡಲಿದೆ. ಇದು ಮಧುಬನಿ, ದರ್ಭಾಂಗ, ಮುಜಾಫರ್‌ಪುರ ಮತ್ತು ವಾರಣಾಸಿ ಸೇರಿದಂತೆ ಪ್ರಮುಖ ನಿಲ್ದಾಣಗಳಲ್ಲಿ ನಿಲ್ಲುತ್ತದೆ. ಜನವರಿ 24, 18, 20 ಮತ್ತು ಇತರ ನಿರ್ದಿಷ್ಟ ದಿನಾಂಕಗಳಲ್ಲಿ ಹೊರಡುವ ವಿಶೇಷ ರೈಲುಗಳ ಸರಣಿಯು ಗುಂಟೂರಿನಿಂದ ಅಜಂಗಢ ಮತ್ತು ಮೌಲಾ ಅಲಿಯಿಂದ ಗಯಾಗೆ ಕಾರ್ಯನಿರ್ವಹಿಸುತ್ತದೆ.

ವಿಶಾಖಪಟ್ಟಣದ ಪಂಡಿತ್‌ ದೀನ್ ದಯಾಳ್ ಉಪಾಧ್ಯಾಯ ಜಂಕ್ಷನ್ ವಿಶೇಷ ರೈಲು ರಾಯಗಡ, ಸಿಂಗಾಪುರ ರಸ್ತೆ, ಮುನಿಗುಡ, ಕೆಸಿಂಗ, ತಿತಿಲಗಢ, ಕಾಂತಾಬಂಜಿ ಮತ್ತು ಖರಿಯಾರ್ ರಸ್ತೆ ಮೂಲಕ ಫೆಬ್ರವರಿ 27ರವರೆಗೆ ಗುರುವಾರ ಸಂಜೆ 5.35ಕ್ಕೆ ವಿಶಾಖಪಟ್ಟಣದಿಂದ ಹೊರಡಲಿದೆ. ವಿಶಾಖಪಟ್ಟಣಂ-ಗೋರಖ್‌ಪುರ ವಿಶೇಷ ರೈಲು, ಬೆರ್ಹಾಂಪುರ, ಬಲುಗಾಂವ್, ಖುರ್ದಾ ರಸ್ತೆ, ಭುವನೇಶ್ವರ, ನರಜ್ ಮಾರ್ತಾಪುರ್, ಧೆಂಕನಲ್, ಅಂಗುಲ್, ಕೆರ್ಜಂಗಾ, ಬೋಯಿಂಡಾ, ರೈರಾಖೋಲ್, ಸಂಬಲ್‌ಪುರ್ ಸಿಟಿ, ಜರ್ಸುಗುಡಾ ರಸ್ತೆ ಮತ್ತು ಐಬಿ ಮೂಲಕ ಭಾನುವಾರ ರಾತ್ರಿ 10.20ಕ್ಕೆ ವಿಶಾಖಪಟ್ಟಣದಿಂದ ಹೊರಡಲಿದೆ.

ತಿರುಪತಿ-ವಾರಣಾಸಿ ವಿಶೇಷ ರೈಲು ರಾಯಗಡ, ಕೆಸಿಂಗ, ತಿತ್ಲಗಢ, ಬಲಂಗೀರ್, ಬರ್ಗಢ ರಸ್ತೆ, ಸಂಬಲ್‌ಪುರ್, ಜಾರ್ಸುಗುಡಾ ಮತ್ತು ರೂರ್ಕೆಲಾ ಮೂಲಕ ಚಲಿಸಲಿದೆ. ನರಸಾಪುರ-ವಾರಣಾಸಿ ವಿಶೇಷ ರೈಲು ರಾಯಗಡ, ಸಿಂಗಾಪುರ ರಸ್ತೆ, ಮುನಿಗುಡ, ಕೆಸಿಂಗ, ತಿತಿಲಗಢ, ಬಲಂಗೀರ್, ಬರ್ಗಢ ರಸ್ತೆ, ಸಂಬಲ್‌ಪುರ, ಝಾರ್ಸುಗುಡ ಮತ್ತು ರೂರ್ಕೆಲಾ ಮೂಲಕ ಸಂಚರಿಸಲಿದೆ. ಎಲ್ಲ ರೈಲುಗಳು ಪ್ರಯಾಗರಾಜ್ ಮೂಲಕ ಹಾದುಹೋಗಲಿವೆ.

English summary

Indian Railways will manage 13,000 trains, including 10,000 regular and 3,000 special trains, over 50 days to accommodate the massive influx of pilgrims during the Maha Kumbh Mela.