ಬೈಕ್ ಆಯ್ತು ಈಗ ಕಾರ್ ಸರದಿ: ಸನ್ರೂಫ್ನಲ್ಲಿ ಯುವ ಜೋಡಿಯ ರೋಮ್ಯಾನ್ಸ್!
ಕೆಲ ದಿನಗಳ ಹಿಂದೆಯಷ್ಟೇ ಛತ್ತೀಸ್ಗಢದ ದುರ್ಗ್ ಪ್ರದೇಶದಲ್ಲಿ ಪ್ರೇಮಿಗಳು ಬೈಕ್ನಲ್ಲಿ ಮೈಮರೆತ ವಿಡಿಯೋವೊಂದು ವೈರಲ್ ಆಗಿತ್ತು. ಈಗ ಕಾರ ಸರದಿ ಶುರುವಾಗಿದೆ.
ಕೆಲ ದಿನಗಳ ಹಿಂದೆಯಷ್ಟೇ ಛತ್ತೀಸ್ಗಢದ ದುರ್ಗ್ ಪ್ರದೇಶದಲ್ಲಿ ಪ್ರೇಮಿಗಳು ಬೈಕ್ನಲ್ಲಿ ಮೈಮರೆತ ವಿಡಿಯೋವೊಂದು ವೈರಲ್ ಆಗಿತ್ತು. ಬೈಕ್ ಸರದಿ ಮುಗಿದ ಬಳಿಕ ಸದ್ಯ ಕಾರ ಸರದಿ ಶುರುವಾಗಿದೆ. ಲಕ್ನೋದ ಐಷಾರಾಮಿ ಪ್ರದೇಶವಾದ ಲೋಹಿಯಾ ಪಥ್ನಲ್ಲಿ ಮತ್ತೊಂದು ಜೋಡಿಯು ಸಾರ್ವಜನಿಕವಾಗಿ ಅಸಭ್ಯವಾಗಿ ವರ್ತಿಸಿರುವುದು ಕಂಡುಬಂದಿದೆ. ವೈರಲ್ ವಿಡಿಯೋದಲ್ಲಿ ದಂಪತಿಗಳು ಕಾರಿನ ಸನ್ರೂಫ್ನಲ್ಲಿ ರೋಮ್ಯಾನ್ಸ್ ಮಾಡುವುದನ್ನು ಕಾಣಬಹುದು.
ಅವರ ಹಿಂದೆ ಚಲಿಸುತ್ತಿದ್ದ ವಾಹನದಿಂದ ವಿಡಿಯೋವನ್ನು ಸೆರೆ ಹಿಡಿಯಲಾಗಿದೆ. ವಿಡಿಯೋದಲ್ಲಿ ಇಬ್ಬರು ವ್ಯಕ್ತಿಗಳು ಹುಡುಗಿಯನ್ನು ಟೀಕಿಸುವುದು ಮತ್ತು ಸ್ತ್ರೀದ್ವೇಷದ ಕಾಮೆಂಟ್ಗಳನ್ನು ಸಹ ಕೇಳಬಹುದು.
ಯುಪಿ ಪೊಲೀಸರು ಹರ್ಟ್-ಬ್ರೇಕ್ ವಿಡಿಯೋ
'ಎಂಬ್ರೇಸ್ ಸೇಫ್ ರೈಡಿಂಗ್' ಎಂಬ ಶೀರ್ಷಿಕೆಯೊಂದಿಗೆ ಯುವ ಪೀಳಿಗೆಗೆ ರಾಶ್ ಡ್ರೈವಿಂಗ್ ಅಪಾಯಗಳ ವಿರುದ್ಧ ಎಚ್ಚರಿಕೆ ನೀಡುವ ವಿಡಿಯೋವನ್ನು ಉತ್ತರಪ್ರದೇಶ ಪೊಲೀಸರು ಹಂಚಿಕೊಂಡಿದ್ದಾರೆ. ರಸ್ತೆ ಸುರಕ್ಷತೆಯ ಕುರಿತು ಯುಪಿ ಪೊಲೀಸರು 16 ಸೆಕೆಂಡುಗಳ ಅನಿಮೇಟೆಡ್ ವಿಡಿಯೊವನ್ನು ಪೋಸ್ಟ್ ಮಾಡಿದ ಕೆಲವು ದಿನಗಳ ನಂತರ ಈ ವಿಡಿಯೋ ವೈರಲ್ ಆಗಿದೆ. ರಸ್ತೆ ಸುರಕ್ಷತಾ ಮಾನದಂಡಗಳ ಬಗ್ಗೆ ಸಾರ್ವಜನಿಕರಿಗೆ ಶಿಕ್ಷಣ ನೀಡಲು ಯುಪಿ ಪೊಲೀಸರು ಜನವರಿ 5 ರಿಂದ ಫೆಬ್ರವರಿ 4 ರವರೆಗೆ 'ರಸ್ತೆ ಸುರಕ್ಷತಾ ತಿಂಗಳು' ನಡೆಸುತ್ತಿದ್ದಾರೆ.
स्कूटी पर आशिकी के बाद कार पर आशिकी वीडियो लखनऊ की है #Lucknow #UttarPradesh pic.twitter.com/0P197sNa9g
— Ratnesh Mishra 🇮🇳 (@Ratnesh_speaks) January 24, 2023
ಚಾಲನೆ ಮಾಡುವಾಗ ನೀವು ಕಾರಿನ ಸನ್ರೂಫ್ ಮೂಲಕ ನಿಲ್ಲಬಹುದೇ?
ಕಾರಿನ ಸನ್ರೂಫ್ನಿಂದ ತಲೆ ಹೊರಗೆ ಹಾಕುವುದು ಅಪರಾಧ ಮತ್ತು ಸಂಚಾರ ನಿಯಮಗಳ ಉಲ್ಲಂಘನೆ ಎಂದು ಪರಿಗಣಿಸಲಾಗುತ್ತದೆ. ಮೋಟಾರು ವಾಹನ ಕಾಯ್ದೆ ಪ್ರಕಾರ ಇದು ಕಾನೂನು ಬಾಹಿರ.
ಮೂಲಭೂತವಾಗಿ ಸೆಕ್ಷನ್ 184 (ಎಫ್) ನಲ್ಲಿನ ಕಾಯಿದೆಯು ಹೇಳುತ್ತದೆ- "ಯಾರು ವಾಹನದಲ್ಲಿ ಸಾರ್ವಜನಿಕರಿಗೆ ಅಪಾಯಕಾರಿ ರೀತಿಯಲ್ಲಿ ಚಾಲನೆ ಮಾಡುತ್ತಾರೋ, ಪ್ರಕರಣದ ಸ್ವರೂಪ, ಸ್ಥಿತಿ ಮತ್ತು ಬಳಕೆ ಸೇರಿದಂತೆ ಎಲ್ಲಾ ಸಂದರ್ಭಗಳನ್ನು ಪರಿಗಣಿಸಿ, ವಾಹನವನ್ನು ಚಲಾಯಿಸುವ ಸ್ಥಳ ಮತ್ತು ಆ ಸಮಯದಲ್ಲಿ ಇರುವ ದಟ್ಟಣೆಯ ಆಧಾರದ ಮೇಲೆ ಪ್ರಕರಣವನ್ನು ದಾಖಲಿಸಿ, ಅಪರಾಧಕ್ಕೆ ಆರು ತಿಂಗಳವರೆಗೆ ಜೈಲು ಶಿಕ್ಷೆ ವಿಸ್ತರಿಸಬಹುದು ಅಥವಾ ದಂಡದೊಂದಿಗೆ ಶಿಕ್ಷೆ ವಿಧಿಸಬಹುದು. ಈ ದಂಡ ಒಂದು ಸಾವಿರ ರೂಪಾಯಿಗಳಿಗೆ ಹಾಕಬಹುದು. ಮೂರು ವರ್ಷಗಳೊಳಗೆ ಅಪರಾಧ ಮತ್ತೆ ಮಾಡಿರುವುದು ಕಂಡು ಬಂದರೆ ಎರಡನೇ ಅಥವಾ ನಂತರದ ಅಪರಾಧಕ್ಕೆ ಎರಡು ವರ್ಷಗಳವರೆಗೆ ಶಿಕ್ಷೆ ವಿಸ್ತರಿಸಬಹುದು ಮತ್ತು ದಂಡವನ್ನು ಎರಡು ಸಾವಿರ ರೂಪಾಯಿಗಳಿಗೆ ವಿಸ್ತರಿಸಬಹುದಾಗಿದೆ''
'Embrace Safe Riding'
— UP POLICE (@Uppolice) January 19, 2023
Flouting safety norms with your beloved will definitely ‘crush’ your dreams!
Why end ‘good times’ on a deadly note ?#DriveSafeRideSafe#RoadSafetyMonth pic.twitter.com/DZZJuheemA
ಕದ್ದ ಬೈಕ್ನಲ್ಲಿ ಮೈಮರೆತ ಯುವ ಜೋಡಿ
ಛತ್ತೀಸ್ಗಢದ ದುರ್ಗ್ ಪ್ರದೇಶದಲ್ಲಿ ಪ್ರೇಮಿಗಳು ಬೈಕ್ನಲ್ಲಿ ಮೈಮರೆತ ವಿಡಿಯೋವೊಂದು ವೈರಲ್ ಆಗಿತ್ತು. ಅಸಭ್ಯ ವರ್ತನೆ ಆರೋಪದ ಮೇಲೆ ಅವರನ್ನು ಬಂಧಿಸಲಾಗಿದೆ. ಪ್ರೇಮಿಗಳ ಬಂಧನದ ಬಳಿಕ ಸವಾರಿ ಮಾಡಿದ ಬೈಕ್ ಕದ್ದಿದ್ದು ಎಂದು ತಿಳಿದುಬಂದಿದೆ. ಛತ್ತೀಸ್ಗಢ ಪೊಲೀಸರು ಕ್ರಮ ಕೈಗೊಂಡಿದ್ದು, ಅಂತರ್ಜಾಲದಲ್ಲಿ ಈ ವಿಡಿಯೋ ಭಾರೀ ವೈರಲ್ ಆಗಿತ್ತು. ವೈರಲ್ ಆಗಿರುವ ವಿಡಿಯೋದಲ್ಲಿ ಹುಡುಗ ಮತ್ತು ಹುಡುಗಿ ಬೈಕ್ ಓಡಿಸುವಾಗ ರೊಮ್ಯಾಂಟಿಕ್ ದೃಶ್ಯ ಕಂಡು ಬಂದಿದೆ. ಹುಡುಗ ಬೈಕ್ ಓಡಿಸುತ್ತಿರುವಾಗ ಹುಡುಗಿ ಬೈಕ್ನ ಟ್ಯಾಂಕ್ ಮೇಲೆ ಹುಡುಗನ ಎದುರು ಕುಳಿತಿದ್ದಾಳೆ. ಕದ್ದ ಬೈಕ್ನಲ್ಲಿ ಈ ಜೋಡಿ ಅಸಭ್ಯವಾಗಿ ವರ್ತಿಸಿದ್ದು ಹಿಂಬದಿ ಸವಾರರು ದೃಶ್ಯವನ್ನು ಸೆರೆ ಹಿಡಿದಿದ್ದಾರೆ. ವಿಡಿಯೋದಲ್ಲಿ ಹುಡುಗಿ ಸವಾರನನ್ನು ತಬ್ಬಿಕೊಳ್ಳುತ್ತಿರುವುದನ್ನು ನೋಡಬಹುದು. ಈ ವೇಳೆ ಸವಾರ ಬೈಕ್ ಓಡಿಸುತ್ತಿದ್ದು ಇಬ್ಬರೂ ಕೂಡ ಹೆಲ್ಮೆಡ್ ಅನ್ನು ಧರಿಸಿಲ್ಲ. ಇಂತಹ ಪ್ರಕರಣಗಳು ಹೆಚ್ಚಾಗುತ್ತಿದ್ದು ಸಂಚಾರಿ ಪೊಲೀಸರು ಕಟ್ಟುನಿಟ್ಟಿನ ಕ್ರಮಕ್ಕೆ ಮುಂದಾಗಬೇಕಿದೆ.
-
Video: ಬೆಂಗಳೂರು ರಸ್ತೆಯಲ್ಲಿ ಯುವಕರ 'ಬಿಯರ್' ದರ್ಬಾರ್: ಬೈಕ್ನಲ್ಲೇ ಟ್ರಿಪಲ್ ರೈಡಿಂಗ್ ಜತೆ ಮದ್ಯಪಾನ -
Free Biryani: ಒಂದು ಸಿಲಿಂಡರ್ ಕೊಡಿ, ತಿಂಗಳು ಪೂರ್ತಿ ಉಚಿತ ಬಿರಿಯಾನಿ ತಿನ್ನಿ: ಹೊಸೂರು ಹೋಟೆಲ್ನಿಂದ ಭರ್ಜರಿ ಆಫರ್ -
Viral Video: ತೆಂಗಿನ ಚಿಪ್ಪನ್ನು ಮಗುವಿನ ಶೌಚಾಲಯ ಮಾಡಿಕೊಂಡ ದಂಪತಿ, ವಿಡಿಯೋ ವೈರಲ್ -
Tamarind Sale: ತುಮಕೂರು ಮಾರುಕಟ್ಟೆಯಲ್ಲಿ ದಾಖಲೆ ಬೆಲೆಗೆ ಮಾರಾಟವಾದ ಹುಣಸೆ ಹಣ್ಣು -
LPG: ಗೃಹಬಳಕೆ ಸಿಲಿಂಡರ್ ಬಳಕೆದಾರರಿಗೆ ಬಿಗ್ ಅಪ್ಡೇಟ್: ಎಲ್ಪಿಜಿ ಅಭಾವ ನೀಗಿಸಲು ಕೇಂದ್ರದಿಂದ ಹೊಸ ಪ್ಲಾನ್ -
Rain: ಮುಂದಿನ 3 ಗಂಟೆಗಳಲ್ಲಿ ಕರ್ನಾಟಕದ 13 ಜಿಲ್ಲೆಗಳಲ್ಲಿ ಗುಡುಗು ಸಹಿತ ಮಳೆ: ಹವಾಮಾನ ಇಲಾಖೆ -
Gold Rate: ಬೆಂಗಳೂರು ಸೇರಿದಂತೆ ವಿವಿಧ ನಗರಗಳಲ್ಲಿ ಎಷ್ಟಿದೆ 22 ಕ್ಯಾರಟ್ ಚಿನ್ನದ ದರ? -
SSLC ವಿಜ್ಞಾನ ಪರೀಕ್ಷೆ ಮುಕ್ತಾಯ: ಪೇಪರ್ ಹೇಗಿತ್ತು? ತಜ್ಞರು ಹಾಗೂ ವಿದ್ಯಾರ್ಥಿಗಳು ಏನಂತಾರೆ? ಇಲ್ಲಿದೆ ವಿಶ್ಲೇಷಣೆ -
Bengaluru Second Airport: ಬೆಂಗಳೂರು ಎರಡನೇ ಅಂತರರಾಷ್ಟ್ರೀಯ ವಿಮಾನ ನಿಲ್ದಾಣ: ಜಾಗ ಆಯ್ಕೆ ಕರ್ನಾಟಕಕ್ಕೆ ಬಿಟ್ಟ ಕೇಂದ್ರ -
Bengaluru Viral: ಆಟೋ ಚಾಲಕನ ಕ್ರಿಯೇಟಿವಿಟಿಗೆ ಬೆಂಗಳೂರು ನಿಜಕ್ಕೂ ಸೃಜನಶೀಲ ನಗರ ಎಂದ ನೆಟ್ಟಿಗರು -
Bengaluru Property: ಬೆಂಗಳೂರಿನ ಪ್ರಾಪರ್ಟಿ, ನಿರ್ಮಾಣ ಹಂತದ ಕಟ್ಟಡ - ರಿಯಲ್ ಎಸ್ಟೇಟ್ಗೆ ಏಕಾಏಕಿ ಪೆಟ್ಟು -
Gold Price: ಇಳಿಕೆಯತ್ತ ಚಿನ್ನ, ಬೆಳ್ಳಿ ಬೆಲೆ: ಇಂದಿನ ದರವೆಷ್ಟು? ಇಲ್ಲಿದೆ ಮಾಹಿತಿ
Click it and Unblock the Notifications
Sign in with Google