'ಜಸ್ಟ್ ಆಸ್ಕಿಂಗ್' ಬಹುಭಾಷಾ ನಟ ಪ್ರಕಾಶ್ ರೈ ಆಸ್ತಿ ಎಷ್ಟು?
Recommended Video

ಬೆಂಗಳೂರು, ಮಾರ್ಚ್ 22: ಬಹುಭಾಷಾ ನಟ ಪ್ರಕಾಶ್ ರೈ ಅವರು ಬೆಂಗಳೂರು ಸೆಂಟ್ರಲ್ ಕ್ಷೇತ್ರದಿಂದ ಚುನಾವಣೆಗೆ ಸ್ಪರ್ಧಿಸುತ್ತಿದ್ದಾರೆ. ಇಂದು ಅವರು ನಾಮಪತ್ರ ಸಲ್ಲಿಸಿದ್ದಾರೆ.
ನಾಮಪತ್ರದ ಜೊತೆಗೆ ತಮ್ಮ ಆಸ್ತಿ ವಿವರವನ್ನು ಪ್ರಕಾಶ್ ರೈ ಘೋಷಿಸಿಕೊಂಡಿದ್ದಾರೆ. ಬಹುಭಾಷಾ ನಟರಾಗಿರುವ ಅವರು ಸಂಪಾದಿಸಿರುವ ಆಸ್ತಿ ಎಷ್ಟು ಎಂಬುದನ್ನು ಇಲ್ಲಿ ಪಟ್ಟಿ ಮಾಡಿ ನೀಡಲಾಗಿದೆ.
ಪ್ರಕಾಶ್ ಸಲ್ಲಿಸಿರುವ ಸ್ವವಿವರದ ಪ್ರಕಾರ ಅವರು ದ್ವಿತೀಯ ಪಿಯುಸಿ ವರೆಗೆ ಶಿಕ್ಷಣ ಮುಗಿಸಿದ್ದಾರೆ. ಬಿ.ಕಾಂ ಅನ್ನು ಅರ್ಧಕ್ಕೆ ಬಿಟ್ಟಿದ್ದಾರೆ. ಪ್ರಕಾಶ್ ಅವರು ಬೆಂಗಳೂರಿನ ಸೇಂಟ್ ಜೋಸೆಫ್ ಕಾಲೇಜಿನಲ್ಲಿ ಪದವಿ ಪೂರ್ವದ ವರೆಗೆ ಕಲಿತಿದ್ದಾರೆ.
ಸಮಗ್ರ ಮಾಹಿತಿಯುಳ್ಳ ಲೋಕಸಭೆ ಚುನಾವಣೆಯ ವಿಶೇಷ ಪುಟ
ಪ್ರಕಾಶ್ ರೈ ಅವರು ತಮ್ಮ ಹಾಗೂ ತಮ್ಮ ಮಡದಿಯ ಆಸ್ತಿ ವಿವರ, ಆದಾಯದ ವಿವರವನ್ನು ನಾಮಪತ್ರದ ಜೊತೆಗೆ ಸಲ್ಲಿಸಿದ್ದಾರೆ. ಮಕ್ಕಳು ಮತ್ತು ಪೋಷಕರಿಗೆ ಯಾವುದೇ ಆದಾಯ ಇಲ್ಲವೆಂದು ಘೋಷಿಸಿದ್ದಾರೆ.

ಈ ವರ್ಷದ ಆದಾಯ 2.40 ಕೋಟಿ
ಪ್ರಕಾಶ್ ರೈ ಅವರು 2018-19ನೇ ಸಾಲಿನಲ್ಲಿ ಘೋಷಿಸಿರುವ ಆದಾಯ 2.40 ಕೋಟಿ ರೂಪಾಯಿಗಳು. ಅವರ ಮಡದಿ ರಶ್ಮಿ ವರ್ಮಾ ಘೋಷಿಸಿರುವ ಆದಾಯ 6,05,780 ರೂಪಾಯಿಗಳು. ಪ್ರಕಾಶ್ ರೈ ಅವರ ಬಳಿ 25,000 ಸಾವಿರ ನಗದು ಇದೆ. 3.19 ಲಕ್ಷ ಹಣ ಬ್ಯಾಂಕಿನಲ್ಲಿದೆ. ಪ್ರಸ್ತುತ ಸಿನಿಮಾ ಒಂದರ ಮೇಲೆ 1.68 ಕೋಟಿ ಬಂಡವಾಳ ಹೂಡಿದ್ದಾರೆ.ಪ್ರಕಾಶ್ ರೈ ಪತ್ನಿಯನ್ನು ಪೋನಿ ವರ್ಮ ಎಂದು ಕರೆಯಲಾಗುತ್ತದೆ, ಆದರೆ ಪ್ರಕಾಶ್ ರೈ ಚುನಾವಣಾ ಆಯೋಗಕ್ಕೆ ನೀಡಿರುವ ದಾಖಲೆಯಲ್ಲಿ ಪತ್ನಿಯ ಹೆಸರು ರಶ್ಮಿ ವರ್ಮಾ ಎಂತಲೇ ಇದೆ.

1.16 ಕೋಟಿ ಸಾಲ ನೀಡಿದ್ದಾರೆ
ಸಂಡ್ರಿ ಡೆಬ್ಟರ್ಸ್ಗೆ ಪ್ರಕಾಶ್ ರೈ ಅವರು 1.16 ಕೋಟಿ ಸಾಲ ನೀಡಿದ್ದಾರೆ. 6.30 ಲಕ್ಷ ಲೀಸ್ ಒಪ್ಪಂದಕ್ಕಾಗಿ ನೀಡಿದ್ದಾರೆ. ಪ್ರತಿ ತಿಂಗಳು ಪ್ರಕಾಶ್ ರೈಗೆ ಪ್ರತಿ ತಿಂಗಳು 25,000 ಬಾಡಿಗೆ ಸಹ ಬರುತ್ತಿದೆ. ಮಡದಿಗೆ ಪ್ರತಿ ತಿಂಗಳು 19,000 ಬಾಡಿಗೆ ಬರುತ್ತದೆ.

ಹಲವು ಕಾರಿವೆ ಪ್ರಕಾಶ್ ರೈ ಬಳಿ
ಪ್ರಕಾಶ್ ರೈ ಅವರ ಬಳಿ ಐದು ಐಶಾರಾಮಿ ಕಾರುಗಳಿವೆ. ಒಂದು ಬೊಲೆರೊ ಹಾಗೂ ಒಂದು ವೆಸ್ಪಾ ಸ್ಟೂಟರ್ ಇವೆ. 17.31 ಲಕ್ಷ ಬೆಲೆಯ ಇನ್ನೊವಾ , 45 ಲಕ್ಷ ಬೆಲೆಯ ಬಿಎಂಡಬ್ಲು, 15.77 ಲಕ್ಷ ಬೆಲೆಯ ಇಸುಜು, 40.65 ಲಕ್ಷ ಬೆಲೆಯ ಆಡಿ, 63.37 ಲಕ್ಷ ಬೆಲೆಯ ಬೆಂಜ್ ಇದೆ. ಜೊತೆಗೆ 5.46 ಲಕ್ಷದ ಬೊಲೆರೊ, 70 ಸಾವಿರಗಳ ಒಂದು ವೆಸ್ಪಾ ಸ್ಕೂಟರ್ ಇದೆ. ಮಡದಿ ರಶ್ಮಿ ವರ್ಮಾ ಬಳಿ ಯಾವುದೇ ವಾಹನಗಳಿಲ್ಲ.

ಪ್ರಕಾಶ್ ರೈ ಬಳಿ ಚಿನ್ನವಿಲ್ಲ
ಪ್ರಕಾಶ್ ರೈ ಅವರ ಬಳಿ ಚಿನ್ನ ಇಲ್ಲ, ಪತ್ನಿ ಬಳಿ 18 ಲಕ್ಷ ಬೆಲೆಯ ಆಭರಣ ಇದೆ, ತಾಯಿ ಬಳಿ 6 ಲಕ್ಷ ಮೌಲ್ಯದ ಚಿನ್ನ ಇದೆ. ಏರ್ ಕಂಡಿಷನರ್, ಫ್ರಿಡ್ಜ್, ಪ್ರೊಜೆಕ್ಟರ್ ಈ ರೀತಿಯ ಚರಾಸ್ಥಿ 7 ಲಕ್ಷ ಮೌಲ್ಯದ್ದಿದೆ. ಪ್ರಕಾಶ್ ರೈ ಅವರ ಬಳಿ ಕೃಷಿ ಹಾಗೂ ಕೃಷಿಯೇತರ ಜಮೀನು ಇದೆ. ಅದರ ಜೊತೆಗೆ ಎರಡು ಫಾರ್ಮ್ ಹೌಸ್ಗಳಿದೆ. ಜೊತೆಗೆ ಮೂರು ರೆಸಿಡೆನ್ಶಿಯಲ್ ಬಿಲ್ಡಿಂಗ್ಗಳಿವೆ. ಇವೆಲ್ಲವುಗಳ ಒಟ್ಟು ಮೌಲ್ಯ 26.59 ಕೋಟಿ ಆಗುತ್ತದೆ.

ಪ್ರಕಾಶ್ ಅವರ ಒಟ್ಟು ಆಸ್ತಿಯ ಮೌಲ್ಯವೆಷ್ಟು?
ಪ್ರಕಾಶ್ ರೈ ಅವರ ಮೇಲೆ ಕಾರು ಸಾಲ, ಖಾಸಗಿ ಸಾಲಗಳು ಇವೆ. ಎಲ್ಲ ಒಟ್ಟು ಸೇರಿ 3.83 ಕೋಟಿ ರೂಪಾಯಿ ಸಾಲ ಇದೆ. ಇದರ ಜೊತೆಗೆ 4.25 ಕೋಟಿ ಸಾಲದ ಹಣ ತಕರಾರಿನಲ್ಲಿದೆ. ಪ್ರಕಾಶ್ ರೈ ಅವರ ಸ್ಥಿರ ಹಾಗೂ ಚರಾಸ್ತಿಯ ಒಟ್ಟು ಮೌಲ್ಯ 30,09,756,797 ರೂಪಾಯಿ ಆಗುತ್ತದೆ. ಇದರ ಜೊತೆಗೆ 3.85 ಕೋಟಿ ಸಾಲ ಸಹ ಇದೆ.
-
Ration card: ರಾಜ್ಯದಲ್ಲಿ ಪಡಿತರಚೀಟಿ ತಿದ್ದುಪಡಿಗೆ ಮತ್ತೆ ಅವಕಾಶ -
Vande Bharat Express: 20 ಬೋಗಿಗಳ 42ನೇ ವಂದೇ ಭಾರತ್ ರೈಲು ಸಂಚಾರ ಆರಂಭ, ಎಲ್ಲಿ? ವೇಳಾಪಟ್ಟಿ -
ಟಿ20 ವಿಶ್ವಕಪ್ 2026 ಫೈನಲ್ ಪಂದ್ಯ ಮಳೆಯಿಂದ ರದ್ದಾದ್ರೆ ಟ್ರೋಫಿ ಯಾರ ಮುಡಿಗೆ?; ಐಸಿಸಿ ನಿಯಮಗಳು ಹೀಗಿವೆ -
Gold Price: ಚಿನ್ನ ಬೆಲೆ ಭಾರಿ ಕುಸಿತ ಸಾಧ್ಯತೆ, ಆದರೆ ಇದೊಂದು ದೇಶದ ನಿರ್ಧಾರ ಮುಖ್ಯ -
Horoscope March 7: ಉದ್ಯೋಗದಲ್ಲಿ ಉತ್ತಮ ಬದಲಾವಣೆ, ದಾಂಪತ್ಯದಲ್ಲಿ ಸಿಹಿ ಅಲೆ, ದಿನ ಭವಿಷ್ಯ -
ಕನ್ನಡ ನಾಡಿನ ಪ್ರತಿಭೆಗಳ ಸಾಧನೆ, ಯುಪಿಎಸ್ಸಿ ಟಾಪರ್ಸ್ ಮಾಹಿತಿ ತಿಳಿಯಿರಿ | UPSC Toppers -
ಕರ್ನಾಟಕಕ್ಕೆ ಬಂದ್ರೆ ಅಮ್ಮನ ಮನೆಗೆ ಬಂದಂತೆ ಭಾಸವಾಗುತ್ತೆ: ಕನ್ನಡದಲ್ಲೇ ಭಾಷಣ ಮಾಡಿದ ನಟ ಜ್ಯೂನಿಯರ್ ಎನ್ಟಿಆರ್ -
Women's Day Wishes: ಹೆಣ್ಣು ಜಗದ ಕಣ್ಣು: ಮಹಿಳಾ ದಿನಕ್ಕೆ ನಿಮ್ಮ ಪ್ರೀತಿಪಾತ್ರರಿಗೆ ಶುಭ ಕೋರಲು ಇಲ್ಲಿವೆ ಸುಂದರ ಸಾಲುಗಳು -
MS Dhoni: ಕುಣಿದು ಕುಪ್ಪಳಿಸುತ್ತಿದ್ದ ಪತ್ನಿ ಸಾಕ್ಷಿ ಸಿಂಗ್ಗೆ ಸುಮ್ನೆ ಕೂತ್ಕೋ ಎಂದ ಎಂಎಸ್ ಧೋನಿ -
Bengaluru Home: ಬೆಂಗಳೂರಲ್ಲಿ ಸ್ವಂತ ಮನೆಯ ಕನಸು ಕಾಣುತ್ತಿರುವವರಿಗೆ ಜಿಬಿಎ ಗುಡ್ನ್ಯೂಸ್: ಒಂಟಿ ಮನೆ ಯೋಜನೆ ಅಪ್ಡೇಟ್ಸ್ -
Gold Rate Today: ಸತತ ಆರನೇ ದಿನವೂ ಚಿನ್ನದ ಬೆಲೆಯಲ್ಲಿ ಇಳಿಕೆ: ಬೆಂಗಳೂರಿನಲ್ಲಿ ಇಂದಿನ ದರಗಳು ಹೀಗಿವೆ -
Suryakumar Yadav: ಮೀಟರ್ ಇದ್ರೆ ಮೈದಾನದಲ್ಲಿ ಅಭಿಮಾನಿಗಳ ಬಾಯಿ ಮುಚ್ಚಿಸಿ: ಮಿಚೆಲ್ ಸ್ಯಾಂಟ್ನರ್ಗೆ ಸೂರ್ಯ ಸವಾಲು












Click it and Unblock the Notifications