Fact Check: ನೀತಾ ಅಂಬಾನಿಗೆ ತಲೆ ಬಾಗಿ ನಮಸ್ಕರಿಸಿದರೇ ಮೋದಿ?

ನವದೆಹಲಿ, ಜೂನ್ 07: ಪ್ರಸಾರ್ ಭಾರತಿ ಮಾಜಿ ಸಿಇಒ ಜವ್ಹಾರ್ ಸಿರ್ಕರ್ ಸಾಮಾಜಿಕ ಜಾಲತಾಣಗಳಲ್ಲಿ ಹಂಚಿಕೊಂಡಿರುವ ಚಿತ್ರ ಇದೀಗ ಸಾಕಷ್ಟು ಚರ್ಚೆಗೆ ಕಾರಣವಾಗಿದೆ. ಸಿರ್ಕಾರ್ ಅವರು ಪೋಸ್ಟ್‌ ಮಾಡಿರುವ ಚಿತ್ರದಲ್ಲಿ ಪ್ರಧಾನಿ ನರೇಂದ್ರ ಮೋದಿ ನೀತಾ ಅಂಬಾನಿ ಎದುರು ತಲೆ ಬಾಗಿ ನಮಸ್ಕರಿಸುತ್ತಿರುವುದನ್ನು ಕಾಣಬಹುದು.

ಆದರೆ ಆ ಚಿತ್ರ ಸುಳ್ಳಾಗಿದ್ದು, ಚಿತ್ರವನ್ನು ಎಡಿಟ್ ಮಾಡಲಾಗಿದೆ, ಅಲ್ಲಿದ್ದಿದ್ದು ನೀತಾ ಅಂಬಾನಿ ಅಲ್ಲ ಎನ್‌ಜಿಒ ನಡೆಸುತ್ತಿರುವ ದೀಪಿಕಾ ಮಂಡಲ್ ಎಂಬುದು ತಿಳಿದುಬಂದಿದೆ. ಪ್ರೀತಿ ಅದಾನಿ ಅವರು ದಿವ್ಯ ಜ್ಯೋತಿ ಕಲ್ಚರಲ್ ಸಂಸ್ಥೆಯೊಂದನ್ನು ನಡೆಸುತ್ತಿದ್ದಾರೆ, ಈ ಸಂಸ್ಥೆಯು ಸಾಮಾಜಕ್ಕೆ ಒಳಿತನ್ನು ಮಾಡುವ ಕೆಲಸವನ್ನು ಮಾಡುತ್ತಿದೆ.

ಪ್ರಸಾರ ಭಾರತಿ ಸಿಇಒ ಶಶಿ ಶೇಖರ್ ಈ ಕುರಿತು ಪ್ರತಿಕ್ರಿಯೆ ನೀಡಿದ್ದು, ' ಸಿರ್ಕರ್ ಅವರು ಮಾಡಿರುವ ಟ್ವೀಟ್ ನಾಚಿಕೆಗೇಡಿನ ಸಂಗತಿಯಾಗಿದೆ, ಒಬ್ಬ ವ್ಯಕ್ತಿಯನ್ನು ಇಷ್ಟಪಡದಿರುವುದು ಬೇರೆ ವಿಚಾರ ಆದರೆ ಸಾಮಾಜಿಕವಾಗಿ ಸಾರ್ವಜನಿಕರೆದುರು ನಕಲಿ ಚಿತ್ರಗಳನ್ನು ಪ್ರದರ್ಶಿಸುವುದು ಖಂಡನೀಯ, ಅವರ ಈ ಕೆಲಸದಿಂದ ನಾವು ಮುಜುಗರಕ್ಕೆ ಒಳಗಾಗಿದ್ದೇವೆ' ಎಂದರು.

ದೀಪಿಕಾ ಮಂಡಲ್ ಅವರು ದಿವ್ಯಜ್ಯೋತಿ ಸಂಸ್ಕೃತಿ ಸಂಸ್ಥೆ ಮತ್ತು ಕಲ್ಯಾಣ ಸೊಸೈಟಿ ಎಂಬ ಎನ್‌ಜಿಒ ನಡೆಸುತ್ತಿದ್ದಾರೆ. ಅವರ ಪತಿ ಹೆಸರು ಸಮರ್ ಮಂಡಲ್ ಸಮರ್‌ರವರು ದೇಶದ ಕೊನೆಯ 8 ರಾಷ್ಟ್ರಪತಿಗಳ ಅಧಿಕೃತ ಛಾಯಾಗ್ರಾಹಕರಾಗಿ ಸೇವೆ ಸಲ್ಲಿಸಿದ್ದಾರೆ. ಪ್ರಣಬ್ ಮುಖರ್ಜಿ ಅವರ ಅವಧಿಯಲ್ಲಿ ರಾಷ್ಟ್ರಪತಿ ಭವನದಲ್ಲಿ ನಡೆದ ಸಿವಿನ್‌ ಇನ್ವೆಸ್ಟಿಚಚರ್ ಸಮಾರಂಭದಲ್ಲಿ ಪ್ರಧಾನ ಮಂತ್ರಿಯ ಈ ಫೋಟೋ ತೆಗೆಯಲಾಗಿತ್ತು.

ಸಿರ್ಕಾರ್ ಶೇರ್ ಮಾಡಿಕೊಂಡ ಫೋಟೊ ಈ ಹಿಂದೆಯೂ ಒಂದು ಬಾರಿ ವೈರಲ್ ಆಗಿತ್ತು, ಇದೊಂದು ಎಡಿಟ್ ಮಾಡಿರುವ ಫೋಟೊ ಆಗಿದೆ, ಅಂದರೆ ಇಲ್ಲಿ ಬೇರೊಬ್ಬರ ಫೋಟೋಗೆ ನೀತಾ ಅಂಬಾನಿ ಮುಖ ಹಾಕಲಾಗಿದೆ.

English summary

Fact Check: Former CEO of Prasar Bharati Jawhar Sircar drew flak from various quarters after he shared a morphed image of Prime Minister Narendra Modi on Twitter.