Fact Check: ಪ್ರಸ್ತುತ ಕೊರೊನಾ ಲಸಿಕೆ ಹೊಸ ರೂಪಾಂತರಿಯನ್ನು ಸೃಷ್ಟಿಸುತ್ತಿದೆಯೇ?

ನವದೆಹಲಿ, ಏಪ್ರಿಲ್ 6: ಪ್ರಸ್ತುತ ದೇಶದಲ್ಲಿ ನಡೆಯುತ್ತಿರುವ ಕೊರೊನಾ ಲಸಿಕೆ ವಿತರಣೆ ಕಾರ್ಯಕ್ರಮವು ಮಾನವನ ಜೀವಕ್ಕೆ ಕಂಟಕವಾಗಿದ್ದು, ರೂಪಾಂತರಿ ಸೋಂಕನ್ನು ಸೃಷ್ಟಿಸುತ್ತಿವೆ ಎನ್ನುವ ಅಪವಾದ ಕೇಳಿಬಂದಿದೆ.

ಕೊರೊನಾ ಲಸಿಕೆಯು ರೋಗವನ್ನು ಹೋಗಲಾಡಿಸುವ ಬದಲು ವೈರಸ್‌ಗಳಿಗೆ ರಕ್ಷಣೆ ನೀಡುತ್ತಿದೆ ಎಂದು ಆರೋಪ ಮಾಡಲಾಗಿದೆ.ಬೆಲ್ಜಿಯಂನ ಪಶುವೈದ್ಯ ಗೀರ್ಟ್ ವಾಂಡೆನ್ ಬಾಸ್ಚೆ ಅವರು ಅಧಿಕಾರಿಗಳಿಗೆ ಬರೆದ ಪತ್ರದ ಆಧಾರದಲ್ಲಿ ಈ ರೀತಿ ಪ್ರಚಾರ ಮಾಡಲಾಗುತ್ತಿದೆ.

ಹಲವು ರೂಪಾಂತರಿ ಸೋಂಕುಗಳು ಕೊರೊನಾ ಲಸಿಕೆ ನೀಡುವ ಮುನ್ನವೇ ಜನರ ದೇಹದಲ್ಲಿತ್ತು, ಆದರೆ ಕೊರೊನಾ ಲಸಿಕೆ ನೀಡುವುದರಿಂದ ಕೊರೊನಾ ರೂಪಾಂತರಿಗಳು ಉತ್ಪತ್ತಿಯಾಗುತ್ತವೆ ಎನ್ನುವುದು ಸುಳ್ಳು ಎಂದು ಹೇಳಲಾಗಿದೆ.

ಕೊರೊನಾ ಲಸಿಕೆಯು ವೈರಸ್ ಪ್ರಮಾಣ ಹಾಗೂ ಪ್ರಭಾವವನ್ನು ಕಡಿಮೆ ಮಾಡುತ್ತದೆ. ಆದ್ದರಿಂದ ಕೊರೊನಾ ಲಸಿಕಾ ಕಾರ್ಯಕ್ರಮ ಜನರ ಜೀವಕ್ಕೆ ಕುತ್ತು ತರುತ್ತದೆ ಎಂಬುದು ಸುಳ್ಳು, ಜನರನ್ನು ಭಯದ ಮೂಲಕ ದಾರಿ ತಪ್ಪಿಸಲಾಗುತ್ತಿದೆ ಎಂದು ಹೇಳಲಾಗಿದೆ.

ಭಾರತದಲ್ಲಿ ಕಳೆದ 24 ಗಂಟೆಯಲ್ಲಿ 96,982 ಹೊಸ ಕೊರೊನಾ ಪ್ರಕರಣಗಳು ಪತ್ತೆಯಾಗಿವೆ. ಭಾನುವಾರ ಕೊರೊನಾ ಪ್ರಕರಣಗಳು ಲಕ್ಷ ಮೀರಿದ್ದು, ಸೋಮವಾರ ಈ ಸಂಖ್ಯೆಯಲ್ಲಿ ಕೊಂಚ ಇಳಿಮುಖವಾಗಿದೆ.

ಏಪ್ರಿಲ್ 5ರಂದು ದೇಶದಲ್ಲಿ ಕೊರೊನಾ ಸೋಂಕಿನಿಂದ ಒಟ್ಟು 446 ಮಂದಿ ಸಾವನ್ನಪ್ಪಿದ್ದಾರೆ. ಸೋಮವಾರ 50,143 ಮಂದಿ ಸೋಂಕಿನಿಂದ ಗುಣಮುಖರಾಗಿದ್ದು, ಒಟ್ಟು ಗುಣಮುಖರ ಸಂಖ್ಯೆ 1,17,32,279 ಆಗಿದೆ.

English summary

There is a claim being made that the current vaccination programme will wipe out a large part of our human population. This is because it would create mutant variants of the virus that escape protection of those vaccines it is also claimed.