Radhika Pandit: ಮಗ ಯಥರ್ವ್ಗೆ ‘ಬೊಂಬೆ ಮಿಠಾಯಿ’ ಕೊಡಿಸಿ ತನ್ನ ಬಾಲ್ಯ ನೆನೆದ ರಾಧಿಕಾ ಪಂಡಿತ್
ನಟ ಯಶ್ ಅಭಿನಯದ ಬಹುನಿರೀಕ್ಷಿತ ಸಿನಿಮಾ 'ಟಾಕ್ಸಿಕ್' ರಿಲೀಸ್ಗೆ ದಿನಗಣನೆ ಆರಂಭವಾಗಿರುವ ನಡುವೆಯೇ, ಯಶ್ ಅವರ ಪತ್ನಿ ಹಾಗೂ ಸ್ಯಾಂಡಲ್ವುಡ್ ಸಿಂಡ್ರೆಲಾ ಎಂದೇ ಖ್ಯಾತರಾಗಿರುವ ನಟಿ ರಾಧಿಕಾ ಪಂಡಿತ್ ಸೋಷಿಯಲ್ ಮೀಡಿಯಾದಲ್ಲಿ ಒಂದು ಫೋಟೋ ಹಂಚಿಕೊಳ್ಳುವ ಅಭಿಮಾನಿಗಳ ಗಮನ ಸೆಳೆದಿದ್ದಾರೆ. ಮಗ ಯಥರ್ವ್ ಜೊತೆಗೆ ರಾಧಿಕಾ ಬಾಲ್ಯಕ್ಕೆ ಮರಳಿದ್ದಾರೆ.
ಇನ್ಸ್ಟಾಗ್ರಾಂನಲ್ಲಿ ರಾಧಿಕಾ ಪಂಡಿತ್ ಶೇರ್ ಮಾಡಿಕೊಂಡಿರುವ ಒಂದು ಅಪರೂಪದ ಫೋಟೋ ಇದೀಗ ವೈರಲ್ ಆಗಿದ್ದು, ಮುದ್ದು ಮಗ ಯಥರ್ವ್ಗೆ "ಬೊಂಬೆ ಮಿಠಾಯಿ" ಕೊಡಿಸುತ್ತಿರುವ ಕ್ಷಣ ಎಲ್ಲರ ಮನ ಗೆದ್ದಿದೆ. ಈ ಫೋಟೋ ಜೊತೆ ಬಾಲ್ಯದ ನೆನಪುಗಳನ್ನು ಹಂಚಿಕೊಂಡಿರುವ ರಾಧಿಕಾ, ತಮ್ಮ ಅನುಭವವನ್ನು ಹಂಚಿಕೊಂಡಿದ್ದಾರೆ.
'ಆ ಧ್ವನಿ ಕೇಳಿದರೆ ಸಾಕು... ಖುಷಿ ತುಂಬುತ್ತಿತ್ತು'
"ಚಿಕ್ಕವರಾಗಿದ್ದಾಗ ದೂರದಿಂದ ಕೇಳಿಸುತ್ತಿದ್ದ ಆ ಪರಿಚಿತ ಧ್ವನಿ... 😍 ಅದನ್ನು ಕೇಳಿದ ಕ್ಷಣವೇ ಮನಸ್ಸು ಖುಷಿಯಿಂದ ತುಂಬುತ್ತಿತ್ತು. ಯಾಕೆಂದರೆ ಏನು ಬರ್ತಿದೆ ಅಂತ ನಮಗೆ ಗೊತ್ತೇ ಇರುತ್ತಿತ್ತು" ಎಂದು ಬರೆದುಕೊಂಡಿರುವ ರಾಧಿಕಾ, ಇಂದು ಅದೇ ಕ್ಷಣವನ್ನು ನನ್ನ ಮಗ ಯಥರ್ವ್ ಮೊದಲ ಬಾರಿಗೆ ಅನುಭವಿಸುತ್ತಿರುವುದನ್ನು ನೋಡೋದು ತುಂಬಾ ವಿಶೇಷ ಎಂದು ಹೇಳಿದ್ದಾರೆ. ಯಥರ್ವ್ ಕಣ್ಣಲ್ಲಿದ್ದ ಕುತೂಹಲ, ಮುಖದಲ್ಲಿದ್ದ ನಗು ಅಮೂಲ್ಯ ಎಂದು ಹೇಳಿರುವ ಅವರು, "ಯಾವ ಸಿಹಿ ತಿಂಡಿ ಅಂತ ಗೆಸ್ ಮಾಡಿ ನೋಡೋಣ...?" ಎಂದು ಅಭಿಮಾನಿಗಳಿಗೆ ಕುತೂಹಲದ ಪ್ರಶ್ನೆಯನ್ನೂ ಮುಂದಿಟ್ಟಿದ್ದಾರೆ.
'ಇದು ಎಲ್ಲರ ಫೇವರೇಟ್!'
ಈ ಪೋಸ್ಟ್ಗೆ ಪ್ರತಿಕ್ರಿಯಿಸಿರುವ ಅಭಿಮಾನಿಗಳ ಬಹುಪಾಲು, "ಇದು ಎಲ್ಲರ ಫೇವರೇಟ್ ಬೊಂಬೆ ಮಿಠಾಯಿ" ಎಂದು ಕಾಮೆಂಟ್ ಮಾಡಿದ್ದು, ಬಾಲ್ಯದ ನೆನಪುಗಳನ್ನು ಹಂಚಿಕೊಂಡಿದ್ದಾರೆ. ಕೆಲವರು "ನಮ್ಮ ಬಾಲ್ಯ ನೆನಪಾಯಿತು", "ಈ ಕ್ಷಣ priceless" ಎಂದರೆ, ಇನ್ನೂ ಕೆಲವರು ರಾಧಿಕಾ ಅವರನ್ನು 'ಅತ್ತಿಗೆ' ಎಂದು ಪ್ರೀತಿಯಿಂದ ಕರೆದಿದ್ದಾರೆ.
ಒಂದು ಕಡೆ ಯಶ್ ಅವರ 'ಟಾಕ್ಸಿಕ್' ಸಿನಿಮಾ ರಿಲೀಸ್ಗೆ ಭಾರೀ ನಿರೀಕ್ಷೆ, ಮತ್ತೊಂದು ಕಡೆ ರಾಧಿಕಾ-ಯಥರ್ವ್ ಅವರ ಈ ಆತ್ಮೀಯ ಕ್ಷಣ... ಈ ಎರಡೂ ಸೇರಿ ಯಶ್ ಅಭಿಮಾನಿಗಳ ಮನಸ್ಸು ಇನ್ನಷ್ಟು ಕರಗಿಸಿದೆ. ಸ್ಟಾರ್ಡಮ್ನ ಗದ್ದಲದ ಮಧ್ಯೆಯೂ, ಕುಟುಂಬದ ಸಣ್ಣ ಸಂತೋಷಗಳೇ ದೊಡ್ಡದಾಗಿದೆ ಎಂಬ ಸಂದೇಶ ಈ ಪೋಸ್ಟ್ ಮೂಲಕ ಮತ್ತೆ ಸಾಬೀತಾಗಿದೆ ಎನ್ನುತ್ತಿದ್ದಾರೆ ಅವರ ಅಭಿಮಾನಿಗಳು. ಸಿನಿಮಾ ಹೈಪ್ ನಡುವೆ ಬಂದ ಈ ಸಿಹಿಯಾದ ಕುಟುಂಬದ ಕ್ಷಣ, ಸೋಷಿಯಲ್ ಮೀಡಿಯಾದಲ್ಲಿ ಈಗ ಸಕ್ಕತ್ ಸದ್ದು ಮಾಡುತ್ತಿದೆ.
ಮರೆಯಾಗುತ್ತಿರುವ ಬೊಂಬೆ ಮಿಠಾಯಿ
ಬೊಂಬೆ ಮಿಠಾಯಿ ಒಂದು ಸಾಂಪ್ರದಾಯಿಕ ಮತ್ತು ಅಪರೂಪವಾಗುತ್ತಿರುವ ಸಿಹಿತಿಂಡಿಯಾಗಿದ್ದು, ಇದನ್ನು ಸಾಮಾನ್ಯವಾಗಿ ಸಕ್ಕರೆಯಿಂದ ತಯಾರಿಸಲಾಗುತ್ತದೆ. ಇದು ಕೆಂಪು, ಬಿಳಿ ಮತ್ತು ಹಳದಿ ಬಣ್ಣಗಳಲ್ಲಿ ಸಿಗುವ ರಬ್ಬರಿ ಚೂಯಿಂಗ್ ಕ್ಯಾಂಡಿ (Chewy Candy) ಆಗಿದೆ. ಹಲವು ವರ್ಷಗಳ ಹಿಂದೆ ಕೋಲಿಗೆ ಬೊಂಬೆಗಳನ್ನು ಕಟ್ಟಿ ಮಾರಾಟ ಮಾಡುತ್ತಿದ್ದರಿಂದ ಇದಕ್ಕೆ ಬೊಂಬೆ ಮಿಠಾಯಿ ಈ ಹೆಸರು ಬಂದಿದೆ.
ಇದು ವಿವಿಧ ಬೊಂಬೆಗಳ ಆಕಾರದಲ್ಲಿ ಲಭ್ಯವಿರುತ್ತದೆ ಮತ್ತು ಪ್ರಕಾಶಮಾನವಾದ ಬಣ್ಣಗಳನ್ನು ಹೊಂದಿರುತ್ತದೆ. ಇದು ಅಗಿಯುವಿಕೆಗೆ ಮೃದುವಾಗಿದ್ದು, ಸಿಹಿಯಾಗಿರುತ್ತದೆ. ಇಂದಿನ ದಿನಗಳಲ್ಲಿ ಈ ಬೊಂಬೆ ಮಿಠಾಯಿವಾಲಾಗಳು ಅಪರೂಪವಾಗಿದ್ದು, ವಿಶೇಷವಾಗಿ ಜಾತ್ರೆಯಂತಹ ಸಮಾರಂಭಗಳಲ್ಲಿ ಕಾಣಸಿಗುತ್ತಾರೆ. ಅಲ್ಲದೆ ಇದು ಆಧುನಿಕ ಚಾಕೊಲೇಟ್ಗಳ ಭರಾಟೆಯಲ್ಲಿ ಕಣ್ಮರೆಯಾಗುತ್ತಿರುವ ಒಂದು ವಿಶಿಷ್ಟ ಸಿಹಿ ತಿನಿಸು ಎಂದರೆ ತಪ್ಪಾಗದು.
-
Weekly Horoscope: ನಾಲ್ಕು ರಾಶಿಯವರಿಗೆ ಅದೃಷ್ಟ ಹೊತ್ತು ತರುವ ವಾರ ಇದು: ಹೇಗಿದೆ ನೋಡಿ ನಿಮ್ಮ ವಾರ ಭವಿಷ್ಯ -
PUC Revaluation: ಸ್ಕ್ಯಾನ್ ಪ್ರತಿ ಪಡೆದವರ ಉತ್ತರ ಪತ್ರಿಕೆ ಮರುಮೌಲ್ಯಮಾಪನ; ಶುಲ್ಕ, ಪ್ರಮುಖ ದಿನಾಂಕಗಳು -
Bengaluru Property: ಬೆಂಗಳೂರು ಮೆಟ್ರೋದ ಈ ಮಾರ್ಗಗಳಲ್ಲಿ ಭೂಮಿ, ಪ್ರಾಪರ್ಟಿ ಬೆಲೆ ಶೇ 20% ರಿಂದ ಶೇ 30% ಹೆಚ್ಚಳ -
Gold Price Drop: ವಾರದ ಮೊದಲ ದಿನವೇ ಚಿನ್ನ-ಬೆಳ್ಳಿ ದರ ಭರ್ಜರಿ ಕುಸಿತ, ಇಂದಿನ ದರಪಟ್ಟಿ -
Career Break: ಅಲಾರಂ ಇಲ್ಲದ ಜೀವನ ಬೇಕು ಎಂದು ಗೂಗಲ್ ಕೆಲಸ ಬಿಟ್ಟ ಯುವ ಟೆಕ್ಕಿ, ನೆಟ್ಟಿಗರ ಮೆಚ್ಚುಗೆ -
E-Khata: ಜನ ಸೇವಕ ಯೋಜನೆ: ಮನೆಯಲ್ಲೇ ಕುಳಿತು ಇ - ಖಾತಾ ಪಡೆಯಿರಿ, ಈ 5 ದಾಖಲೆಗಳಿದ್ದರೆ ಸಾಕು -
Gold Rings: ಅಕ್ಷಯ ತೃತೀಯಕ್ಕೆ ಖರೀದಿಸಬಹುದಾದ ಆಕರ್ಷಕ ವಿನ್ಯಾಸದ 5 ಚಿನ್ನದ ಉಂಗುರಗಳು -
ಮಂಡ್ಯದಲ್ಲಿ 500 ಎಕರೆ ಆಟೋ ಕೈಗಾರಿಕಾ ಹಬ್: ಎಂಬಿ ಪಾಟೀಲ, ಎಚ್ಡಿ ಕುಮಾರಸ್ವಾಮಿ ಮಹತ್ವದ ಚರ್ಚೆ -
April 13 Horoscope: 12 ರಾಶಿಗಳಿಗೆ ಇಂದು ಪ್ರೇಮ, ಹಣಕಾಸು, ಉದ್ಯೋಗದಲ್ಲಿ ಏನು ಹೇಳುತ್ತದೆ ನಿಮ್ಮ ರಾಶಿ? -
Bengaluru power cut: ಬೆಂಗಳೂರಿನ ಹಲವೆಡೆ ಹೆಚ್ಚಾಯ್ತು ದಿಢೀರ್ ಪವರ್ ಕಟ್, ಹೈರಾಣಾದ ಜನ: ಬೆಸ್ಕಾಂ ಕೊಟ್ಟ ಉತ್ತರ ಇಲ್ಲಿದೆ -
School Holiday: ರಾಜ್ಯದಲ್ಲಿ 2026-27ನೇ ಸಾಲಿನ ಶೈಕ್ಷಣಿಕ ವೇಳಾಪಟ್ಟಿ ಪ್ರಕಟ: ದಸರಾ, ಬೇಸಿಗೆ ರಜೆ, ಕೆಲಸದ ದಿನಗಳ ವಿವರ -
PUC ವಿದ್ಯಾರ್ಥಿಗಳಿಗೆ ಗುಡ್ನ್ಯೂಸ್: ಇದೇ ವರ್ಷದಿಂದಲೇ ಸಿಗಲಿವೆ ಉಚಿತ ಪಠ್ಯ ಪುಸ್ತಕ
Click it and Unblock the Notifications
Sign in with Google