Oscars 2025: ಆಸ್ಕರ್ ಪ್ರಶಸ್ತಿ ಪ್ರದಾನ ಸಮಾರಂಭವನ್ನು ಎಲ್ಲಿ ವೀಕ್ಷಣೆ ಮಾಡಬಹುದು?

Updated: Monday, March 3, 2025, 15:41 [IST]

Oscars 2025: ಅತ್ಯನ್ನತ ಆಸ್ಕರ್‌ ಪ್ರಶಸ್ತಿ ಪ್ರದಾನ ಕಾರ್ಯಕ್ರ ಆರಂಭವವಾಗಿದೆ. ಇದು 97ನೇ ಅವಾರ್ಡ್ ಕಾರ್ಯಕ್ರಮವಾಗಿದ್ದು, ಇಂದು (ಮಾರ್ಚ್ 3) ಅಮೆರಿಕದ ಕ್ಯಾಲಿಫೋರ್ನಿಯಾದ ಹಾಲಿವುಡ್‌ಲ್ಲಿರುವ ಡಾಲ್ಬಿ ಥಿಯೇಟರ್‌ನಲ್ಲಿ ನಡೆಯುತ್ತಿದೆ. ಹಾಗಾದ್ರೆ ಈ ಸಮಾರಂಭವನ್ನು ಎಲ್ಲಿ ವೀಕ್ಷಣೆ ಮಾಡಬಹುದು ಎನ್ನುವ ಮಾಹಿತಿಯನ್ನು ಇಲ್ಲಿ ನೀಡಲಾಗಿದೆ ಗಮನಿಸಿ.

ಭಾರತದಲ್ಲಿನ ವೀಕ್ಷಕರು ಭಾರತೀಯ ಕಾಲಮಾನದ ಪ್ರಮಾಣ ಇಂದು 5.30ರಿಂದ ಸ್ಟಾರ್ ಮೂವೀಸ್ ಮತ್ತು ಜಿಯೊ ಹಾಟ್‌ಸ್ಟಾರ್‌ನಲ್ಲಿ ಈ ಸಮಾರಂಭದ ನೇರ ಪ್ರಸಾರ ಆರಂಭವಾಗಿದೆ. ಈ ಕಾರ್ಯಕ್ರಮವನ್ನು ಎಮ್ಮಿ ಪ್ರಶಸ್ತಿ ವಿಜೇತ ದೂರದರ್ಶನ ನಿರೂಪಕ, ಬರಹಗಾರ, ನಿರ್ಮಾಪಕ ಮತ್ತು ಹಾಸ್ಯನಟ ಕೊನನ್ ಒ ಬ್ರಿಯಾನ್ ನಡೆಸಿಕೊಡುತ್ತಿದ್ದಾರೆ.

Oscars 2025 Oscars 2025 Where to watch 97th academy Awards ceremony live broadcast in india

ಅಕಾಡೆಮಿ ಅವಾರ್ಡ್ ಅನ್ನು ಒ'ಬ್ರಿಯಾನ್ ನಿರ್ವಹಿಸುತ್ತಿರುವುದು ಇದೇ ಮೊದಲು. ಈ ಹಿಂದೆ 2002 ಮತ್ತು 2006ರಲ್ಲಿ ಎಮ್ಮಿಸ್ ಅನ್ನು ನಿರ್ವಹಿಸಿದ್ದ ಒ'ಬ್ರಿಯಾನ್ ವೇದಿಕೆಯಲ್ಲಿ ತಮ್ಮ ಚಾಣಕ್ಷತೆಯ ಹಾಸ್ಯವನ್ನು ಪ್ರಸ್ತುತಪಡಿಸಲಿದ್ದು, ಇದು ಚಲನಚಿತ್ರ ಅಭಿಮಾನಿಗಳಿಗೆ ಮರೆಯಲಾಗದ ಅನುಭವ ಆದಂತಾಗಲಿದೆ.

ಈಗಾಗಲೇ 2024ನೇ ಸಾಲಿನಲ್ಲಿ 96ನೇ ಅಕಾಡೆಮಿ ಅವಾರ್ಡ್‌ ಕಾರ್ಯಕ್ರಮ ನಡೆದಿದೆ. ಲಾಸ್‌ ಏಂಜಲೀಸ್‌ಲ್ಲಿ ಕಳೆದ ಬಾರಿ ಈ ಕಾರ್ಯಕ್ರಮ ನಡೆಯಿತು. ವಿಶೇಷತೆ ಎಂದರೆ ಒಂದೇ ಸಿನಿಮಾ 13 ವಿಭಾಗಗಳಲ್ಲಿ ನಾಮ ನಿರ್ದೇಶನವಾಗಿ 7 ಆಸ್ಕರ್‌ ಪ್ರಶಸ್ತಿಗಳನ್ನು ಪಡೆದುಕೊಂಡಿದೆ. ಆ ಸಿನಿಮಾವೇ ಒಪ್ಪೆನ್ ಹೈಮರ್ ಆಗಿದೆ. ಮತ್ತೊಂದೆಡೆ ಎಮ್ಮಾ ಸ್ಟೋನ್‌ಗೆ ಅತ್ಯುತ್ತಮ ನಟಿ ಸೇರಿದಂತೆ 'ಪೂರ್ ಥಿಂಗ್ಸ್‌' ಸಿನಿಮಾಗೆ 4 ಆಸ್ಕರ್ ಪ್ರಶಸ್ತಿಗಳು ಬಂದಿವೆ.