ಉಡುಪಿಯಲ್ಲಿ ಅರಳಿದ ಕಮಲ: ಕಾಂಗ್ರೆಸ್ ಸರ್ವ ಪತನ.!

ಅಷ್ಟಮಠಗಳು, ಮಣಿಪಾಲ ಶಿಕ್ಷಣ ಸಂಸ್ಥೆ ಹಾಗೂ ಮಲ್ಪೆ ಬೀಚ್ ಗೆ ಹೆಸರುವಾಸಿ ಆಗಿರುವ ಕರ್ನಾಟಕದ ಜಿಲ್ಲೆ ಉಡುಪಿ. ಕಮಲದ ಭದ್ರಕೋಟೆಯಾಗಿದ್ದ ಉಡುಪಿ ಜಿಲ್ಲೆಯಲ್ಲಿ ಕಳೆದ ಬಾರಿಯ ಚುನಾವಣೆಯಲ್ಲಿ ಕಾಂಗ್ರೆಸ್ ತನ್ನ ಅಧಿಪತ್ಯ ಸ್ಥಾಪಿಸಿತ್ತು. ಆದ್ರೆ, ಈ ಬಾರಿ ಅದನ್ನ ಉಳಿಸಿಕೊಳ್ಳಲು ಕಾಂಗ್ರೆಸ್ ವಿಫಲವಾಗಿದೆ.

2018ರ ವಿಧಾನಸಭೆ ಚುನಾವಣೆಯಲ್ಲಿ ಉಡುಪಿ ಜಿಲ್ಲೆಯ ಐದಕ್ಕೆ ಐದೂ ಕ್ಷೇತ್ರಗಳಲ್ಲಿ ಬಿಜೆಪಿ ವಿಜಯ ಪತಾಕೆ ಹಾರಿಸಿದೆ. ಒಂದೇ ಒಂದು ಕ್ಷೇತ್ರದಲ್ಲೂ ಕಾಂಗ್ರೆಸ್ ಜಯ ಗಳಿಸಿಲ್ಲ.

ಉಡುಪಿ ಕ್ಷೇತ್ರವನ್ನು ತನ್ನ ಹಿಡಿತದಲ್ಲಿಟ್ಟುಕೊಂಡಿದ್ದ ಕಾಂಗ್ರೆಸ್ ನ ಶ್ರೀಮಂತ ಯುವ ರಾಜಕಾರಣಿ ಪ್ರಮೋದ್ ಮಧ್ವರಾಜ್ ಕೂಡ ಈ ಬಾರಿ ಪರಾಭವಗೊಂಡಿದ್ದಾರೆ. ಲೈಂಗಿಕ ಹಗರಣದಿಂದಾಗಿ ವಿವಾದಕ್ಕೀಡಾಗಿದ್ದರೂ, ಉಡುಪಿ ಕ್ಷೇತ್ರದಲ್ಲಿ ರಘುಪತಿ ಭಟ್ ಪರವಾಗಿ ಜನಾದೇಶ ಬಂದಿರುವುದು ಅಚ್ಚರಿ ತಂದಿದೆ.

ಉಡುಪಿ ಜಿಲ್ಲೆ ವಿಧಾನಸಭೆ ಕ್ಷೇತ್ರಗಳಲ್ಲಿ ಗೆದ್ದವರು, ಸೋತವರ ವಿವರ ಹೀಗಿದೆ:

ಕ್ಷೇತ್ರ	ಗೆದ್ದವರು	ಪಕ್ಷ	ಗಳಿಸಿದ ಮತಗಳು	ಸೋತವರು	ಪಕ್ಷ	ಗಳಿಸಿದ ಮತಗಳು
ಉಡುಪಿ	ಕೆ.ರಘುಪತಿ ಭಟ್	ಬಿಜೆಪಿ	84946	ಪ್ರಮೋದ್ ಮಧ್ವರಾಜ್	ಕಾಂಗ್ರೆಸ್	72902
ಕಾಪು	ಲಾಲಾಜಿ.ಆರ್.ಮೆಂಡನ್	ಬಿಜೆಪಿ	75893	ವಿನಯ್ ಕುಮಾರ್ ಸೊರ್ಕೆ	ಕಾಂಗ್ರೆಸ್	63976
ಕುಂದಾಪುರ	ಹಾಲಾಡಿ ಶ್ರೀನಿವಾಸ್ ಶೆಟ್ಟಿ	ಬಿಜೆಪಿ	103434	ರಾಕೇಶ್ ಮಲ್ಲಿ	ಕಾಂಗ್ರೆಸ್	47029
ಬೈಂದೂರು	ಬಿ.ಎಂ.ಸುಕುಮಾರ್ ಶೆಟ್ಟಿ	ಬಿಜೆಪಿ	96029	ಕೆ.ಗೋಪಾಲ ಪೂಜಾರಿ	ಕಾಂಗ್ರೆಸ್	71636
ಕಾರ್ಕಳ	ವಿ.ಸುನೀಲ್ ಕುಮಾರ್	ಬಿಜೆಪಿ	91245	ಗೋಪಾಲ ಭಂಡಾರಿ	ಕಾಂಗ್ರೆಸ್	48679

English summary

Karnataka Election Results 2018 Udupi district results: Get complete information about winners and losers with their constituencies and party.