ಹುಣಸೂರು : ಬಿಜೆಪಿ, ಕೆಜೆಪಿಗೆ ಇಲ್ಲೇನು ಕೆಲಸ?

ಹಾಲಿ ಶಾಸಕ - ಮಂಜುನಾಥ್ (ಕಾಂಗ್ರೆಸ್)

ರಾಜಕೀಯ ಮಹತ್ವ : ಮಾಜಿ ಮುಖ್ಯಮಂತ್ರಿ ದೇವರಾಜ ಅರಸು ಅವರ ತವರು ರಾಜಕೀಯ ಕಾರ್ಯಕ್ಷೇತ್ರ ಇದು. ಇತ್ತೀಚೆಗಷ್ಟೇ ಬಿಜೆಪಿಯಿಂದ ಜೆಡಿಎಸ್ ಸೇರಿರುವ ಜಿ.ಟಿ ದೇವೇಗೌಡ ಪ್ರತಿನಿಧಿಸಿದ್ದ ಕ್ಷೇತ್ರವೂ ಹೌದು. ಈ ಕ್ಷೇತ್ರ ಬೆಂಗಳೂರು ಮತ್ತು ನಾಗರಹೊಳೆ ಹಾಗು ಕೊಡಗಿಗೆ ಸಂಪರ್ಕ ಕೊಂಡಿಯಾಗಿದೆ. ಸಾಗವಾನಿ ಮರಗಳಿಗೆ ಹೆಚ್ಚು ಪ್ರಸಿದ್ಧಿ ಪಡೆದಿದೆ.

ಪ್ರಮುಖ ಸ್ಪರ್ಧಿಗಳು : ಕಾಂಗ್ರೆಸ್‍ನಿಂದ ಹಾಲಿ ಶಾಸಕ ಎಚ್.ಪಿ ಮಂಜುನಾಥ್ ಸ್ಪರ್ಧೆ ಖಚಿತ. ಜೆಡಿಎಸ್‍ನಿಂದ ಜಿಟಿಡಿ ಪತ್ನಿ ಸೇರಿ ಹಲವರ ಹೆಸರಿವೆ. ಬಿಜೆಪಿ, ಕೆಜೆಪಿಯಿಂದ ವಿಜಯಶಂಕರ್ ಮಲ್ಲಾಡಿ ಹೆಸರು ಓಡಾಡುತ್ತಿವೆ.

ಗೆಲುವಿನ ಲೆಕ್ಕಾಚಾರ : ಜೆಡಿಎಸ್‍ಗೆ ಬಂದಿರುವ ಜಿಟಿಡಿ, ಸೋಲಿನ ಅನುಕಂಪ ಹಾಗೂ ದೇವೇಗೌಡ ಕುಮಾರಸ್ವಾಮಿ ಬೆಂಬಲದಿಂದ ಗೆಲ್ಲುವ ಉತ್ಸಾಹದಲ್ಲಿದ್ದಾರೆ. ಎಚ್.ವಿ. ಮಂಜುನಾಥ್ ಶೆಟ್ಟಿ ಸಮುದಾಯಕ್ಕೆ ಸೇರಿದವರಾದ್ರೂ ಕ್ಷೇತ್ರದಲ್ಲಿ ಎಲ್ಲಾ ಜನಾಂಗದ ಓಲೈಕೆ ಮಾಡಿಕೊಂಡಿದ್ದಾರೆ. ಇದು ಕಾಂಗ್ರೆಸ್‍ಗೆ ಪ್ಲಸ್ ಪಾಯಿಂಟ್.

ಸ್ಥಳೀಯ ಸಂಸ್ಥೆ ಚುನಾವಣೆ : ಹುಣಸೂರು ಪುರಸಭೆಯ ಒಟ್ಟು 27 ವಾರ್ಡ್‍ಗಳು. ಕಾಂಗ್ರೆಸ್ 15, ಜೆಡಿಎಸ್ 9, ಪಕ್ಷೇತರ 3 ಸ್ಥಾನಗಳಿಸಿದ್ದಾರೆ. ಬಿಜೆಪಿ ಕೆಜೆಪಿ ಖಾತೆ ತೆರೆದಿಲ್ಲ.

ಮತದಾರರ ವಿವರ

ಪುರುಷ ಮತದಾರರು - 99,775

ಮಹಿಳಾ ಮತದಾರರು - 95,477

ಒಟ್ಟು ಮತದಾರರು - 1,95,252

ಹಾಲಿ ಶಾಸಕ - ಎಚ್.ಪಿ ಮಂಜುನಾಥ್ (ಕಾಂಗ್ರೆಸ್)

ಸೋತ ಅಭ್ಯರ್ಥಿ - ಎಸ್. ಚಿಕ್ಕಮಾದು (ಜೆಡಿಎಸ್)

ಗೆಲುವಿನ ಅಂತರ 14,000 ಮತಗಳು

ಜಾತಿವಾರು ಮತದಾರರು : ಒಕ್ಕಲಿಗರು - 40,000, ಎಸ್ಸಿ - 45,000, ಎಸ್.ಟಿ - 27,000, ಕುರುಬರು - 25,000, ಲಿಂಗಾಯಿತರು - 12,000, ಮುಸ್ಲಿಂ - 12,000, ಟ್ರೈಬಲ್ಸ್ - 5,252, ಇತರೆ - 29,000 ಮತಗಳು.

ನೀವೇ ಆಗಿರಿ ಕರ್ನಾಟಕದ ಗುರು | ಮತ ಹಾಕ್ತೀನಂತ ಪ್ರಮಾಣ ಮಾಡಿ

English summary

Karnataka assembly election watch - Hunsur, Mysore : H.P. Manjunatha is the present MLA of the constituency, which was once political playground of former CM of Karnataka Devaraj Urs. Now, in the present election it is going to be direct fight between Congress and JDS.