• search

ಕವನ ಕಟ್ಟಿ ಹೇಳುವ ಮೊದಲು ಬಂದುಬಿಡಲೇ ಶಕುಂತಲೆ

By ಸ.ರಘುನಾಥ, ಕೋಲಾರ
Subscribe to Oneindia Kannada
For Quick Alerts
ALLOW NOTIFICATIONS
For Daily Alerts

    ನನ್ನೆದೆಯ ಒಲವಿನ ಹಾಡೇ, ಶಕುಂತಲೆ,

    ನನ್ನೊಲವೇ, ನಲವೇ, ಚೆಲುವೆ ನಮ್ಮಿಬ್ಬರ ಪಾಡು, ಹಾಡು ಒಂದೇ ಆಗಿದೆ. ಸರಿಯಾಗಿ ಊಟ ಸೇರದು. 'ನಿನ್ನ ಹೆಂಡತಿಯೇನು ಅಲ್ಲಿಯೇ ಇದ್ದುಬಿಡುವುದಿಲ್ಲ. ಜಗತ್ತಿನಲ್ಲಿ ಇಂಥ ಗಂಡ ನೀನೊಬ್ಬನೇ ಅಲ್ಲ. ನೀನೆ ಮೊದಲನೆಯವನಲ್ಲ. ಕೊಂಚ ತಾಳಪ್ಪ ದೊರೆ' ಅನ್ನುವಳು ಅಮ್ಮ. ಅವಳಿಗೇನು ಗೊತ್ತು ನನ್ನ ಕಷ್ಟ ಅನ್ನುವಂತಿಲ್ಲ. ಅನುಭವಿ ಜೀವಿ ಅಲ್ಲವೆ?

    ನಿನ್ನ ಕಾಗದ ತೋರಿಸಲೆ ಅವಳಿಗೆ ಅಂದುಕೊಂಡೆ. ಸುಮ್ಮನಾದೆ. ಆದರೆ ನಿನ್ನ ಸೊಸೆಯ ಅಪ್ಪ ಹೀಗೆ ಮಾಡಿದರಂತೆ ಅಂದೆ, ನಿನ್ನಲ್ಲಿಗೆ ಬರಲು ಅವಕಾಶ ಕೊಡುವಳೇನೋ ಎಂಬ ದೂರದ ಆಸೆ. ಬೇಡವೋ. ಅತ್ತೆ ಮನೆಯವರು ಸಲೀಸೆಂದುಕೊಂಡು ಬಿಡುತ್ತಾರೆ ಅಂದಳು. ಶಕುಂತಲೆಯ ಅಪ್ಪನಂತೆ ನಮ್ಮಪ್ಪನೂ ಮಾಡಿದ್ದನೆ ಎಂದೆ.

    ವಿರಹ ಮಾಸದಲ್ಲಿ ನುಗ್ಗಿ ಬರುತಿರುವ ಶಕುಂತಲೆಯ ನೆನಪಲ್ಲಿ ಪ್ರೇಮ ಪತ್ರ

    ಥೂ, ಹೋಗೊ ಪೋಲಿಮುಂಡೇದೆ ಎಂದು ನಾಚಿಕೊಂಡಳು. 'ಏನಂತೆ ನಿನ್ನ ಮಗರಾಯನದು?' ಎಂದು ಕೇಳುತ್ತ ಬಂದರು ಅಪ್ಪ. ಅವನು ತಲೆಹರಟೆ. ಅವನ ಜೊತೆಗೆ ನೀವೂ ಒಬ್ಬರು ಎಂದಳು. ವಿಷಯ ಏನೆಂದು ಹೇಳದೆ ಹೀಗೆ ಮಾತಾಡಿದರೆ ಹೇಗೆ? ಏನಯ್ಯ ಅದು ಎಂದರು.

    Columnist Sa Raghunatha love letter series 3

    ಹೇಳಲೋ ಬೇಡವೋ ಎಂದು ಹೇಳಿದೆ. ಓಹೋಹೋ ಎಂದು ನಕ್ಕು, ನಿಮ್ಮಮ್ಮನನ್ನೇ ಕೇಳಿಕೊ ಎಂದು ರೂಮಿಗೆ ಹೋದರು. ಮಾಡಿದ್ದು ಅವರು, ನನ್ನ ಹೇಗೆ ಸಿಕ್ಕಿಸುತ್ತಾರೆ ನೋಡು ಎಂಬ ಮಾತಿನಲ್ಲೇ ಗುಟ್ಟು ರಟ್ಟು ಮಾಡಿದಳು.

    ಶಕುಂತಲೇ, ಆಷಾಢ ಹೀಗೊಂದು ಕಳ್ಳ ಪರಂಪರೆಯನ್ನೇ ಸೃಷ್ಟಿಸಿದೆ ಅನ್ನಿಸಿತು.

    ಶಕುಂತಲೇ, ನಿನ್ನ ಕಾಗದದ ಪದಪದ ವಿರಹ ತಾಪವನ್ನು ಹೆಚ್ಚಿಸುತ್ತಿದೆ. ಓದುವ ಪ್ರೇಮ ಕವನ, ಕೇಳುವ ಪ್ರಣಯ ಗೀತೆಗಳ ಭಾವಗಳು ನನ್ನ ಶಕುಂತಲೆಯದು, ನನ್ನದು ಅನಿಸುತಿದೆ. ಓಡಿ ಬಂದುಬಿಡಲೇ ನಿನ್ನ ಬಳಿಗೆ ಅನ್ನಿಸುತ್ತದೆ. 'ಕೂಡಿಡು ಒಲವ ಮಾಲೆ ಕಟ್ಟಿ, ನಿನ್ನ ಶಕುಂತಲೇ ಬರುವ ದಿನ ಸ್ವಾಗತಕ್ಕೆ' ಎಂದು ಮನಸ್ಸು ಹೇಳಿತು.

    ಕಡ್ಲೇಕಾಯಿ ಪರಿಷೆಗೆ ಕೆ.ಸಿ.ದಾಸ್ ಸ್ವೀಟ್ಸ್ ಮುಂದೆ ನಿನಗಾಗಿ ಕಾಯುವ ಕರ್ಪೂರ

    ಅರೇ ಇದು ಕವಿಯು ಹೇಳಿದಂತಿದೆಯಲ್ಲ! ಯಾರು ಹೇಳಿದ್ದೆಂದು ನೆನಪಿಸಿಕೊಂಡೆ. ಇದು ನನ್ನದೇ ಎಂದು ತಿಳಿದಾಗ ಆಶ್ಚರ್ಯವಾಯಿತು. ನಾನು ಕವಿ ಅನ್ನಿಸಿತು. ಹೀಗೆ ಕವಿಯನ್ನು ಮಾಡಿದ್ದು ನೀನು. ನೀನು ನನ್ನೆದೆಯ ಮಧುರವಾಣಿ ಶಕುಂತಲೆ.

    ಮುತ್ತು ಕಸಿಯಿತು ಆಷಾಢ

    ಅಪ್ಪಿಕೊಂಡು ಮುತ್ತು ಕೊಡು

    ಮುತ್ತಿಗೆ ಮುತ್ತು ಎಂದಿತು ಶ್ರಾವಣ.

    ಹೀಗೆ ಹೇಳುತ್ತಿರುವುದು ನನ್ನ ಸ್ವಗತವೆ? ನಿನಗೆ ಹೇಳುತ್ತಿರುವುದೆ? ಉತ್ತರವಿಲ್ಲದ ಪ್ರಶ್ನೆ ಶಕುಂತಲೆ. ಇಷ್ಟೆಲ್ಲ ಏಕೆ ಬಂದುಬಿಡಲೆ?

    ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

    English summary
    Here is the columnist Sa Raghunatha love letter series 3. It will continue for a few weeks. He will express the intense love.

    Oneindia ಬ್ರೇಕಿಂಗ್ ನ್ಯೂಸ್,
    ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more