ಯಾವ್ಯಾವ ಕೃಷಿ ಆಧಾರಿತ ಉತ್ಪನ್ನಗಳ ಉತ್ಪಾದನೆಯಲ್ಲಿ ಕರ್ನಾಟಕದ ಸ್ಥಾನ ಏನು?, ಇಲ್ಲಿದೆ ವಿವರ

Published: Thursday, August 17, 2023, 13:30 [IST]

ನವದೆಹಲಿ, ಆಗಸ್ಟ್‌, 17: ಭಾರತದಲ್ಲಿ ಕಾಫಿ, ರೇಷ್ಮೆ, ರಾಗಿ, ಸೂರ್ಯಕಾಂತಿ, ಹಸಿ ಮೆಣಸಿನಕಾಯಿ, ಅಡಿಕೆ, ದಪ್ಪ ಮೆಣಸಿನಕಾಯಿ, ಹುಣಸೆ ಹಣ್ಣು ಉತ್ಪಾದನೆಯಲ್ಲಿ ಕರ್ನಾಟಕ ಮೊದಲ ಸ್ಥಾನದಲ್ಲಿದೆ. ಹಾಗೆಯೇ ಇನ್ನು ಯಾವ್ಯಾವ ಕೃಷಿ ಆಧಾರಿತ ಉತ್ಪನ್ನಗಳ ಉತ್ಪಾದನೆಯಲ್ಲಿ ಕರ್ನಾಟದ ಸ್ಥಾನ ಏನು ಅನ್ನುವ ವಿವರವನ್ನು ಇಲ್ಲಿ ತಿಳಿಯಿರಿ.

ಭಾರತ ಕೃಷಿ ಪ್ರಧಾನ ರಾಷ್ಟ್ರ ಅಂತಲೇ ಪ್ರಸಿದ್ಧಿಯಾಗಿದೆ. ಬೇರೆ ದೇಶಗಳಿಗೆ ಹೋಲಿಸಿದರೆ ಇಲ್ಲಿ ಕೃಷಿ ಮಾಡುವವರ ಸಂಖ್ಯೆ ತುಸು ಹೆಚ್ಚಾಗಿಯೇ ಇದೆ. ದೇಶದಲ್ಲಿ ಆಯಾ ರಾಜ್ಯವಾರು ವಿವಿಧ ಬೆಳೆಗಳನ್ನ ಬೆಳೆಯುವುದನ್ನು ಕಾಣಬಹುದಾಗಿದೆ. ಅದರಲ್ಲೂ ಕರ್ನಾಟಕ ಅಂತಾ ಬಂದರೆ ಇಲ್ಲಿ ಹೆಚ್ಚಾಗಿ ರಾಗಿ, ಕಾಫಿ ಬೆಳೆಯುವುದಂತೂ ನಿಜ. ಹಾಗಾದರೆ ವಿವಿಧ ಕೃಷಿ ಆಧಾರಿತ ಉತ್ಪನ್ನಗಳ ಉತ್ಪಾದನೆಯಲ್ಲಿ ಕರ್ನಾಟಕ ಯಾವ ಸ್ಥಾನ ಪಡೆದಿದೆ ಎಂದು ಗಮನಿಸಿ.