ಗಣರಾಜ್ಯೋತ್ಸವ ಫಲಪುಷ್ಪ ಜಾತ್ರೆಗೆ ಲಾಲ್ ಬಾಗ್ ಸಜ್ಜು
ತೋಟಗಾರಿಕೆ ಇಲಾಖೆಯ ಸುವರ್ಣ ಮಹೋತ್ಸವ ಸಂಭ್ರಮದ ಜೊತೆಗೆ 199ನೇ ಫಲಪುಷ್ಪ ಪ್ರದರ್ಶನವನ್ನು ಅದ್ದೂರಿಯಾಗಿ ನಡೆಸಲು ಇಲಾಖೆ ಸಕಲ ರೀತಿಯಲ್ಲಿ ಸಜ್ಜಾಗುತ್ತಿದೆ. ಜ.17ರಿಂದ 26ರವರಗೆ ಈ ಬಾರಿಯ ಫಲಪುಷ್ಪ ಪ್ರದರ್ಶನ ನಡೆಯಲಿದೆ. ತೋಟಗಾರಿಕೆ ಬೆಳಗಳ ಪದ್ಧತಿ, ನೀರಾವರಿ ವ್ಯವಸ್ಥೆ ಬಗ್ಗೆ ಮಾಹಿತಿ ನೀಡುವ ಪ್ರಾತ್ಯಕ್ಷಿಕೆಗಳು ಗಾಜಿನ ಮನೆಯಲ್ಲಿ ನಡೆಯಲಿವೆ.
ಈ ಬಾರಿಯ ಫಲಪುಷ್ಪ ಪ್ರದರ್ಶನದಲ್ಲಿ ಗುಲಾಬಿ, ಕಾರ್ನೆಷನ್, ಆರ್ಕಿಡ್ಸ್, ಡ್ರಸಿನಾ ಸೇರಿದಂತೆ 33 ಬಗೆಯ ಹೂಗಳನ್ನು ಊಟಿ, ನಂದಿಬೆಟ್ಟ ಹಾಗೂ ದೇಶದ ವಿವಿಧ ಪ್ರದೇಶಗಳಿಂದ ತರಿಸಲಾಗುತ್ತಿದೆ. ಮಾವು, ಕಿತ್ತಲೆ, ದ್ರಾಕ್ಷಿ, ಜೇನು ಸೇರಿದಂತೆ ವಿವಿಧ ಬಗೆಯ ಕಾರ್ಯಚಟುವಟಿಕೆ ಮತ್ತು ಕೃಷಿಯ ವಿಧಾನಳನ್ನು ತಿಳಿಸುವ ಕಲಾಕೃತಿಗಳಿಗೆ ಹೆಚ್ಚು ಆದ್ಯತೆ ನೀಡಲಾಗುತ್ತದೆ. [ಲಾಲ್ಬಾಗ್ನಲ್ಲಿ ಕಹಿ ಘಟನೆ]
ಫಲಪುಷ್ಪ ಪ್ರದರ್ಶನದ ಪ್ರವೇಶದ ದರದಲ್ಲಿ ಯಾವುದೇ ಬದಲಾವಣೆ ಮಾಡುವುದಿಲ್ಲ ಎಂದು ತೋಟಗಾರಿಕಾ ಇಲಾಖೆ ಉಪ ನಿರ್ದೇಶಕ ಗುವಂತ ತಿಳಿಸಿದ್ದಾರೆ. ಸಾಮಾನ್ಯ ದಿನ 30 ಮತ್ತು ರಜಾ ದಿನಗಳಲ್ಲಿ 40 ರೂ. ಪ್ರವೇಶ ಶುಲ್ಕ ನಿಗದಿಪಡಿಸಲಾಗಿದೆ. ವಿವಿಧ ಕಲಾಕೃತಿಗಳಿಗಾಗಿ ಸುಮಾರು 20 ಲಕ್ಷ ರೂ. ವೆಚ್ಚ ಮಾಡಲಾಗುತ್ತಿದೆ ಎಂದು ಅವರು ತಿಳಿಸಿದ್ದಾರೆ.
Click it and Unblock the Notifications
Sign in with Google