ಬೆಂಗಳೂರು ಸಮೀಪ ಈ ನಿಲ್ದಾಣದಲ್ಲಿ ರೈಲು ನಿಲುಗಡೆ; ವಿವರ

Updated: Tuesday, January 23, 2024, 10:06 [IST]

ಬೆಂಗಳೂರು, ಜನವರಿ 23: ಪ್ರಯಾಣಿಕರ ಬೇಡಿಕೆಗೆ ನೈಋತ್ಯ ರೈಲ್ವೆ ವಲಯ ಮನ್ನಣೆ ನೀಡಿದೆ. ಬೆಂಗಳೂರು ನಗರದ ಸಮೀಪದ ಎರಡು ನಿಲ್ದಾಣದಲ್ಲಿ 6 ತಿಂಗಳ ಅವಧಿಗೆ ಹಲವು ರೈಲುಗಳಿಗೆ ತಾತ್ಕಾಲಿಕ ನಿಲುಗಡೆಯನ್ನು ನೀಡುವ ಕುರಿತು ಆದೇಶ ಹೊರಡಿಸಿದೆ.

ಬೆಟ್ಟಹಲ್ಸೂರು ಮತ್ತು ದೊಡ್ಡಜಾಲ ನಿಲ್ದಾಣಗಳ ನಡುವೆ ರೈಲುಗಳ ತಾತ್ಕಾಲಿಕ ನಿಲುಗಡೆ ಬಗ್ಗೆ ಆದೇಶ ಹೊರಡಿಸಲಾಗಿದೆ. ದಿನಾಂಕ 25/01/2024 ರಿಂದ 25/07/2024ರವರೆಗೆ ರೈಲುಗಳ ತಾತ್ಕಾಲಿಕ ನಿಲುಗಡೆ ನೀಡಲಾಗುತ್ತದೆ.

Temporary Stop For Trains At Bettahalsoor Dodjala Station

ಪ್ರಯಾಣಿಕರ ಬೇಡಿಕೆಯಂತೆ 6 ತಿಂಗಳ ಅವಧಿಯವರೆಗೆ ಹಲವು ರೈಲುಗಳಿಗೆ 1 ನಿಮಿಷ ತಾತ್ಕಾಲಿಕ ನಿಲುಗಡೆಯನ್ನು ನೀಡಲು ನಿರ್ಧರಿಸಲಾಗಿದೆ ಎಂದು ಇಲಾಖೆ ಹೇಳಿದ್ದು, ರೈಲುಗಳ ವಿವರಗಳನ್ನು ಸಹ ನೀಡಿದೆ.

ರೈಲುಗಳ ವಿವರ

* ರೈಲು ಸಂಖ್ಯೆ 06593 ಯಶವಂತಪುರ-ಚಿಕ್ಕಬಳ್ಳಾಪುರ ಮೆಮು ರೈಲು ಬೆಳಗ್ಗೆ 10.41 ಬೆಟ್ಟಹಲಸೂರು ನಿಲ್ದಾಣಕ್ಕೆ ತಲುಪಿ 10.42ಕ್ಕೆ ಹೊರಡುತ್ತದೆ ಮತ್ತು 10.47ಕ್ಕೆ ದೊಡ್ಡಜಾಲ ನಿಲ್ದಾಣಕ್ಕೆ ತಲುಪಿ 10.48ಕ್ಕೆ ಹೊರಡಲಿದೆ.

* ರೈಲು ಸಂಖ್ಯೆ 06594 ಚಿಕ್ಕಬಳ್ಳಾಪುರ-ಯಶವಂತಪುರ ಮೆಮು ದೊಡ್ಡಜಾಲ ನಿಲ್ದಾಣಕ್ಕೆ ಮಧ್ಯಾಹ್ನ 01.44ಕ್ಕೆ ಆಗಮಿಸಿ 01.45ಕ್ಕೆ ಹೊರಡಲಿದೆ. ಮತ್ತು ಬೆಟ್ಟಹಲಸೂರು ನಿಲ್ದಾಣಕ್ಕೆ ಮಧ್ಯಾಹ್ನ 01.51ಕ್ಕೆ ಆಗಮಿಸಿ 01.52ಕ್ಕೆ ಹೊರಡಲಿದೆ.

* ರೈಲು ಸಂಖ್ಯೆ 06531 ಬೆಂಗಳೂರು ಕ್ಯಾಂಟ್ - ದೇವನಹಳ್ಳಿ ಮೆಮು ಬೆಳಗ್ಗೆ 05.55ಕ್ಕೆ ಬೆಟ್ಟ ಹಲಸೂರು ನಿಲ್ದಾಣಕ್ಕೆ ಆಗಮಿಸಿ 05.56ಕ್ಕೆ ಹೊರಟು ಮತ್ತು 06.03ಗೆ ದೊಡ್ಡಜಾಲ ನಿಲ್ದಾಣಕ್ಕೆ ಆಗಮಿಸಿ 06.04ಕ್ಕೆ ಹೊರಡಲಿದೆ.

* ರೈಲು ಸಂಖ್ಯೆ 06532 ದೇವನಹಳ್ಳಿ-ಬೆಂಗಳೂರು ಕ್ಯಾಂಟ್ ಮೆಮು ದೊಡ್ಡಜಾಲ ನಿಲ್ದಾಣಕ್ಕೆ ರಾತ್ರಿ 07.18ಕ್ಕೆ ಬಂದು 07.19ಗೆ ಹೊರಟು ಮತ್ತು ರಾತ್ರಿ 07.25ಕ್ಕೆ ಬೆಟ್ಟಹಲಸೂರು ನಿಲ್ದಾಣಕ್ಕೆ ಆಗಮಿಸಿ 07.26ಗೆ ಹೊರಡಲಿದೆ.

* ರೈಲು ಸಂಖ್ಯೆ 06535 ಚಿಕ್ಕಬಳ್ಳಾಪುರ-ಬೆಂಗಳೂರು ಕ್ಯಾಂಟ್ ಮೆಮು 09.04 am ದೊಡ್ಡಜಾಲ ನಿಲ್ದಾಣಕ್ಕೆ ಆಗಮಿಸಿ 09.05 am ಹೊರಟು ಮತ್ತು 09.10 am ಬೆಟ್ಟಹಲಸೂರು ನಿಲ್ದಾಣಕ್ಕೆ ಆಗಮಿಸಿ 09.11 am ಹೊರಡಲಿದೆ.

* ರೈಲು ಸಂಖ್ಯೆ 06536 ಬೆಂಗಳೂರು ಕ್ಯಾಂಟ್-ಚಿಕ್ಕಬಳ್ಳಾಪುರ ಮೆಮು ಬೆಟ್ಟಹಲ್ಕೂರು ನಿಲ್ದಾಣಕ್ಕೆ ಬೆಳಿಗ್ಗೆ 11.42 am ಬಂದು 11.43 am ಹೊರಟು ಮತ್ತು 11.48 am ದೊಡ್ಡಜಾಲ ನಿಲ್ದಾಣಕ್ಕೆ ಬಂದು 11.49 am ಹೊರಡಲಿದೆ.

* ರೈಲು ಸಂಖ್ಯೆ 06538 ಬೆಂಗಳೂರು ಕ್ಯಾಂಟ್ ಚಿಕ್ಕಬಳ್ಳಾಪುರ ಮೆಮು ಬೆಟ್ಟಹಲ್ಕೂರು ನಿಲ್ದಾಣಕ್ಕೆ ಸಂಜೆ 04.43 pm ಬಂದು 04.44 pm ಹೊರಟು ಮತ್ತು 04.49 pm ದೊಡ್ಡಜಾಲ ನಿಲ್ದಾಣಕ್ಕೆ ಬಂದು 04.50 pm ಹೊರಡಲಿದೆ.

* ರೈಲು ಸಂಖ್ಯೆ 06537 ಚಿಕ್ಕಬಳ್ಳಾಪುರ-ಬೆಂಗಳೂರು ಕ್ಯಾಂಟ್ ಮೆಮು ದೊಡ್ಡಜಾಲ ನಿಲ್ದಾಣಕ್ಕೆ ಮಧ್ಯಾಹ್ನ 02.26 pm ಬಂದು 02.27 pm ಹೊರಟು ಮತ್ತು 02.32 pm ಬೆಟ್ಟಹಲಸೂರು ನಿಲ್ದಾಣಕ್ಕೆ ಆಗಮಿಸಿ 02.33 pm ಹೊರಡಲಿದೆ.