Tirupati Special Trains: ಇಂದಿನಿಂದ ನಾಲ್ಕು ದಿನ ತಿರುಪತಿಗೆ ಭೇಟಿ ನೀಡುವಿರಾ? 4 ವಿಶೇಷ ರೈಲು ಸಂಚಾರದ ಬಗ್ಗೆ ತಿಳಿಯಿರಿ

Updated: Thursday, January 25, 2024, 7:33 [IST]

ನಿತ್ಯ ಸಾವಿರಾರು ಭಕ್ತರು ತಿರುಮಲಕ್ಕೆ ಭೇಟಿ ನೀಡುತ್ತಾರೆ. ದಟ್ಟಣೆಯನ್ನು ಗಮನದಲ್ಲಿಟ್ಟುಕೊಂಡು ದಕ್ಷಿಣ ಮಧ್ಯ ರೈಲ್ವೆ ಮಹತ್ವದ ನಿರ್ಧಾರ ಕೈಗೊಂಡಿದೆ. ತಿರುಪತಿಗೆ ನಾಲ್ಕು ವಿಶೇಷ ರೈಲುಗಳನ್ನು ಘೋಷಿಸಲಾಗಿದೆ. ಈ ತಿಂಗಳ ಜನವರಿ 25, 26, 27 ಮತ್ತು 28 ರಂದು ವಿಶೇಷ ರೈಲುಗಳು ಲಭ್ಯವಿರುತ್ತವೆ.

ಸಾಲು ಸಾಲು ರಜೆಗಳಿರುವುದರಿಂದಾಗಿ ತಿರುಪತಿಗೆ ಭೇಟಿ ನೀಡುವ ಭಕ್ತರ ಸಂಖ್ಯೆಯಲ್ಲೂ ಹೆಚ್ಚಳವಾಗಲಿದೆ. ಹೀಗಾಗಿ ವಿಶೇಷ ರೈಲುಗಳ ವ್ಯವಸ್ಥೆ ಮಾಡಲಾಗಿದೆ. ಸಿಕಂದರಾಬಾದ್-ತಿರುಪತಿ (07041) ರೈಲು ಜನವರಿ 25 ರಂದು (ಗುರುವಾರ) ರಾತ್ರಿ 8 ಗಂಟೆಗೆ ಸಿಕಂದರಾಬಾದ್‌ನಿಂದ ಹೊರಡಲಿದೆ. ಶುಕ್ರವಾರ ಬೆಳಗ್ಗೆ 9 ಗಂಟೆಗೆ ತಿರುಪತಿ ತಲುಪಲಿದೆ. ಇದೇ ರೈಲು ತಿರುಪತಿಯಿಂದ ಸಿಕಂದರಾಬಾದ್ಗೆ (07042) ಜನವರಿ 26ರಂದು (ಶುಕ್ರವಾರ) ಸಂಜೆ 07:50ಕ್ಕೆ ಹೊರಟು ಶನಿವಾರ ಬೆಳಗ್ಗೆ 09:30ಕ್ಕೆ ಸಿಕಂದರಾಬಾದ್‌ ತಲುಪಲಿದೆ.

Special trains will run to Tirupati for four days from January 25th

ಸಿಕಂದರಾಬಾದ್-ತಿರುಪತಿ (02764) ರೈಲು ಜನವರಿ 27 ರಂದು (ಶನಿವಾರ) ಸಂಜೆ 06:40 ಕ್ಕೆ ಸಿಕಂದರಾಬಾದ್‌ನಿಂದ ಹೊರಟು ಭಾನುವಾರ ಬೆಳಿಗ್ಗೆ 06:45 ಕ್ಕೆ ತಿರುಪತಿ ತಲುಪಲಿದೆ. ಇನ್ನೂ ತಿರುಪತಿ - ಸಿಕಂದರಾಬಾದ್ (02763) ರೈಲು ಜನವರಿ 28 ರಂದು (ಭಾನುವಾರ) ಸಂಜೆ 05:15 ಕ್ಕೆ ತಿರುಪತಿಯಿಂದ ಹೊರಟು ಸೋಮವಾರ ಬೆಳಿಗ್ಗೆ 05:55 ಕ್ಕೆ ಸಿಕಂದರಾಬಾದ್ ತಲುಪಲಿದೆ.

ಈ ನಾಲ್ಕು ರೈಲುಗಳು ಯಾವ ನಿಲ್ದಾಣಗಳಲ್ಲಿ ನಿಲ್ಲಲಿವೆ ಎಂಬ ವಿವರವೂ ಬಹಿರಂಗವಾಗಿದೆ. ಸಿಕಂದರಾಬಾದ್-ತಿರುಪತಿ-ಸಿಕಂದರಾಬಾದ್ ವಿಶೇಷ ರೈಲುಗಳು (07041/07042) ಕಾಚಿಗುಡ, ಉಮ್ದನಗರ, ಶಾದ್‌ನಗರ, ಜಡ್‌ಚರ್ಲಾ, ಮಹೆಬೂಬ್‌ನಗರ, ವನಪರ್ತಿ ರಸ್ತೆ, ಗದ್ವಾಲ್, ರಾಯಚೂರು, ಮಂತ್ರಾಲಯ ರಸ್ತೆ, ಗುಂತಕಲ್ಲು, ತಾಡಿಪತ್ರಿ, ಎರಗುಂಟ್ಲಾ, ರಾಜಂಪೇಟೆ ನಿಲ್ದಾಣಗಳಲ್ಲಿ ನಿಲುಗಡೆಯಾಗುತ್ತದೆ. ಸಿಕಂದರಾಬಾದ್-ತಿರುಪತಿ-ಸಿಕಂದರಾಬಾದ್ ವಿಶೇಷ ರೈಲುಗಳು (02764/02763) ಜನಗಾಮ, ಕಾಜಿಪೇಟ್, ವಾರಂಗಲ್, ಮಹಬೂಬಾಬಾದ್, ಖಮ್ಮಂ, ವಿಜಯವಾಡ, ತೆನಾಲಿ, ಬಾಪಟ್ಲಾ, ಚಿರಾಲ, ಓಂಗೋಲು, ನೆಲ್ಲೂರು, ಗುಡೂರು, ರೇನಿಗುಂಟ ನಿಲ್ದಾಣಗಳಲ್ಲಿ ನಿಲುಗಡೆಯಾಗುತ್ತವೆ. ಈ ಬಗ್ಗೆ ಪ್ರಯಾಣಿಕರು ಗಮನಹರಿಸುವಂತೆ ರೈಲ್ವೆ ಇಲಾಖೆ ಸೂಚಿಸಿದೆ.

ಇವರಿಗೆ ಮಾತ್ರ ಕೊಠಡಿಗಳು ಲಭ್ಯ!

ತಿರುಮಲದಲ್ಲಿ ವಸತಿ ಕೊಠಡಿಗಳ ಕುರಿತು ಟಿಟಿಡಿ ಮಹತ್ವದ ನಿರ್ಧಾರ ಕೈಗೊಂಡಿದೆ. ಇದೇ ಮೊದಲ ಬಾರಿಗೆ ಏಪ್ರಿಲ್ ತಿಂಗಳ ಶ್ರೀವಾರಿ ದರ್ಶನ ಟಿಕೆಟ್ ಪಡೆದ ಭಕ್ತರಿಗೆ ಮಾತ್ರ ಆನ್‌ಲೈನ್‌ನಲ್ಲಿ ವಸತಿ ಕೊಠಡಿಗಳ ಹಂಚಿಕೆ ಮಾಡಲಾಗಿದೆ. ದರ್ಶನ ಟಿಕೆಟ್ ಹೊಂದಿರುವ ಭಕ್ತರಿಗೆ ಮಾತ್ರ ಕೊಠಡಿಗಳನ್ನು ನೀಡುವುದರಿಂದ ಜನಸಂದಣಿಯನ್ನು ಸ್ವಲ್ಪಮಟ್ಟಿಗೆ ಕಡಿಮೆ ಮಾಡಬಹುದು ಎಂಬುದು ಟಿಟಿಡಿ ಆಶಯವಾಗಿದೆ.

18ರಿಂದ ಬುಧವಾರದ (24)ವರೆಗೆ 300 ರೂಪಾಯಿಗಳ ವಿಶೇಷ ಪ್ರವೇಶ ದರ್ಶನ ಟಿಕೆಟ್ ಗಳನ್ನು ಟಿಟಿಡಿ ಬಿಡುಗಡೆ ಮಾಡಿತ್ತು. ಆನ್‌ಲೈನ್‌ನಲ್ಲಿ ಬಿಡುಗಡೆಯಾದ 300 ರೂಪಾಯಿಗಳ ವಿಶೇಷ ಪ್ರವೇಶ ದರ್ಶನ ಟಿಕೆಟ್‌ಗಳನ್ನು ಭಕ್ತರು 2 ಗಂಟೆ 45 ನಿಮಿಷಗಳಲ್ಲಿ ಖರೀದಿಸಿದರು. ಆನ್‌ಲೈನ್‌ನಲ್ಲಿ ಬುಕ್ ಮಾಡಿದ ಭಕ್ತರಿಗೆ ಮಾತ್ರ ಕೊಠಡಿಗಳನ್ನು ನೀಡಲು ಟಿಟಿಡಿ ನಿರ್ಧರಿಸಿದೆ.