ಬೆಂಗಳೂರಿನಿಂದ ಹೊರಡುವ ಈ ರೈಲುಗಳಲ್ಲಿ ಕೆಲವು ಬದಲಾವಣೆ

ಬೆಂಗಳೂರು, ಏಪ್ರಿಲ್ 04; ನೈಋತ್ಯ ರೈಲ್ವೆ ರೈಲುಗಳ ವೇಗವನ್ನು 130 ಕಿ. ಮೀ.ಗೆ ಹೆಚ್ಚಿಸುವ ಕಾಮಗಾರಿಯನ್ನು ಕೈಗೊಂಡಿದೆ. ಆದ್ದರಿಂದ ಬೆಂಗಳೂರಿನಿಂದ ಹೊರಡುವ ಕೆಲವು ರೈಲುಗಳನ್ನು ಭಾಗಶಃ ರದ್ದುಗೊಳಿಸಲಾಗಿದೆ. ಕೆಲವು ರೈಲುಗಳ ಸೇವೆಗಳನ್ನು ರದ್ದುಗೊಳಿಸಿ ಆದೇಶ ಹೊರಡಿಸಿದೆ. ಈ ಕುರಿತು ಪತ್ರಿಕಾ ಪ್ರಕಟಣೆಯ ಮೂಲಕ ಜನರಿಗೆ ಮಾಹಿತಿ ನೀಡಿದೆ.

ಬೆಂಗಳೂರು ಮತ್ತು ಜೋಲಾರ್‌ಪೆಟ್ಟೆ ನಿಲ್ದಾಣಗಳ ನಡುವೆ ಜಲ್ಲಿಕಲ್ಲುಅನ್‌ ಲೋಡಿಂಗ್ ಮಾಡುವ ಸಲುವಾಗಿ ಕೆಲವು ರೈಲುಗಳನ್ನು ಭಾಗಶಃ ರದ್ದು ಮತ್ತು ರದ್ದುಗೊಳಿಸಲಾಗುತ್ತಿದೆ ಎಂದು ನೈಋತ್ಯ ರೈಲ್ವೆ ಹೇಳಿದೆ. ಏಪ್ರಿಲ್ 4 ರಿಂದ ಜುಲೈ ತನಕ ತನಕ ರೈಲು ಪ್ರಯಾಣ ಮಾಡುವವರು ಈ ಕುರಿತು ಮಾಹಿತಿ ತಿಳಿದಿರಬೇಕು.

ಕೆ. ಎಸ್. ಆರ್. ಬೆಂಗಳೂರು ನಿಲ್ದಾಣದಿಂದ ಹೊರಡುವ ರೈಲು ಸಂಖ್ಯೆ 01775 ಕೆ. ಎಸ್. ಆರ್. ಬೆಂಗಳೂರು-ಮಾರಿಕುಪ್ಪಂ ಮೆಮು ವಿಶೇಷ ರೈಲನ್ನು ಏಪ್ರಿಲ್ 4, 6, 9, 11, 13, 16, 18, 20, 23, 25, 27, 30 ಮತ್ತು ಮೇ 2 ಮತ್ತು 4 ರಂದು ವೈಟ್‌ಫೀಲ್ಡ್‌ ಮತ್ತು ಮಾರಿಕುಪ್ಪಂ ನಿಲ್ದಾಣಗಳ ನಡುವೆ ಭಾಗಶಃ ರದ್ದುಗೊಳಿಸಲಾಗುತ್ತಿದೆ. ಈ ರೈಲಿನ ಕೊನೆ ನಿಲ್ದಾಣ ವೈಟ್‌ಫೀಲ್ಡ್ ಆಗಿರಲಿದೆ. ಮಾರಿಕುಪ್ಪಂ ನಿಲ್ದಾಣದಿಂದ ಹೊರಡುವ ರೈಲು ಸಂಖ್ಯೆ 01778 ಮಾರಿಕುಪ್ಪಂ-ಬೈಯ್ಯಪ್ಪನಹಳ್ಳಿ ಮೆಮು ವಿಶೇಷ ರೈಲನ್ನು ಏಪ್ರಿಲ್ 4, 6, 9, 11, 13, 16, 18, 20, 23, 25, 27, 30 ಮತ್ತು ಮೇ 2 ಮತ್ತು 4ರಂದು ಮಾರಿಕುಪ್ಪಂ ಮತ್ತು ವೈಟ್‌ಫೀಲ್ಡ್ ನಿಲ್ದಾಣಗಳ ನಡುವೆ ಭಾಗಶಃ ರದ್ದುಗೊಳಿಸಲಾಗುತ್ತಿದೆ. ಈ ರೈಲು ವೈಟ್‌ಫೀಲ್ಡ್‌ ನಿಲ್ದಾಣದಿಂದ ಹೊರಡಲಿದೆ.

ಕೆ. ಎಸ್. ಆರ್. ಬೆಂಗಳೂರು ನಿಲ್ದಾಣದಿಂದ ಹೊರಡುವ ರೈಲು ಸಂಖ್ಯೆ 01775 ಕೆ. ಎಸ್. ಆರ್. ಬೆಂಗಳೂರು-ಮಾರಿಕುಪ್ಪಂ ಮೆಮು ವಿಶೇಷ ರೈಲನ್ನು ಮೇ 7, 9, 11, 14, 16 ಮತ್ತು 18,ರಂದು ಮಾಲೂರು ಮತ್ತು ಮಾರಿಕುಪ್ಪಂ ನಿಲ್ದಾಣಗಳ ನಡುವೆ ಭಾಗಶಃ ರದ್ದುಗೊಳಿಸಲಾಗುತ್ತಿದೆ. ಈ ರೈಲು ಮಾಲೂರು ನಿಲ್ದಾಣದಲ್ಲಿ ಪ್ರಯಾಣ ಕೊನೆಗೊಳಿಸಲಿದೆ. ಮಾರಿಕುಪ್ಪಂ ನಿಲ್ದಾಣದಿಂದ ಹೊರಡುವ ರೈಲು ಸಂಖ್ಯೆ 01778 ಮಾರಿಕುಪ್ಪಂ-ಬೈಯ್ಯಪ್ಪನಹಳ್ಳಿ ಮೆಮು ವಿಶೇಷ ರೈಲನ್ನು ಮೇ 7, 9, 11, 14, 16 ಮತ್ತು 18ರಂದು ಮಾರಿಕುಪ್ಪಂ ಮತ್ತು ಮಾಲೂರು ನಿಲ್ದಾಣಗಳ ನಡುವೆ ಭಾಗಶಃ ರದ್ದುಗೊಳಿಸಲಾಗುತ್ತಿದೆ. ಈ ರೈಲು ಮಾಲೂರು ನಿಲ್ದಾಣದಿಂದ ಸಂಚಾರ ಆರಂಭಿಸಲಿದೆ.

ಕೆ. ಎಸ್. ಆರ್. ಬೆಂಗಳೂರು ನಿಲ್ದಾಣದಿಂದ ಹೊರಡುವ ರೈಲು ಸಂಖ್ಯೆ 06529 ಕೆ. ಎಸ್. ಆರ್. ಬೆಂಗಳೂರು-ಕುಪ್ಪಂ ಮೆಮು ವಿಶೇಷ ರೈಲನ್ನು ಜೂನ್ 4, 6, 8, 11, 13 ಮತ್ತು 15, 2023 ರಂದು ವರದಪುರ ಮತ್ತು ಕುಪ್ಪಂ ನಿಲ್ದಾಣಗಳ ನಡುವೆ ಭಾಗಶಃ ರದ್ದುಗೊಳಿಸಲಾಗುತ್ತಿದೆ. ಈ ರೈಲು ವರದಪುರದಲ್ಲಿ ಪ್ರಯಾಣ ಕೊನೆಗೊಳಿಸಲಿದೆ. ಕುಪ್ಪಂ ನಿಲ್ದಾಣದಿಂದ ಹೊರಡುವ ರೈಲು ಸಂಖ್ಯೆ 06530 ಕುಪ್ಪಂ-ಕೆ. ಎಸ್. ಆರ್. ಬೆಂಗಳೂರು ಮೆಮು ವಿಶೇಷ ರೈಲನ್ನು ಜೂನ್ 4, 6, 8, 11, 13 ಮತ್ತು 15ರಂದು ಕುಪ್ಪಂ ಮತ್ತು ವರದಪುರ ನಿಲ್ದಾಣಗಳ ನಡುವೆ ಭಾಗಶಃ ರದ್ದುಗೊಳಿಸಲಾಗುತ್ತಿದೆ. ಈ ರೈಲು ವರದಪುರ ನಿಲ್ದಾಣದಿಂದ ಹೊರಡುತ್ತದೆ.

ಬಂಗಾರಪೇಟೆ ನಿಲ್ದಾಣದಿಂದ ಹೊರಡುವ ರೈಲು ಸಂಖ್ಯೆ 01773 ಬಂಗಾರಪೇಟೆ-ಕೆ. ಎಸ್. ಆರ್. ಬೆಂಗಳೂರು ಮೆಮು ವಿಶೇಷ ರೈಲನ್ನು ಜೂನ್ 17, 20, 22, 24, 27, 29 ಮತ್ತು ಜುಲೈ 1ರಂದು ವೈಟ್‌ಫೀಲ್ಡ್ ಮತ್ತು ಕೆ. ಎಸ್. ಆರ್. ಬೆಂಗಳೂರು ನಿಲ್ದಾಣಗಳ ನಡುವೆ ಭಾಗಶಃ ರದ್ದುಗೊಳಿಸಲಾಗುತ್ತಿದೆ. ಈ ರೈಲು ವೈಟ್‌ಫೀಲ್ಡ್ ನಿಲ್ದಾಣದಲ್ಲಿ ಪ್ರಯಾಣ ಕೊನೆಗೊಳಿಸಲಿದೆ.

ಕೆ. ಎಸ್. ಆರ್. ಬೆಂಗಳೂರು ನಿಲ್ದಾಣದಿಂದ ಹೊರಡುವ ರೈಲು ಸಂಖ್ಯೆ 01774 ಕೆ. ಎಸ್. ಆರ್. ಬೆಂಗಳೂರು-ಮಾರಿಕುಪ್ಪಂ ಮೆಮು ವಿಶೇಷ ರೈಲನ್ನು ಜೂನ್ 17, 20, 22, 24, 27, 29 ಮತ್ತು ಜುಲೈ 1ರಂದು ಕೆ. ಎಸ್. ಆರ್. ಬೆಂಗಳೂರು ಮತ್ತು ವೈಟ್‌ಫೀಲ್ಡ್ ನಿಲ್ದಾಣಗಳ ನಡುವೆ ಭಾಗಶಃ ರದ್ದುಗೊಳಿಸಲಾಗುತ್ತಿದೆ. ಈ ರೈಲು ವೈಟ್‌ಫೀಲ್ಡ್ ನಿಲ್ದಾಣದಿಂದ ಹೊರಡಲಿದೆ.

ಕೆ. ಎಸ್. ಆರ್. ಬೆಂಗಳೂರು ನಿಲ್ದಾಣದಿಂದ ಹೊರಡುವ ರೈಲು ಸಂಖ್ಯೆ 01774 ಕೆ. ಎಸ್. ಆರ್. ಬೆಂಗಳೂರು-ಮಾರಿಕುಪ್ಪಂ ಮೆಮು ವಿಶೇಷ ರೈಲನ್ನು ಜುಲೈ 4, 6, 8, 11, 13, 15, 18, 20, 22, 25, 27 ಮತ್ತು 29ರಂದು ಕೆ. ಎಸ್. ಆರ್. ಬೆಂಗಳೂರು-ಬಂಗಾರಪೇಟೆ ನಡುವೆ ಭಾಗಶಃ ರದ್ದುಗೊಳಿಸಲಾಗುತ್ತಿದೆ. ಈ ರೈಲು ಬಂಗಾರಪೇಟೆ ನಿಲ್ದಾಣದಿಂದ ಸಂಚಾರ ಆರಂಭಿಸುತ್ತಿದೆ.

ರೈಲು ರದ್ದು: ಬಂಗಾರಪೇಟೆ ನಿಲ್ದಾಣದಿಂದ ಪ್ರಾರಂಭವಾಗುವ ರೈಲು ಸಂಖ್ಯೆ 01773 ಬಂಗಾರಪೇಟೆ-ಕೆ. ಎಸ್. ಆರ್. ಬೆಂಗಳೂರು ಮೆಮು ವಿಶೇಷ ರೈಲನ್ನು ಜುಲೈ 4, 6, 8, 11, 13, 15, 18, 20, 22, 25, 27 29ರಂದು ರದ್ದುಗೊಳಿಸಲಾಗುತ್ತಿದೆ.

English summary

South western railway cancelled some train and partially cancelled trains which running from Bengaluru city from April 4th. Here are the list.